فتة المكدوس أو المقدوس وعجة الكوسا بالفرن
تحرير
فتة المكدوس أو المقدوس وعجة الكوسا بالفرن
فتة المكدوس أو المقدوس وعجة الكوسا بالفرن
المقادير
- للفتة:
- باذنجان مقطع مكعبات
- خبز شامي مقطع مكعبات
- كوب طحينة
- لحمة مفرومة
- كوب لبن رايب
- ثوم حسب الرغبة
- ملح
- فلفل
- عصير ليمونتين
- للتزيين:
- بقدونس
- لعجة الكوسا:
- كوسا يعني خمس او ست حبات حجمهم منيح
- تلات بيضات
- بصلتين
- كزبرة او بقدونس مفروم
- ملح
- فلفل
- زيت نباتي
الخطوات
عجة الكوسا بنفرم الكوسا فرم ناعم وبنفرم البصل متله وبنقليه عالغاز بزيت نباتي نص قلية بنخلط البيض وبنضيفه إلها بنخلطها وبنحط ملح وفلفل والكزبرة المفرومة أو البقدونس وبنحطها بالصينية وعالفرن
فتة المقدوس هالمرة باللحمة المفرومة بنفرم الباذنجان مكعبات وبتقليها والخبز مكعبات وبتقليه بنحط الخبز بالصحن وفوقيه الباذنجان بنحضر الصوص طحينة مع الليمون واللبن وبنملح ونفلفل وطبعا بنهرس الثوم وبنخلطه معه وبنصبه فوق الفتة وبنقلي اللحمة المفرومة وبنحطها عالوجه وبنزين بالبقدونس
صحة وهناااا
شكلهم بيشهي يعطيكي العافيه وصحة وهنا
يسلم ايديكي
منظرهم بشهي
طيب ما حطيتي طحين ع العجة وكم بتاخد وقت بالفرن
شكلها بشهي يسلمو هالديات
عفواً هادا العجه ما فيها طحين
لاء ام عبدالله بدون طحين
سماسم بدون طحين مقلية الكوسا مع البصل مفركة يعني وبعدين بتنخلط بالبيض وعالفرن يعني تحمير لوجها وشوي من تحت شي ربع ساعة لأنها أصلا مستوية تقريبا وأنا سميتها عجة ولو ما فيها طحين لأنها بتتماسك وبتتقطع قطع وقت الأكل جربوها ان شاء الله تعجبكم
يسلمو اديكي
بشهيييييي تسلم ايديكي 😙