img
الرئيسة / معجنات / خبز البيجل

خبز البيجل

/
/
/
1496 مشاهدات

 

خبز البيجل

خبز البيجل

خبز البيجل

خبز البيجل , معكم صديقة زاكي الشيف الموهوبة ,

المقادير

  • 3.5 كوب طحين
  • كوب حليب سائل دافئ
  • نصف كوب ماء دافئ
  • م.ص بصل بودرة
  • م.ص ثوم بودرة
  • 1م.ك خميرة
  • 1م.ك ملح
  • 2م.ك سكر
  • م.ك زبدة بحرارة الغرفة
  • نصف م.ص كربونة
  • ماء اضافي للسلق
  • بذور متنوعة مثل السمسم حبة البركة وبذور دوار الشمس

الخطوات

السلام عليكم ورحمة الله وبركاته

خبز البيجل من اشهى انواع الخبز الغربيه بيكون مقرمش من برا ومن جوا طري هوه سهل بس بده خطوة زيادة عن باقي انواع الخبز خلينا نبدأ بالطريقة

أولاً/ العجين

بنخلط الطحين مع الملح والسكر والخميرة والبصل والثوم المجفف وبنبلش نعجن بالحليب والمي لحتى تتكون عجينة طرية بتلزق شوي صغيرة بنضيف ملعقة الزبدة بالاخر لتنعمها شوي ما بتطريها وبنعجن .

ملاحظة مهمة/

هالنوع من الخبز مافيه دهون فبطلع ناشف شوي اذا بتحبوه طري وقطني ضيفوا للعجين نصف كوب زيت ذرة ونقصوا نصف كوب مي. بس خبز البيجل هو هيك.

—بنخمرها لمدة ساعة او لحتى تخمر.

ثانياً/ التشكيل

بنقطع العجينة ل 8 قطع متساوية وبنكورها بنحاول تكون ملساء وبنفتح بوسطها فتحة اما باصبعنا او بإيد ملعقة خشب وبنوسع الفتحة شوي لانها رح ترجع تتخمر عشان ماتسكر الفتحة بالتخمير.

—في طريقة تشكيل ثانيه انه مانعمل فتحة بالنص بس نعمل بسكين حاميه حرف x .

—بنتركها تخمر وهيه مشكله كمان مرة.

ثالثاً/ خطوة السلق مهمة

بنحضر كمية مي بطنجرة وبس تغلي بنضيف نصف م.ص كربونة و م.ك ملح وبنزل قطع الخبز فيها لا تكثري الكمية حسب حجم الطنجرة وبنخليها دقيقة على كل جهه وبنرفعها على شبك.

رابعاً/ الشوي

بس نطلعهم من مية السلق دغري بنغمس حبة البيجل بصحن فيه سمسم او حبة البركة او اي بذور بتحبيها ممكن يانسون ممكن شومر ممكن كمون ، انا استخدمت بذور دوار الشمس المحمصة.

— ورتبيهم بصينية فيها ورق زبدة او حتى ورق مكتبي ابيض عادي لانهم بلزقوا بالصينية بسبب السلق انا ماكان عندي ورق فدهنت زيت بالصينية ورغم هيك لزقوا وغلبوني كثير كثير لطلعوا .

—وعلى فرن حامي على 200 لمدة 20 دقيقة.

وبعد ما يستووا اتركيهم بالفرن وهو مطفي خمس دقائق رح يعطيكي لون ذهبي خطييير ورائع.

خامساً/التقديم

قدميها ساخنه مع اي مشروب بتحبيه شاي نسكافيه طعمها اكثر من رائع وممكن تعمليها سندويشات كمان مع جبنة او لانشون او مع عسل رائعه وانا قدمت بالصور اقتراحات للتقديم بتمنى تنال اعجابكم وصحة وهنا.

30 تعليقاً

  1. احتارت الكلمات ف وصفك ي ام جاسم😉😍😉
    ماشاء الله تبارك الرحمن عنك ي مبدعة 😘😘😘
    تسلم ايدك حبيبتي منظرهم كثير بيشهي 😜😜
    الله يعطيك الصحة والعافية ويديمك لعيلتك ويهنيهم فيك ي رب😘😘😍😍❤

  2. ماشاءالله تبارك الله
    انتشر هذا الخبز باالفتره الأخيره ما اعرف يقولو عنه خبز الماني
    لكن ماشاءالله لمساتك عليه سهلته الله يحفظك ام جاسم

  3. ربي يبارك فيكم جميعا ويسعدكم على كلامكم الطيب وتعليقاتكم الرائعه

    امي جنتي هوه خبز امريكي مش عارفه الخبز الالماني بس طيب وغريب شوي.

    ام البنات سلق العجينة بيخلي القشرة تتقرمش بالفرن معك ومن جوى بضل عادي .

    الله يحييكي ام كرم واشكركم كلكم صبايا كثير زوق ولطف.

  4. يسلم أيديكي أم جاسم مبدعة كالعادة زاكي كثير هالخبز وخفيف عالمعدة

    الخبز الألماني اسمه بريتزل بختلف شوي بمكوناته وفي شغله صعبه انه مرحلة السلق بتكون بمي وصودا كاويه طبعا بنسبه معينه
    بس طعمه فوق الخيال

  5. اشكركم جزيل الشكر

    ميمو بتكون قشرته تقريبا زي قشرة خبز الحمام المقرمشة واكثر شوي كمان وبتطرى القشرة بعد فترة ما بتبقى مقرمشة.
    يعني قدميه مباشرة بعد الخبز .
    ولما يزيد منه احفظيه بإحكام لأنه بنشف بسرعة بسبب انه مافي زيت بالوصفة.

  6. انتي الخطيرة يا ام جاسم ههههههه
    ماشاء الله اللهم بارك 😍
    منظرو روعة وانا من عشاق الخبز بكل أنواعو وفعلا قدمتيه بطرق مشهية الله يجزيكي الخير ويبارك لأهل بيتك فيكي 😙

  7. ما شاء الله اللهم بارك يسلمو اديكي على هالا ابدااع والفن والروعه بالعمل والشرح والتقديم الله يحميكي ويوفقك يا رب دمتي متألقه ان شاء الله 😘😘

اترك تعليقاً

لن يتم نشر عنوان بريدك الإلكتروني.

Translate »