الرئيسة / حلويات / الكنافه النابلسيه يااا سلام ولا ألذ

الكنافه النابلسيه يااا سلام ولا ألذ

/
/
/
1683 مشاهدات

 

الكنافه النابلسيه يااا سلام ولا ألذ

 الكنافه النابلسيه يااا سلام ولا ألذ 😍

الكنافه النابلسيه يااا سلام ولا ألذ

الكنافه النابلسيه يااا سلام ولا ألذ , معكم صديقة زاكي الشيف الموهوبة ,

المقادير

  • نصف كيلو رشه كنافه
  • نصف كيلو جبنه حلوه
  • كميه من السمنه
  • قطر ثقيل

الخطوات

بسم الله نبدأ

ف البدايه القطر وهو عباره عن صحن سكر وصحن ميه وعصره ليمون وبنتركهم ليغلو مده عشر دقائق وبنتركه ليبرد ف مسافه ما يجهز القطر بنحضر الكنافه بنجهز صنيتين بنفس الحجم بندهن الصينيه الأولى سمنه بكميه جيده وبنبدأ برش الرشه بنرفع منهاا مقدار كاسه صغيره قبل ما نفردها بالصينيه بنبدأ نفرد المقدار الباقي ع الصينيه بالتساوي بعد ما نفردها بنحط فوق الرشه الصينيه التانيه وبنضغط كتيررر لتتماسك مع بعضهااا اللحظه الحاسمه ههههه الجبنه بحطها بمصفاايه وببلش أفتفتها وأعصر فيها لتنزل كل الميه إلى فيها وببلش أفردهااا فوق الرشه بس حاولي ما توصليهاا للحواف كاسه الرشه إلى رفعتها برشهاا فوق الجبنه عالخفيف علشان لما أقلبها بالصينيه ما تلزق الجبنه جهزت الصينيه..

مرحله الإستواء# بنشغل الفرن ع درجه حراره متوسطه وبنحط الصينيه من فوق للحظات وبعدها بنبلش نلف الصينيه كل ثانيه ما بنتركها أبدأ لحتى تحسى إنو لون الرشه نفسها صار برتقالي غامق سعتها بنعرف إنهاا إستوت تقريبا بدهاا من ٨ل عشر دقايق بنزلهاا لتحت يا دوب دقيقتين لتسيح الجبنه إشويه وتتحمر الرشه ع الخفيف.. الصينيه التانيه بندهنها معلقه كبيره سمنه وبنقلب فيهاا الصينيه الأولى وبنرجع نحطها بالفرن من فوق شى دقيقه لنضمن إنو الجبنه سااااحت ع الأخيررر بنطلعها من الفرن وبنصب القطر بهداوه الصراحه طعمهاا روووعه لهيك حبيت أشاركم إياهااا تفضلوا لعندي ع سدر هالكنافه هههه..

وصحه وعافيه بحبكم أنا

32 تعليقاً

  1. ما شاء الله تبارك الرحمن بتشهي يسلمو اديكي حبيبتي ام مصطفى الله يرزقك الذريه الصالحه يا رب يسلمو هالادين المعدلين الله يحميكي 😘😘

  2. تسلم ايدك المنظر خرافي وبشهي يم يم حبيبتي اسألك شو نوع الجبنه بالضبط لاني بعملها بالقشطه المنزليه بس حابه اعملها بالجبنه بتعجبني منظرها وهي بتمط وتسلم ايدك فنانه

  3. ما شاء الله تبارك الرحمن بتشهييييي عنجد وشكلها روووعه واكيييد الطعم ارووووع واروع يعطيكي الف الف عافيه يا معدله زي المحلات ما شاء الله تبارك الرحمن…. الله يسلم ايديكي👍👍👍👍🌸🌸🌸😘😘😋😋

  4. بوركتم جميعا أصدقائي❤
    حبيباتي نوع الجبنه جبنه حلوه إشتريتها من المحل نفسه إلى بعمل الحلويات بتكون حلوه وأنا بس عصرتهاا من الميه وضفتهااا تسلمولى يااارب😙❤

اترك تعليقاً

لن يتم نشر عنوان بريدك الإلكتروني.