طريقة عرايس و طريقة عمل كبة الراهب سلسلة وصفات التوفير 20

25 7٬818
 

طريقة عرايس و طريقة عمل كبة الراهب سلسلة وصفات التوفير 20

عرايس وجنبها كبة راهب سلسلة وصفات التوفير

طريقة عرايس و طريقة عمل كبة الراهب سلسلة وصفات التوفير 20

طريقة عرايس و طريقة عمل كبة الراهب سلسلة وصفات التوفير 20 , معكم صديقة زاكي الشيف الموهوبة ,أم جاسم

المقادير

  • مقادير العرايس:
  • نصف كيلو لحمة مفرومة ناعمة
  • حبة بندورة
  • حبة فلفل حار
  • راس بصل ابيض
  • ملح وفلفل
  • زيت زيتون
  • خبز عادي
  • مقادير كبة راهب:
  • عجينة كبة
  • عدس حب
  • ملح
  • فلفل
  • كركم
  • ثوم
  • ليمون
  • زيت زيتون

الخطوات

عرايس جنبها كبة راهب

السلام عليكم ورحمة الله وبركاته

لما عملت كبة بدون ماكينة وبدون هبرة زاد معي شوية عجينة ، حبيت استغلها بوصفة مختلفة، فعملت نوع كبة مش كثير مشهور عنا بس مشهور بلبنان ،

وبدي اشكر صديقتي “أم الهادي” لانه اخدت الوصفة منها هيه لبنانية ونباتيه فالوصفة نباتيه 100% .

ولكن حسيتها ما بتكفي لحالها فعملت معها عرايس وطلعت بتشهي.

أولاً/ عجينة الكبة

انا استخدمت عجينة الكبة في وصفتي كبة بدون ماكينة ممكن ترجعولها وتاخدوا الطريقة منها بس ببرغل ناعم.

بنكوّرها لكرات صغيرة بحجم حبة بندق صغيرة.

ثانياً/ شوربة العدس

بنغسل عدس حب وبنسلقه بكمية مي تكفي لشوربة لحتى يستوي وبنضيف ملح وفلفل وكركم وبنضيف كرات الكبة تتسبك وتستوي مارح تاخد وقت كثير لانها برغل بالاخر، ورح تعقد شوربة العدس على الطحين اللي بالبرغل.

ثالثاً/ تتبيلة الشوربة

بنجهز تتبيلة مكونة من ثوم مهروس وعصير الليمون وزيت الزيتون وبنضيفها للكبة بعد الاستواء وبنخليها تغلي شوي معها وهيك بتصير جاهزة.

رابعاً/ سبب التسمية

بيرجع سبب التسمية لانه الطبخة نباتية مافيها لحوم كانوا يتناولوها الرهبان وقت صيامهم .

خامساً/ العرايس

اكلة العرايس ما بتاكل لحمة كثير لانه بنزاد عليها بصل وبندورة وفلفل فبتزيد وبتبرك الكمية.

بنجهز كمية لحمة مفرومة ناعمة تكون وبنطحن حبة بندورة وحبة بصل وقرن فلفل حار وبنضيفهم عاللحمة مع شوية زيت زيتون وملح وفلفل هاي الخضرة لنص كيلو لحمة.

بتخلطي اللحمة كويس بتصير طرية طبعا من الزيت والسوائل اللي بالخضرة .

—الخبز

بنجيب ارغفة خبز عادي انا استخدمت خبز كبير مش صغير بس على كيفك وحسب المتوفر بس الارغفة الصغار احسن ، ماكان عندي.

بندهنهم بزيت الزيتون من تحت وفوق وبنفتح الطبقتين عن بعض.

— الحشو والشوي

بنحشي اللحمة بالخبز بس مانخليها تخينة نرققها شوي عشان تستوي .

بنكون محميين الفرن من بداية الشغل وحاطين الشبك بالوسط.

بنحط الارغفة عالشبك وحطي تحته صينية عشان رح تنقط زيت ودهن، عشان فرنك ما يتوسخ.

بتتركيهم على اعلى حرارة تقريبا 20—30 دقيقة حسب كمية اللحمة وتخنها.

بجهزوا وبتحمروا بنفس الوقت وريحتهم بتاخد العقل بتقسميهم ارباع وبتقدميهم. وصحة وهنا

عرض التعليقات (25)