img
الرئيسة / معجنات / معجنات بالجبنه المالحه طعم ولا اطيب

معجنات بالجبنه المالحه طعم ولا اطيب

/
/
/
1806 مشاهدات

 

معجنات بالجبنه المالحه طعم ولا اطيب

معجنات الجبنه المالحه طعم ولا اطيب

معجنات بالجبنه المالحه طعم ولا اطيب

معجنات بالجبنه المالحه طعم ولا اطيب , معكم صديقة زاكي الشيف الموهوبة ,رشا رشا

المقادير

  • 6 كوب طحين ابيض
  • 2 كوب ماء دافئ تقريبا
  • معلقتين صغار ملح
  • معلقه كبيره خل
  • معلقتين كبار سكر
  • كوب زيت نباتي
  • جبنه مالحه مفتته
  • قليل من اوراق الزعتر او معلقتين كبار بقدونس مفروم
  • معلقتين كبار لبن يوقرت
  • خليط التلميع لدهن وجه المعجنات:
  • بيضه
  • معلقه صغيره نسكافيه
  • معلقه خل صغيره
  • رشه صغيره سكر

الخطوات

بسم الله نبدا

بوعاء العجن بنضيف كوب طحين ومعلقتين الخميره والسكر وكوب ما دافئ وبنتركهن سبع دقايق للتفاعل الخميره وبعد هيك بنضيف الطحين المتبقي والملح والخل واللبن وبنضيف كوب المي الثاني وبنعجنهن منيح وبآخر مرحله بالعجن بنضيف الزيت وبنستمر بالعجن لما يختلط الزيت بالعجينه وتسير عنا عجينه ناعمه ووطريه بنتركها تخمر ويتضاعف حجمها وبهالوقت بنحضر الجبنه الي بنكون نقعناها شوي لنخفف ملوحتها وبنفتت الجبنه وبنخلط معهن اوراق الزعتر او البقدونس وهيك بتكون جاهزه للحشي

وبعد متكون خمرت العجينه بنقطعها وبنحشيها بالجبنه وبنشكلها حسب الطلب وبندهن وجها بخليط صفار البيض وبنخبزها بالفرن لما تسير لونها ذهبي وبنحمر الوجه وتقدم والف صحه وهنا
خليط التلميع لدهن وجه المعجنات بيضه مخفوقه مع معلقه صغيره نسكافيه ومعلقه خل صغيره ورشه صغيره سكر

انا هوون قدمت طريقتين لتشكيلهم وانتو الكم حريه الاختيار والابداع بس بالطريقه الثانيه انا ضفت جبنه صفره فوق الجبنه البيضه المالحه وطلع طعمهم روووعه

صبايا احكولي اذا حبيتو طرق تشكيلهم للبسكوتات بنزللكم طريقتهم ان شاء الله

وبحب افرجيكم صور تطبيقي لوصفه بسكويت الموازيك لشيف ام جاسم الله يباركلها بس انا غيرت شوي بالاشكال وطلعت اكثر من رائعه واعجبت كل من تذوقها يسلمو اديكي حبيبتي ام جاسم على هالوصفه الطيبه

تحياتي الكم جميعاا رشا ام احمد

50 تعليقاً

  1. ما شاء الله عنك وعن وصفاتك شيف رشا
    اكثر من رائعة الوصفة والتشكيل تبارك الرحمن.

    ومبسوطة جدا انك طبقتي وصفة البسكويت وعجبتك وطالعه معك تحف ما شاء الله ، نزلي طريقة التشكيل ، بانتظارها.

  2. ماشاءالله ابداع..يعجز لساني عن وصف الابداع واللذة…ربي يحميكي ونتعلم منك اكثر واكثر يا اصيلة…وام جاسم ماشاءالله عليها فنانة روووووعة ربي يحميها🌷🌷🌷🌷❤❤❤❤

  3. ما شاء الله تبارك الرحمن
    تسلمولي على تعليقاتكم الحلوه الله يحفظكم وشكر كثير كبير لالكم على تشجيعكم الدائم والمستمر الله لا يحرمني منكم يا احلا واروع صحبه بالدنيا مبسوطه كثير بكلامكم الحلو ❤😘
    ان شاء الله حبيبتي ام جاسم رح انزل طرق تشكيلهم بالوصفات الجاي تسلميلي حبيبتي 😘
    بالنسبه للرابط ادمن هيه يلي ضافتو ما بعرف كيف والله انا زمان كنت بحاول اعمل نسخ لرابط الوصفه الي حابه اضيفها للوصفه الجديده وما كان يزبط

  4. حبيبتي ورود الامل تسلميلي انتي وابنك الله يحلي ايامكو يا رب ما شاء الله عليه الله يحفظو يا رب يا ريت بقدر اذوقو من بسكوتاتي هههه 😘😘

  5. ابداااااااااع مافي بعدو ابداااع عنجد انتي رائعه وفنانه. وانا بحب الاكل المرتب والنظيف وانتي ماشالله عليكي شيف ومبدعه. واتمنالك المزيدىمن هل ابداعااات

اترك تعليقاً

لن يتم نشر عنوان بريدك الإلكتروني.

Translate »