img
الرئيسة / معجنات / الخبز التركي الخاص لرمضان فقط وصفة ولا أروع سلسلة وصفاتي لرمضان 3

الخبز التركي الخاص لرمضان فقط وصفة ولا أروع سلسلة وصفاتي لرمضان 3

/
/
/
2599 مشاهدات

 

الخبز التركي الخاص لرمضان فقط وصفة ولا أروع سلسلة وصفاتي لرمضان 3

الخبز التركي الخاص لرمضان فقط وصفة ولا أروع رح تعتمديها من بعد ماتجربيها من "سلسلة وصفاتي لرمضان" ♡3♡

الخبز التركي الخاص لرمضان فقط وصفة ولا أروع سلسلة وصفاتي لرمضان 3

الخبز التركي الخاص لرمضان فقط وصفة ولا أروع سلسلة وصفاتي لرمضان 3 , معكم صديقة زاكي الشيف الموهوبة , هالخبز من أروع أنواع الخبز اللي دقتو بحياتي والحلو انو هو بتركيا مرتبط بشهر رمضان وبينعمل برمضان وحتى اسمو خبز رمضان وبكونو الناس واقفين طوابير طويلة عالمخابز قبل المغرب لياخدوه تازة يعني هالخبز اللذيذ بيعمل أجواء رائعة ههههه عنجد فرحت كتير لما جربتو وطلع تماما متل مابيطلع بالأفران لهيك ماترددت أبدا شارك هالوصفة معكم وبتمنى من قلبي تجربوها ويلا نركض عالمقادير هههه

المقادير

  • كوب حليب دافئ
  • نصف كوب ماء دافئ
  • ملعقة كبيرة خميرة
  • ملعقة كبيرة سكر
  • ملعقتين كبيرتين زيت
  • ملعقة صغيرة ملح
  • حوالي 3ونص او 4 كوب طحين حسب ما نحتاج المهم نوصل لعجينة طرييية يعني بتلزق نتوفة ههههه
  • للوجه منحتاج خليطين الأول:
  • ملعقة كبيرة طحين
  • ربع كوب ماء
  • الخليط الثاني:
  • صفار بيضة
  • ملعقة زيت كبيرة
  • ملعقة لبن

الخطوات

☆بسم الله الرحمن الرحيم☆

اييييه من وين نبلش يانوارة

تعو معي لقلكم على هالمطبخ وانشرو الطحين في كل الانحاء وعيشو الجو هههههه

أول شي منحط الحليب والمي الدافيين مع السكر والخميرة ومنخلطهم ليدوبو ببعض وبعدا منضيف الزيت وكوب من الطحين منخلطهم ومنغطيهم شي ربع ساعة وبعدين منرجع نضيف الملح وباقي الطحين بالتدريج لنوصل للقوام المطلوب منعجنها أقل شي عشر دقايق ومنرجع نغطيها ونتركها ترتاح حوالي ربع ساعة او نص ساعة بكفيها..

هلأ بقى حان وقت الاستمتاع

بتمسكو رشة طحين وبتزتوها لفوق وبتنطو شوي ههههه

عفوا قصدي بتزتوها محل مارح تفردو العجينة

هالكمية ممكن تعملوها لقسمين او حسب مابتحبو انا عملت وحدة كبيرة ووحدة صغيرة وعادة هية بتكون كبيرة مشان يبين شكلها

بتفردوها بشكل دائري وخلوها سميكة شوي متل مو واضح بالصورة

هلا منغط اصابعنا بخليط الطحين والمي ومنبلش نغرزهم عالداير على بعد شوي من الأطراف

ومنرجع نغطهم بنفس الخليط كل ماغرزناهم كم مرة

منعمل خطوط مستقيمة بعدين خطوط مايلة

ومنرجع منغز العجينة بالشوكة بكل الاماكن اللي غرزنا فيها أصابعنا وبعدين منخلط صفار البيضة مع الزيت واللبن ومندهن القرص فيه ومنرش عليه سمسم وحبة البركة ومندخلها الفرن المحمى مسبقاً على درجة حرارة 200 لتتحمر ومابتاخد وقت كتير

يارب تكون عجبتكم وتعملوها لأهل بيتكم وخاصة برمضان كنوع من الأجواء التركية هههههه وتدعولي بالبركة

وعلى قولة ام اوس الله يسعدها جربوها شو بتستنو ههههههههههه

خلص سكتت يلا باي♡

56 تعليقاً

  1. ياعمرييييي انتي شو اشتقتلك فوق ماتتصوري وماغبتي عن بالي❤
    الله يسامحك على هالغيبة
    سألت عنك بهالفترة على أمل تشوفي التعليقات وتبيني وماكنتي تبيني😟
    كيفك طمنيني عنك شو اخر اخبارك وكيف صحتك
    ليه هيك طولتي غيابك

  2. يسسسسعدها ياا ناس .. والله سبب من الاسباب اللي خلاني ارجع لزاكي هو انتي لانك جد مو بس مبدعة بالطبخ كمان شخصيتك كتيرر حلوة ومميزة من كلو وجد اشتقتلللك متل المغناطيس ببقى ادور على وصفاتك او ايا تعليق الك على ايا وصفة وما اتوقعت انو رح تفقديني هيك كبر راسي والله ههه ياريت لو في طريقة تانية نتواصل فيا بشكل خاص لنتعرف اكتر ما بحب العمومية هه .. طولت بالغيبة انشغلت بولادتي وما كان في نت ولو حتى كان مارح افضى صار عندي تلات اولاد الحمد لله والله لا يفرجيكي حالتي اخدت وقت لحتى اتعودت على الوضع مافي حد منهم معتمد على حالو

  3. ماشاء الله تبارك الرحمن الحمد لله على سلامتك حبيبتي ام جواد ومبارك البيبي الجديد😍😀
    يربى بعزك ودلالك ياقلبي كتير فرحت انك طمنتيني عنك والله يقويكي ويهون عليكي تعب الركض كل يوم ويحميلك اماميرك😄
    اكيد طبعا بدي افقدلك ولا مستقلة بغلاوتك عندي؟
    والي الشرف انو حبيبتي ام جواد تدور على وصفاتي وتهتم فيهم
    طلتك عليي بتكفيني والله😘😘
    عندك برنامج تاني شي خرج نتواصل عليه؟؟

اترك تعليقاً

لن يتم نشر عنوان بريدك الإلكتروني.