img
الرئيسة / منوعات / طريقة الماجي المنزلي سلسلة اقتصادي وسهل 9

طريقة الماجي المنزلي سلسلة اقتصادي وسهل 9

/
/
/
2450 مشاهدات

 

طريقة الماجي المنزلي سلسلة اقتصادي وسهل 9

طريقة عمل الماجي سلسلة اقتصادي وسهل9

طريقة الماجي المنزلي سلسلة اقتصادي وسهل 9

طريقة الماجي المنزلي سلسلة اقتصادي وسهل 9 , معكم صديقة زاكي الشيف الموهوبة ,ام علاء ابو يحيى

المقادير

  • لتر شوربة دجاج
  • حبتين جزر
  • حبتين بندور جامده مقطعين
  • راس بصل
  • سنين ثوم
  • فنجان كزبره
  • فنجان بقدونس
  • عودين قرفه
  • ورقتين اوثلاث ورق غار
  • اربع معالق طحين
  • ثلاث معالق زيت قلي
  • معلقة بهارات مشكلة
  • معلقة هيل مطحون
  • معلقة توم باودر
  • معلقة ملح
  • معلقة قرفه ناعمه
  • معلقة بابركا حلوه
  • معلقة كزبره ناشفه
  • معلقة فلفل اسود
  • معلقة زنجبيل مطحون او طازج
  • معلقة عصفر

الخطوات

بسم الله الرحمان الرحيم

يسعد اوقاتكم حبيباتي وصفة اليوم الماجي البيتي يا رب تنال اعجابكم وانا مصره انزلها وكتبتها اكثر من مره واخر لحظه بحكولي لقد تم توقف زاكي لكن مصره كل الاصرار انكم تشوفوها لعل وعس تستفيدو منها لان الماجي هذه الايام يمتلىء باحادي الصوديم المؤثر على الاعصاب والدماغ وخصوصا حبايبنا الاطفال الله يحميهم ويرزقهم للجميع

اليكم الطريقه يا رب تنال اعجابكم وتجربوها

بسم الله الرحمان الرحيم

اخواتي في البدايه بنحضر كل ما يلزم حتى مانطول بالمطبخ ونقضي الوقت في البحث عن الاغراض

بحضر لتر الشوربه وبضعه بالطنجره وبضع فيه الخضار المقطعه والمغسوله مع عودين قرفه وورق للغار وبتركهم ينضجو على نار هاديه وبعدين بخلطهم بالخلاط وبخليهم على جني

نفس الطنجره بشطفها وبنشفها وبضع فيها الزيت والطحين وبحمص الطحين كويس وبضيفله كل البهارات وبحرك كويس وبعد ين بضيفلهم الخضار المطحونه بالخلاط واذا لاحظتي انه الطحين كبتل معك عادي رجعيه للخلاط وبعدين على النار لمع التحريك لما يبلش يطلع فقاعات ويتماسك طفي عليه وفرغيه بصينيه مدهونه زيت واتركيه يبرد وقطعيه وعلى الفريزر واذا بتحبي قطعيه بعد ما يطلع من الفريز وعبيه باكياس او تبروير وعلى الفريزر على طول اوعي تتركيه بالثلاجه من تحت لانه بدوب وبتلف لكن بالفريز بضل اشهر

هذه طريقتي سهله واقتصاديه وكل مكوناتها بالبيت يا رب تعجبكم يا قمرات

اسال الله العظيم ان يطيل اعماركم ويحفظ اولادكم ويجعلهم من عباده الصالحين

استودعتكم لله الذي لا تضيع ودائعه

20 تعليقاً

  1. اللهم آمين يا رب تسلمي على هالدعوه الحلوه جميعا يا رب 😘
    ما شاء الله عنك يعطيكي الف عافيه حبيبتي ام علاء وتسلمي كثير على اصرارك على افادتنا بهالوصفه المفيده والرائعه الله يباركلك بصحتك وعيلتك يا رب 😘😘

  2. يسلم ايديكي والله يجزاكي كل خير وصفة اكتر من رائعة صحية ومنحتاجها ومتل ماحكيتي منبطل خايفين من المكونات اللي بحطوها بالتصنيع😘😍

اترك تعليقاً

لن يتم نشر عنوان بريدك الإلكتروني.