طريقة عمل المنزلة الباذنجان بدون قلي لعشاق الدايت
تحرير
بسم الله الرحمان الرحيم
يسعد اوقاتكم حميعا حبيباتي واخواتي كلنا او غالبيتنا بحب الباذنحان باشكاله مخللات متبلا ت سلطات مع المقلوبه مقدوس كله طيب
بس اليوم حبيت اعمل طريق للمنزله مختلفه عن طريقنا المعروفنه لا شك انه الباذنجان المقلي مع المنزله لا يعلى عليه بس كمان بدنا ندير بالنا اشوي على صحتنا لان الزيوت بتتراكم سنه ورى سنه باجسادنا بدون ما نشعر وفجاه بنلاقي حالنا من اصحاب الوزن الثقيل ناهبك عن امراض السكر والضغط والكلسترول كله بسبب اكلنا الخاطىء
هذه طريقتي صارلي فتره بعملها بدون قلي ولاقيت انه الباذنجان ايش ما تعملي فيه بطلع طيب
اول شي عسلت الباذنحان وقشرته وقطعته وحطيته بالصينيه وبهرته وحطيتله فنجان الزيت والملح والفلفل والبهارات وحطيتله شوية شوربه وقصدرته وحطيته بالفرن وبتقدري تخليه على عين الغاز على نار متوسطه اقل من نص ساعه بتلاقيه تذبل في هذه الاثناء بكون قلبت البصل ةالثوم واللحمه مع بعص وبضيف الهم البندوره المفرونه ناعم وبقلبهم كويس لما يتذبلو وبضيفلهم البهارات ومعلقة صلصه والفلفل الاسود وبطفي عليهم انا حضرت صينيه تانيه وحطيت فيها نص كمية الباذنجان وحطيت فوقها نص كمية اللحمه والبندوره وهكذا عملتهم طبقات وحمرتهم بالفرن وطلعوا رووووعه منزله خاليه من الزيوت والف صحه وهنا بتمنى انها تنال اعجابكم….ربنا يكرمكم جميعا يا غاليات
استودعتكم لله الذي لا تضيع ودائعه
طريقة عمل المنزلة الباذنجان بدون قلي لعشاق الدايت
طريقة عمل المنزلة الباذنجان بدون قلي لعشاق الدايت
المقادير
الخطوات
بتشهي
يسلمن هالايدين
روعه منظرهم بشهي يعطيكي العافية و صحه
روووووووعه تسلم ايدك ي رب
تسلم يمينك خالتو فقدتك انشالله المانع خير
يسلمو اديكي يا غاليه الله يحفظك 😘😘
الله يسلمكم حبيباتي الحمد لله حبيبتي ام البنات ربناا يسعدك وتسال عنك جنان الرحمان
شكرا على ردك انشالله دايما بخير دمتي بحفظ الرحمن
ما شاء الله تسلم ايدك وصحة وهنا
زمان عن وصفاتك الرائعه
يسلمو ايدكي ام علاء فعلا صحيه وبتشهي
الله يكرمكم حبيبتي سوزان انت وام جاسم انت الرائعه حبيبتي ام جاسم بوصفاتك المتألقه دائما😍😍
بتشهي ام علاء يسلمو ايديكي
ماشاءالله تبارك الله
شكلة جميلة ولذيذة تسلم يدك
بشهي منظرها…يسلم اديكي ام علاء…😍😘
يسلمك ربي ما شاالله
يسلم اديكي ام علاء هي بنسميها كواج عنا بسوريا وممكن نحطلا كوسا ذكرتيني بطبخة لليوم شكرا”كتير
الله يسلم قلبكم جميعا الف صحه وهنا حبيبتي ام يامن ولا اطيب من سوريا واكلاتها ربنا يلم الشمل ويهدي البال ويصلح الاحوال بسوريا وبكل وطنا العربي
يسلم هالديات …اكيد راح تعجبنا بما انها من تحت أديكي …صحه والف عافيه
صحه وهنا انا بحبها كثير مع المخلالات
اكيد انك فنانه ومبدعه
أخيرررا نزلت وصفه لام علاء حبيبتي خالتوووو ما شاء الله عليكي رووووووووعه❤😙
ي الله يسعدكم ويبارك فيكم الوصفه بسيطه بس صحيه وكثير طلعت طيبه
حبيبتي ام مصطفى ربنا يكرمك شو بحبك وصفاتك الرائعه نورت القروب كله
حبيبتي تسلمي يا رب إنتي نورتنا كلناا يا غاليه😙❤
اللهم بارك .. أكلة رجعتني لذكريات الطفولة 🌸 سبحان الله
بارك الله فيك غاليتي 🌺 وصحة وعافية يا رب❤
امم والله حاسة ريحتها وصلت لعندي من كتر ما بحبها يسلمو ايديكي مبدعة
اسم الله عليكي ياست الحبايب
وصفتك كتير لزيزة
ماشاء الله عليك ام علاء بشهي الباذنجان بكل أشكاله يسلمو إيديك يارب❤❤❤❤❤
الله يكرمكم يا وردات وما يحرمني من تعليقاتكم الرائعه مثلكم
تسلم ايديكي يا اميييييييرة والله اشتقت لوصفاتك الحلوين واللي الهم نكهة خاصة فوق ماتتصوري😍
اللهم بارك مناظر ولا اروع
ربي مايحرمنا منك😙
ماشاءالله اللهم بارك تسلم ايديكي نورتينا والله
الله يسعد قلبك يا نور وبنور عليك انت وسما ويهدي بالكم ويصلح احوالكم واحول جميع المسلمين
حبيبتي ست الحبايب كل شي من تحت ديااااتك بشهي واله نكهه خاصه 😋😋😘🌹🌹
والله مافي بعد الاكل الصحي عفكره انا ما بقلي الباذنجان وبعمله بطريقه صحيه وبطلع نفس المقلي بالضبط
نسرين
اصلن هاي طبخها بشهي للي بعمل دايت ولي ما بعمل
بموت عليها من تحت يدين حمتي😍😍😍😘
يسلموااا يديكي خالته ام علا😉
خااالتووو ام علاء نورتي يا عسل اشتقتلك 😘😘
مممممم يسلمووو ايديكي حبيبتي روووووووعه الله يعطيكي الصحه والعافيه والعمر المديد بالبركه والطاعات يااارب حبييت الطريقه عالمفضله عطووول عجبتني الفكره اهلي بحبوها👍👍👍👍👍👍👍👍💞💞💞💞💞😋😋😋😋😄😄🌸🌸
تسلم ايديك ام علاء… وصفه رائعه وصحيه… لا تطولي علينا بوصفاتك نحنا بالانتظار 😉
خالتو ام علاء يسعد قلبك اكلاتك ولا اروع وكتير زاكين كتير بحبها يسلمو ايديكي رصحة وعافية 😍😍🌷🌷ما شاء الله🌷🌷يممم 😄😄
تسلمولي يا وردات ربنا يكرمكم ويخليلي اياكم 😚😚