img
الرئيسة / حلويات / طريقة الدونات شغل بنتي الله يحفظها

طريقة الدونات شغل بنتي الله يحفظها

/
/
/
2785 مشاهدات

 

طريقة الدونات شغل بنتي الله يحفظها

طريقة الدونات شغل بنتي الله يحفظها

طريقة الدونات شغل بنتي الله يحفظها

طريقة الدونات شغل بنتي الله يحفظها, معكم صديقة زاكي الشيف الموهوبة ,وردة الأردن(الجبل)

المقادير

  • ثلاث أكواب طحين
  • كوبين حليب دافي
  • كوب زيت بدل الزبدة
  • بيضة وحدة
  • معلقة بيكنج باودر بدل الخميرة
  • رشة ملح
  • كوب سكر

الخطوات

بنحط الطحين وعليه معلقة البيكنج باودر ورشة الملح والبيضة والسكر وبنبلش نعجن بالحليب الدافي بالأول راح تكون العجين لزجة وبتلزق بالايدين بنضل نضيفلها طحين زيادة عالمقدار الأول لحتى تزبط وبتصير ما بتلزق وسهلة التشكيل بنخليها ترتاح شوي شي عشر دقايق وبنشكلها بأي شكل مدور كبير وشكل صغير من نصها لتعطي شكل الدونات المعروف

بعدين بنخليها ترتاح كمان عشر دقايق تانين

بنحمي زيت غزير وبنقليهم ليعطوا لون دهبي حلو

بعد ما نخلص قليهم يا بنخليهم سادة متل ما هنه أو بنزينهم حسب المتوفر جزء منهم خلطنا سكر حبيبات عادي مع قرفة مطحونة ورشيناه عليهم

وصحة وهناااا

سهلة وهينة ومقاديرها متوفرة وبلا تعقيد

أدعو لبنتي الله يوفقها وتكون معدلة وشاطرة ما شاء الله عنها هي وأخواتها على طول أمانة بامنكم إياها تسلموا الجميع يا رب

22 تعليقاً

  1. يسلمو حبيبتي بس ياجماعة حدا يجاوبني لأن حابة جربها. سوالى خميرة مو اظبط من بكم بودر مشان تنفخ اكتر الي مجربة تجاوبني الله يوفقها😚

  2. ماشاء الله تبارك الرحمن كتير حلوين وبشهو
    ربي يحفظلك بنوتك الامورة واخواتها وتطلع ست الصبايا وتشوفيهم بأعلى المراتب ياقلبي😄😙
    بعدين ماتاكلي هم لمين بدها تطلع غير لوردتنا اللي مدوختنا بطبخاتها هههههههه

اترك تعليقاً

لن يتم نشر عنوان بريدك الإلكتروني.