img
الرئيسة / معجنات / فطاير بحشوات مشكلة

فطاير بحشوات مشكلة

/
/
/
2215 مشاهدات

 

فطاير بحشوات مشكلة

فطاير بحشوات مشكلة

فطاير بحشوات مشكلة

فطاير بحشوات مشكلة , معكم صديقة زاكي الشيف الموهوبة ,💖أحبكم بالله💖

المقادير

  • العجينة موجودة بوصفاتي
  • حشوة اللحمة:
  • كيلو لحمة مفرومة ناعم واذا معها شوي ليّة بتكون اطيب
  • حبتين بصل متوسط الحجم
  • 3حبات فليفلة خضرا متوسط الحجم
  • 5 حبات بندورة
  • رشة بقدونس (اختياري)
  • ملح
  • ملعقة كاري
  • ملعقة بهارات مشكلة
  • باكيت ماجي
  • زيت
  • حشوة السبانخ:
  • ضمة سبانخ منقية ومفرومة ومغسولة ومفروكة برشة ملح عشان تنزل المي منها
  • حبتين بصل
  • زيت زيتون
  • باكيت ماجي
  • عصير ليمون
  • سماق
  • رشة كمون اختياري
  • حشوة الجبنة:
  • كيلو جبنة بيضا منقوعة بالمي عشان تخف الملوحة منها
  • علبة جبنة قشقوان
  • حبة البركة

الخطوات

حشوة اللحمة

بنفرم البصل ناعم ونحوسه بالزيت شوي وبعدها بنضيف اللحمة وبنقلبها 5 دقايق بعدها بنضيف الفليفلة المفرومة ناعم والماجي والبهارات والملح وحبتين بندورة مفرومة ناعم وبنتركهن ع نار متوسطة لحتى تستوي اللحمة وتنشف السوائل منها واخر شي بنضيف البقدونس المفروم وبنقلب وبنطفي النار ونتركها تبرد

ملاحظة

باقي حبات البندورة بنفرمهن ناعم وبتركهن يتصفو بمصفاية لحتى تبرد اللحمة بنعصرهن من السوائل وبنخلطهن مع حشوة اللحمة الباردة.

حشوة السبانخ

انا مابحب البصل ني بالحشوات عشان هيك بحوس البصل المفروم بزيت الزيتون لحتى يتذبل معي واخر شي بضيف بكيت ماجي وبحرك شوي وبعدها بطفي النار وبترك البصل يبرد وبكون غاسلة السبانخ من الملح بعد ماافركه فيه وبعصرو منيح وبخلطو بالبصل مع عصير ليمونتين او حسب ماتحبي حموضته وملح والسماق ورشة الكمون هاي اختياري كمان .

حشوة الجبنة

بصفي الجبنة من المي بمصفاية وبحاول افركها بايدي حتى تنزل ميتها وتتفترك معي وبس تنزل كل ميتها ببشر جبنة القشقوان معها وبضيف حبة البركة وبخلطهن .

بعد ماجهزت الحشوات ببلش احشي العجين واشكل الفطاير حسب الشكل اللي بتحبيه واشويهن بالفرن وبجهز بريق شاي ضروري مع الفطاير هههههه

والف صحة وهنا

23 تعليقاً

  1. وايديكم حبيباتي تكرمي ام مؤمن من عيوني

    كاستين طحين
    كاستين مي دافية
    ملعقتين خميرة
    ملعقتين سكر
    اخلطيهن سوا واتركيهن عشر دقايق بس بهيك جو ممكن يوخذو معك ثلث ساعة لحتى يتخمر الخليط

    بس يتخمر بتكوني خلطتي 4 كاسات طحين مع رشة ملح ونص كوب حليب بودرة او اكثر وملعقة صغيرة بكمبودر بتضيفيهن عالخليط الاول مع نص كاسة زيت ذرة او زيت زيتون وعجنب بتخلطي 3 ملاعق لبن رايب كبار بنص ملعقة كربونه وملعقة كبيرة خل ابيض وبس يفور الخليط بتضيفيه للعجين وبتعجني اذا بدك العجينة هشة ونافشة خليها لزجة وطرية شوي مش كثير
    واذا بدك اياها مثل اللي بالفطاير اللي بالصورة ممكن تحتاجي تضيفي كاسة طحين او اقل واتركيها العجين يرتاح من ساعة لساعة ونص بمكان دافي

  2. اه ام مؤمن نفس عجينة العشر دقايق بس في فرق انا بزيد كمية الطحين وبضيف لبن وبكمبودر وخل وكربونه بعطو طراوة للعجين بتجنن ومابشتغل فيها مباشرة بتركها تتخمر كمان
    انا جربتها كثير عجينة العشر دقايق بس مع هاي الاضافات بتتطلع بتشهي للبيتزا وكل انواع المعجنات

اترك تعليقاً

لن يتم نشر عنوان بريدك الإلكتروني.