img
الرئيسة / منوعات / اخواتي بالله ممكن تساعدوني

اخواتي بالله ممكن تساعدوني

/
/
/
2800 مشاهدات

 

اخواتي بالله ممكن تساعدوني

اخواتي بالله ممكن تساعدوني

اخواتي بالله ممكن تساعدوني

اخواتي بالله ممكن تساعدوني, معكم صديقة زاكي الشيف الموهوبة ,jaweda

السلام عليكم .انا ربة بيت ام لخمسة اطفال ٣ منهم اولاد زوجي اقوم بتربيتهم بعد موت امهم بحادث.اكملت دراستي الجامعية وحصلت على شهادة البكالوريوس باللغة الانجليزية .المهم بلا طول سيرة قررت افتح مشروع بالبيت تصنيع حلو ومعجنات وعوجوت .

مع العلم زوجي تعرض لحادث قبل سنة وهو الان نصف كفيف .حدى بيعرف بهيك امور شو لازم اعمل وبالنسبة للبيع والتسويق حدى يردلي خبر

وارجو انكم تنشرو موضوعي يا اعضاء زاكي

وبستنى منكم الرد

37 تعليقاً

  1. الله يفرجا عليكي بدك تشوفي الكروبات يلي بالوتس بمنطقتك يلي عندا عزيمه او مناسبه نزلي صور شغلك واسعار شوفي التكلفه اديش واجره ايدك وتشوفي اديش لازم تربحي وممكن تشوفي مدارس كمان او الموظفات بكونو بحاجه لمساعده بحكم ضيق وقتن الله يفتحا عليكي من وسع يارب

  2. الله يفرجها عليكي يااارب اعملي أصناف متعددة وحطي اطباق ع الفيس وشوفي الواتس اب واحكي انك بتشتغلي هيك وان شاء الله الله يفتحها عليكي ويفرجها عليكي ياااارب

  3. حبيبتي ربنا يرزقك ويفتحلك الرزق من اوسع ابوابه ويشفي زوجك
    بما انه معك شهادة لغه انكليزيه درسي في اي مدرسه خاصه او درسي تدريس خصوصي بالبيت او بامكانك تاخذي دورات مثل الحجامه او تصنيع الصابون وتستفيدي منهم

  4. اختي… أسأل الله يفرجها عليكم عاجلا غير أجل. .. لكن م دام شهادتك موجوده. . ليش ما تشتغلي بمدرسة خاصه. .أو مترجمه أو تدقيق لغوي بصحيفة بالاضافه للتدريس البيتي لأي من معارفك وجيرانك … غير أنه التسويق للعمل البيتي للطعام بدو جهد كبير. … اشتغلي بشهادتك أفضل. ..وانت اسعي وربنا مطلع ع نيتك وصبرك وراح يسهل أمورك. ..الله يفرج همك

  5. انا اختي درست علاج طبيعي 7 سنوات وهي تقدم لشغل وما زبط معها رغم أنها من أوائل الدفعه ومتقنه للغه الانجليزيه بطلاقه… جاهدت وكانت تدرس كل أولاد الحي … وسبحان الله ربنا عوضا على صبرها ماشاء الله واشتغلت بمننظمه براتب منيح والحمد لله الها مكانتها بين كل الكادر. … إن شالله ربنا يعوضك خير ويسهل أمورك اختي…

  6. الله يفرجها عليكي وع كل واحد متضايق من امه سيدنا محمد كلام الصبايا صحيح درسي بالبيت خصوصي اريح لإلك ،وإذا بدك تسوقي اكل وانتي بتعملي اكل صوريه وسوقيه عن طريق الإنستغرام اوالفيس وربنا يكون معاكي امين

  7. الله يفتحها عليكي ويرزقك من أوسع ابوابه اختي شغل التواصل في فائدة منيحة منو بس بدك تكوني حاسبيتها منيح وبدك تشتري أغراضك من محلات الجملة هيك بيكون احسنلك فيها ربح أكثر و سوقي شغلك واتس وفيس واحكي ل جيرانك وخليهم يحكو ل قرايبهم والله يسر امرك

  8. مراحب أختي
    الله يرزقك و يسر أمرك
    أول حاجة زوجة ع راس عمله ولا لا
    و اذا بيشتغل شوه طبيعة شغله
    يعني امتى ينتهي دوامه .
    المنطقة السكنية الي انتوا عايشين
    فيها كيف م حيث السكان و الساكن يعني منطقة
    جديدة او لا ع ساسا بداية المشروع
    يكون من منطقة لان الاغلب حتى لو سويتي اعلان ع فيس او الوات او ع الانستا
    و محد جرب اكلك الاغلب يتجاهل الاعلان
    بس البداية اذا كان زوجك بعده ع راس اعمله و ينتهي عمله ع س2 او ما بيشتغل .
    تروحي تطلعي ترخيص بلدي الي هي بطاقة صحية منعا لاي مخالفة تسوي طاولة قياس
    متر في متر ونص او مترين .
    مع خافظات طعام و تسوي انواع الاكل
    الي راح تبيعيهم اول شي بكمات بسيطة
    لحد ما يكون فيه زبائن و تزيدي الكمية
    و تخلي زوجك ينزل فيهم ع موقع
    حلو يبيع فيهم بعد مغرب و يكتب رقم
    لطلب و حجز لان م يجربوا طعم طبخك و شغل ايدك حلو الكل راح يجي ياخذ و بيطلب
    يحجز وهم الناس الي راح ياخذو من معكم هم الي راح يسوقوا الكم لان شغلكم حلو حتى فيك تجمعي مبلغ و توسعي شغلك هذا اذا كان ما معك راس مال .
    اذا معك راس مال فيه طرق2
    فيه افكار كثير معي

  9. الله يرزقك يا رب بس هاد بعتمد المندطقه الي انتي فيها في قناة رؤيا بتدعم المشاريع الصغيره ازا انتي ساكنه بالاردن احكي معهم وان شالله الله يفرجها عليكي حبيبتي

  10. الله يرزقك يا قلبي بامكانك ازا في عندكو بالمنطقة محلات خضار تتعاوني معهم بمواسم التفريز بحيث انهم يجيبولك الخضار وانتي بتكيسيها زي الملوخية والجزر وغيرها الله يفتحها عليكي وعلينا وعلى جميع المسلمين يارب

  11. الله يرزقك ويفتحها عليكي يارب ابعثي ع الواتس للقروبات ولصديقاتك خليهم يعملولك دعايه وع الفيس
    وانا بشجع فكره انك تعطي دروس خصوصي افضل وربحها اعلى
    وبالتوفيق

  12. الله يشفي زوجك..ويجزاك جنتة ع تربية الايتام وبأذن الله يفرجها عليك لو لاجل تعبك عليهم..

    وربي يرزقك من واسع فضله..

    بماان معاك شهادة اشتغلي فيها مثل ماحكوا الاخوات دروس خصوصيه تستفيدي اكثر..

    وبالنسبه للطبخ افضلك ابدأي من جماعتكم بمعنى هم يسوقوا عند اصحابهم وبشغلهم لك..

    اعرف كثير عن طريق كذا يعرفوا ناس يشتغلوا ف يسوقوا لهم ويعملوا تعاقد معاهم انها تطبخ لهم مثلا فطور للدوام او غيره كل يوم وتاخذ اجرتها.. وفيه ناس بعد في رمضان للعزابيه اللي يحبوا شغل البيت ف يتعاونوا مع وحدة ست لاجل تطبخ لهم..

    ف الطبخ انتي لاتحددي نوع معين اذا عندك المهارة طبعًا..

    وربي يرزقك من واسع فضله

  13. الله يفتحها عليكي من اوسع ابوابه وجزاكي الله خيرا على معروفك بالايتام وتأكدي انه ما جزاء الاحسان الا الاحسان
    بالنسبة لمشروعك لسى الجمعة الماضية يسعد صباحك جابو عن دعم المشاريع الصغيرة خاصة من وزارة العمل وحكت لانا قسوس انو الي برغب في المشاركة رقمهم موجود ع صغحة يسعد صباحك في الفيس وبتمنى انو اكون افدتك يااارب

  14. الله يفرجها عليكي ..بس ليش ما تعطي دروس خصوصي انا حاط ابني عند معلمه بدرسه انجليزي بالاسبوع 3 حصص بتاخد 20 دينار كل شهر ومنظمه وقتها عندها اكتر من 10 طلاي

  15. مساء الورد و الفل في ناس على الفيس ببعتو على سوق المفتوح عشان يبيعو ابعتي صور من شغلك
    و على نفس السوق في ناس ببعتو بدهم ربت منزل تشتغل وهي في بيتها مع راتب شهري
    او ممكن ادرسي في البيت لانك دارسه

  16. انا بصراحة هلا لقدرت شوف الوصفات وشفت منشورك
    اول شي الله يجزيكي كل خير ياقلبي على رعايتك لولاد زوجك ويعوضك بكل شي بتتمنيه ويعافيلك زوجك من كل مكروه🌹
    بدي قلك انو توكلي على رب العالمين وجربي بلشي بمشروعك وتفائلي خير وأحسني الظن برب العالمين انو يوفقك ويفتح عليكي وكتري من الاستغفار
    وفي دورة مجانية من جوجل للتسويق الالكتروني ممكن تستفادي منها
    فتحي على جوجل وكتبي مهارات جوجل بتطلعلك فورا وتطلعي عليها
    والله يوفقك ويفرج عنا وعنكم ويرزقكم من اوسع ابوابو ياحبيبتي❤

  17. أول شي الله يجزيكي كلللللللللللل الخير ياااااااااارب ويعطيكي طولة البال لتبري فيهم وتكوني الهم ام واكتر انا برأيي ازا بتشتغلي بتخصصك ادب انجليزي مترجمة او مدرسة وتحضير الطلبات الأكل وخلافو تكون جانبية الي معاه هاي الأيام خصوصا البنت تحمد الله الف مرة واستغلي هاي النعمة الي الله اعطاكي اياها بتدر دهب والله يرزقك برزقتهم يااااارب

اترك تعليقاً

لن يتم نشر عنوان بريدك الإلكتروني.