img
الرئيسة / أطباق رئيسية / طريقة السبانخ

طريقة السبانخ

/
/
/
2011 مشاهدات

طريقة السبانخ

سبانخ

طريقة السبانخ

طريقة السبانخ , معكم صديقة زاكي الشيف الموهوبة ,وردة الأردن(الجبل)

المقادير

  • ضمة سبانخ كبيرة بتطلع حوالي تلاتة كيلو
  • بصل يابس ثلاث أو أربع حبات كبار كل ما كان بصلها أكتر بتكون أزكى
  • ملح
  • زيت نباتي
  • ثوم حسب الرغبة
  • ليمون

الخطوات

بنقي السبانخ وبنفرمه فرم خشن وبنغسله منيح من الطين الي عليه وبنصفيه بنفرم البصل فرم وسط وبنقليه بالزيت وبنفرم الثوم وبنحطه مع البصل وبعد ما يذبل بنضيف السبانخ المفروم فوقه وبنحركه وبنضيف الملح وبنطفي عليه ما بينطبخ كتير منشان ما يفقد فوائده الكتيرة من حديد وغيره وما بيتغطى منشان يحافظ كمان على لونه الاخضر الندي الحلو بنقدمه مع الليمون

وصحة وهناااا

20 تعليقاً

  1. مرحبا صبايا كيفكم في طريقه كيك شوكلاته عجبتني سويتها بس لما غيرت تلفوني راحت من عندي وناسي اسمها كيكه شوكلاته بلبن وبس تجهز بتسقيها قطر ع شوكلاه ازا حد عندو يبعتها

  2. يسلموا ايديكي بشهي يعطيكي العافية

    جوجو ..اذا شفتي تعليق جاوبيني حبيت اخدمك بس ما بعرف اذا قصدك عن هي الكيكة
    شوكلاتة والمقاديرها هي عبارة عن ..
    ٣كاسات طحين ناقصة منهم معلقتين طحين وبدالهم نشا و معلقة خل ابيض و٤بيض و٣بيكنج باودر و٣ فانيلا و ٣/٤ ارباع كاسة زيت و١ كاسة لبن و ٤ ملاعق كبار كاكاو + كاسة ونص سكر وكل عيار نفس الكاسة …

    طريقة….
    ما بتحتاج لخلاط كهرباءي نخلط يدوي
    نخلط البيض وسكر وفانيلا و بنضيف الزيت واللبن والخل والكاكاو وبنحرك منيح بنضيف طحين ونشا وبنحرك لحد ما يتجانسوا مع بعض وبنصبهم في صينية مناسبة لحجم خليط وبنخبزها في الفرن نص ساعة او حسب فرن اذا بدك في قالب ….

    بنحضر القطر وهو ٢ كاسة مي مع باكيت فانيلا مع ٢ ملعقة كاكاو و ٦ ملاعق سكر بنخلطهم مع بعض على النار لحد ما يغلوا وبنطفي النار ونتركهم يبردوا بس تبرد كيكة والقطر منيح بتصبيهم على كيكة وبترشي جوز هند وخليها في الثلاجة ساعة وصحة وعافية على قلوبكم

    اخت جوجو اذا قصدك عن هاي كيكة حبيت افيدك اذا كانت كيكة نفسها يلي بتحكي عنها

  3. كنت قلقانة عليكي انك ما تكوني شفتي الوصفة وكنت بدي اعلق على كل الوصفات حتى تشوفيها الحمد لله انك شفتيها وان شاء الله تعجبك حبيبتي اذا بدك ايشي احكي تحت امرك

اترك تعليقاً

لن يتم نشر عنوان بريدك الإلكتروني.