الرز بالحليب

20 2٬465
 

الرز بالحليب

الرز بالحليب

الرز بالحليب

الرز بالحليب, معكم صديقة زاكي الشيف الموهوبة ,ام حيدرة

المقادير

  • كيلو حليب = 4 كاسات كبيرة
  • كاسة رز حبة قصيرة مغسول
  • ملعقة كبيرة فانيلا او مستكة مطحونة
  • كاسة سكر كبيرة او حسب الرغبة
  • 4 ملاعق كبيرة نشا

الخطوات

اول شي منغلي الحليب مع الرز مباشرة لحتى يستوي الرز

بعد سِوا الرز منضيف السكر ومنفضل نحركو لحتى يذوب السكر

آخر شي مندوب الفانيلا والنشا بملعقتين مي او حليب بارد ومنضيفهن على الرز وحليب ومنقلب لدقيقتين حتى يثقل الخليط ويتجانس

منصبا بزبادي وهي سخنة ومنزينا باللوز المبروش وجوز الهند او حسب الذوق

ادعمووني صبايا انا جديدة هون وهي اول مرة بنزل وصفة ..

20 تعليقات
  1. ام أحمد :

    يسلمو هلايدين بدها بالجو هاد🌹

  2. فاطمة :

    كتير طيب تسلم ايدك

  3. ام انوار :

    ممم بشهي يسلمو
    الى الامام

  4. أم كرم :

    يسلمووو

  5. am Sara :

    زاكيي صحه وهنا يارب معدله

  6. ام اوس وعبوده :

    اهلا وسهلا ام حيدرة بس هلا انا بعملها بلاول بغلي الرز مع مي لحالهم لحتى يستوي الرز وبعدين بدوب حليب بودر مع النشا والفانيلا وبضيفو عليهن طبعا والسكر وبطلع خرافي

  7. تولين :

    يممي زاكي

  8. ام محمد 💖 :

    زاكيه بالبرد
    تسلم دياتك

  9. ام حيدرة :

    شكراً عالتعليقات الحلوة صبايا
    ربي يسعدكن 😘😘

  10. ام حيدرة :

    حبيبتي ام اوس اكيد كل ست الها طريقة متعودة عليها ان كان بالطبخ او اي شي تاني
    واكيد طعمها لذيذ من تحت دياتك 😊😍

  11. ام حيدرة :

    وان شاءالله المرة الجاي رح جرب طريقتك ام اوس 😉

  12. 💖نور أحمد💖 :

    يعطيكي الف عافية حبيبتي بتشهي😙

  13. وردة الأردن(الجبل) :

    زاكية كتير يسلموا…..

  14. ام اوس وعبوده :

    اكيد ام حيدرة بس طريقتك حلوه وحبيت اسالك انو الرز بطول لحتى يستوي بلحليب وبتشربو الرز

  15. آية :

    يسلم ايديكي بشهو

  16. فلسطينيه و افتخر✌ :

    يسلموو من الذ وازكى الحلويات

  17. ام حيدرة :

    الله يعافيكن يا رب 💙💙💙💙💙

  18. ام حيدرة :

    متل ما اتفضلتي ام اوس الطيب فيو انو الرز بيستوي بالحليب وبياخد منو طعمة طيبة
    بس رح جرب طريقتك وشوف 😁

  19. ام مجدي حبايبه :

    بالتوفيق يارب

اترك رد

لن يتم نشر عنوان بريدك الإلكتروني.