img
الرئيسة / سلطات و مقبلات / شيبس ليز ملح وخل

شيبس ليز ملح وخل

/
/
/
4206 مشاهدات

 

شيبس ليز ملح وخل

شيبس ليز على ملح وخل

شيبس ليز ملح وخل

شيبس ليز ملح وخل , معكم صديقة زاكي الشيف الموهوبة ,أم جاسم

المقادير

  • بطاطا بيضاء الخاصة للقلي
  • ماء مثلج معه خل
  • زيت للقلي
  • ملح

الخطوات

شيبس ليز ملح وخل

السلام عليكم ورحمة الله وبركاته

استكمالا للوصفات المنزلية الموفرة والصحية بقدملكم شيبس ليز المشهور ولكنه طبيعي مئة بالمئة وبدون مضافات غذائية او مواد حافظة .

أولاً/ تجهيز البطاطا

بنحتاج بطاطا حجم متوسط شرط من البطاطا البيضاء مش الصفراء لانه الصفراء للطبخ مش للقلي وما بتنجح ابدا.

—بنقطعها شرائح رقيقة جدا باستخدام اي اداه متوفرة انا استخدمت قشارة البطاطا نفسها.

— بنغسلها من النشا وبننقعها بماء مثلج ونصف كوب خل ابيض لمدة ساعة.

— رح يتغير شكلها وتنشف شوي البطاطا ولونها بفتح.

— بنصفيها من النقع وبنشفها كويس.

ثانياً/ القلي

بعد التنشيف بنقليها بزيت غزير حرارته حامية وبعدين بنزلعا للوسط ودفعات قليلة من البطاطا حتى ما تلزق ببعض وعشان كل حبة تاخد حقها بالقلي.

— حركيها بملعقة مثقبة من تحت لفوق باستمرار خلال القلي بلطف.

— بنرفع الشيبس من القلي على مصفى ما تحطي تحتها ورق مطبخ ابدا لانه بخليها تطرى ، المصفى بنزل الزيت الزيادة.

ثالثاً/التقديم

الشيبس جاهز رشي رشة ملح ناعم وهيك صار عنا شيبس بنكهة الخل والملح كثير طيب وبحبوه الصغار والكبار وصحة وهنا.

ملاحظة/ أقسى النقّاد

بكل أمانة طعمه رائع زي طعم الليز حتى اولادي اللي همه أقسى النقاد فكروه ليز ما اكتشفوا انه شغل بيت الا بعدين.

ملاحظة/ عوامل نجاح الشيبس

1. شرائح رقيقة جدا

2. النقع بالماء المثلج

3. اضافة خل للنقع

4. التنشيف من ماء النقع

5. التحريك عن طريق التغطيس باستمرار اثناء القلي

6. عدم وضع مناديل مطبخ تحت الشيبس.

ملاحظة

الصور لأكثر من مرة عشان هيك كثار شوي وكل مرة بيطلع فيها نفس الطعم الرائع.

62 تعليقاً

  1. عنجد احترنا شو نحكي عنك بسم الله ما شاء الله عليكي ما خليتي اشي ما عملتيه لدرجه عجزت الكلمات عن وصف إبداعك يسلم اديكي يا ست المعدلات

  2. ما شاء الله عنك الله يباركلك على ابداعاتك الرووعه
    كل وصفه احلا من الثانيه
    الله يهني عيلتك فيكي يا رب عنجد وصفاتك بيصلنا الطعم الرائع من نفسك الطيب فيهم 😘😘
    دمتي متألقه حبيبتي ام جاسم

  3. ماشاءالله
    أم جاسم ماشاءالله عليكي موسوعة باالطبخ والتدبير ناقصك كتاب لهذا الأبداع أتمنى تأخذي كلامي بعين الأعتبار ويبقئ صدقة جارية لك خير الناس أنفعهم للناس

  4. اشكرك على ثقتك امي جنتي وكل الصبايا
    الصراحة انا عامله هذا الملف في زاكي مخصوص عشان بناتي لما يكبروا يكون الهم مرجع بالطبخ وان شاء الله بكون صدقة جارية من بعدي ياارب.

  5. ماشاء الله تبارك الرحمن شكلو اطيب من الجاهز
    ورغم اني بعمل هالوصفة من زمان حسيت حالي هلا اول مرة بشوفا بسبب صورك المميزة واتقانك لكل شي بتعمليه😀
    ربي يجزيكي الخير ويهني بناتك بهيك ماما رائعة😄😙

  6. يسلم ايديكي ام جاسم والله ايديكي ينلفن بلحرير
    والله نفسي اسألك سؤال بس مش قادره لانو زاكي على مكشوف الكل رح يشوف ويقرأ

  7. نسرين
    مشاءالله فعلن مبدعه حبيبتي 😉😉😉
    اكيد على المفضله عشان أعملها عن قريب😉😉😉
    الله يوفقك بحياتك على هل وصفات آل حلوات متلك 😉😉😉😉😉💋💋💋❤

  8. اذا بتحبوا تغيروا النكهه ممكن
    للحار بترشيها بعد القلي بشطة بودرة وملح

    الخل عامل من عوامل النجاح لا تستغني عنه ممكن تضيفي اي نكهه بتحبيها مع رشة الملح في نكهات كثير عند العطار مثل نكهة بيتزا نكهة مكسيكي نكهة جبنة نكهة ذرة نكهة نكهة تدخين .

    بس ترشيها بصير طعم الشيبس عليها .

  9. ست ام جاسم والله قشعرتي بدني
    ربي يطول بعمرك وانتي تكوني مرجعهم داءما وابدا
    سبحان الله العبادات موبس صلاه وصيام وزكاه ..
    بالعكس طلع واسع جدا باب الطاعات والتقرب لله

    انا دايما بحب اضحك قدام اي بني ادم زعلان رح اجعلها من باب الطاعه والتقرب لله

  10. ام جاسم اول اشي يسلمو ها الايدين
    بدي اسألك شو قصدتي بالتنشيف يعني بس احطهم على فوطة واطبطب عليهماو اتركهم مكشفين على الفوطة وقت محدد ل ينشفوا بالهوا؟

  11. بجد الكلام قليل عليكي الكلام مش هيقدر يوصف روعتك ف كل شئ ربنا يوفقك دايما حبيبتي والله بتمنالك التوفيق من قلبي انا اول مره احب حد من غير ما اشوفه بس بجد بحبك ف الله ربنا يسعدك حبيبتي ويخليلك بناتك

  12. تسلم ايدك يا قمر .. روووعاتك كل وصفه ازكا من التانيه
    متل ما بقولو شهادتي فيكي مجروحه لانو جربت. الفته والمضغوط باللحم والشاورما الايطالي يلي نشرتها ع صفحتي بكو…….. تسلم ايدك اشي تحفه 😍😍😍

  13. وصفات ولا ارووع تبارك الله عليك الله يجزاك الخير .. وصفاتك كلها مفضله …وعلقتلك ع وصفتك المضغوط والشاورما الايطالي يلي جربتهم بكل فخر واعتمدتهم عقد مووو زاكييين وفعلا بالتفصيل
    ما بحتاج اني اجتهد باي وصفه ..كل نقطه شارحتيها 😘😘😘😘😘😘

اترك تعليقاً

لن يتم نشر عنوان بريدك الإلكتروني.