img
الرئيسة / حلويات / طريقة عمل المهلبية بالعسل بالطريقة التركية روعة لرمضان وبتعطي طاقة سلسلة وصفاتي لرمضان 8

طريقة عمل المهلبية بالعسل بالطريقة التركية روعة لرمضان وبتعطي طاقة سلسلة وصفاتي لرمضان 8

/
/
/
2920 مشاهدات

 

طريقة عمل المهلبية بالعسل بالطريقة التركية روعة لرمضان وبتعطي طاقة سلسلة وصفاتي لرمضان 8

مهلبية مع العسل بالطريقة التركية رووووعة لرمضان وبتعطي طاقة من "سلسلة وصفاتي لرمضان" ♡8♡

طريقة عمل المهلبية بالعسل بالطريقة التركية روعة لرمضان وبتعطي طاقة سلسلة وصفاتي لرمضان 8

طريقة عمل المهلبية بالعسل بالطريقة التركية روعة لرمضان وبتعطي طاقة سلسلة وصفاتي لرمضان 8 , معكم صديقة زاكي الشيف الموهوبة , المهلبية التركية بتجمع بين المهلبيتين المعروفتين اللي منعملهم إما بالسميد او النشا وبتتميز إنها بتتقدم مع العسل طبعاً سهلة وسريعة وهي أحلى شي فيها يعني ماتاكلو هم أبدا انكم تعملوها وتبعتولي هههههه ويلا نبلش

المقادير

  • ل لتر حليب منحتاج
  • 4 ملاعق كبيرة نشا
  • 4 ملاعق كبيرة طحين
  • 4 ملاعق سميد ناعم
  • نصف كوب سكر لأنو هي المهلبية حلوها خفيف بما انو رح نضيف فوقها العسل او القطر
  • باكيت فانيليا او اي نكهة بتحبوها
  • ممكن مستكة
  • او هيل
  • او قرفة
  • ملعقتين ك زبدة
  • ملعقتين ك قشطة او نصف كوب كريمة سائلة
  • عسل او قطر ثقيل حسب الرغبة

الخطوات

☆بسم الله الرحمن الرحيم☆

منخلط اول شي الحليب مع السكر والسميد الناعم والطحين والنشا عالبارد لحتى مايضل عنا اي تكتلات

منحط عليهم الزبدة والقشطة او الكريمة السائلة

((اذا بدكم مسكو قطعة الزبدة هيك وزتوها زت بالطنجرة واستمتعو بمنظر قطرات الحليب وهية عم تتطاير.. انتعاش سدقوني ههههههههه))

المهم منحطهم عالنار ومنحرك باستمرار ليسمك المزيج وقت يبلش يغلي

منطفي عليه ومنضيف الفانيليا ومنحركها بالخليط ومنصبو بجاط ومنتركو ليبرد تماما ويجمد

منقطعو ومنضيف عليه العسل بس انتو لا تاكلو منو لأنكم معسلين خالصين ههههههه

بحبكم كتير وماتنسو تدعولي بالبركة وتجربوهاااا ♡

50 تعليقاً

  1. الله يباركلي فيكم ويسعدلي ياكم ومايحرمني منكم يا احلى وردات مزينين حياتي😍😍
    مابتتخيلو سعادة وانا عم اقرا بتعليقاتكم
    ربي يكرمكم ويقدرني قدملكم كل شي حلو وابقى دايما عند حسن ظنكم😘😘

  2. ماشاء الله تبارك الرحمن
    يعني بنقرا العنوان بنفكره طبق عادي
    بس بعدين بننصدم من المنظر
    عنجد رائعة انتي
    نيال عيلتك عليكي
    والحلو فيكي انه اطباقك منوعة

  3. امينة حبيبتي انتي ام الذوق والابداع
    ربي يكرمك ويسعد قلبك حبيبتي متل مافرحتيني بكلامك😘
    ام حسن وتقى الله يسلمكم حبيباتي ويبارك فيكم 😄
    ام جود لا والله للأسف ماصحلي اعمل اي دورة وكل شي بتشوفيه جهد شخصي بحت بتمنى انو رب العالمين يكون موفقني فيه❤
    وممنونتك كتير على لباقتك وكلماتك الحلوة ياعسولة
    بيسعدني كتير انك حابة وصفاتي😘😙
    ام لؤي حبيبتي انا جاوبتك على نفس السؤال على وصفة فطاير السبانخ بس يبدو مارجعتيلها😄
    جهاز سامسونغ S6 ايدج بلاس 😘

  4. حبيباتي احلى وردات ربي مايحرمني منكم ويفرح قلوبكم بكل شي بتحبوه😘
    حبيبتي ام جود غمرتيني بلطفك وبتشرف بإعجابك بالوصفات والله
    مشكورة كتير ياقلبي كلك ذوق ولطف😙
    هدهد لا ماحزرتي انتي بتستلمي قسم طبخ المندي والزربيان اليمني وانا بضل اسرق من عندك صحون😂😂

  5. ما شاء الله تبارك الرحمن عنجد انااقه وابداااع ولباقه لاااا توصف عنجد انك زوووء ومببببدعه يانور ربي يعطيك العافية والصحه ويحفظك لعيلتك يا سكره❤❤😘😘😋😋اشي بسيط بتخلي تحفه فنيه😄😄

  6. رؤى ياقلبي دايما بتخجليني بكمية الذوق واللباقة واللطف اللي عندك
    ربي يباركلك ويحميكي ياعسل انتي انا من بعدك اصلا😘
    ماريا حبيبتي تسلميلي😘
    اولادي سعادتي تسلميلي يا امورة وهنا وعوافي سلفا😁😄
    ام اصيل يسعدلي قلبك انتي وتعليقاتك الحلوة متلك هههههه
    بتفرفحي قلبي دايما ربي مايحرمني منك 😘
    ام ياسر ياقلبي الله يكرمك ويفرح قلبك ومشكورة كتير على كلماتك اللطيفة متلك😙
    رجاء حبيبتي من بعض ماعندكم
    الله يجزيكي الخير على كلامك الطيب ودعواتك الحلوة ويحققلك كل شي بتتمنيه 😘

  7. لك ريتوووو يسلمهم هالدياااات على الابداع والفن والابتكار والاشياء الزاكيه الي بتفتح النفس ماشاءالله عنك تبارك الرحمن حبيبتي نور النواره يسلملي المخترع الصغير فشر نيوتن قدامك😉😂😘💓💓

  8. صِحًة وعاَْفُيِة يِسلّمٌ اَْيِديِگٍيِ مٌاَْ شاَْء اَْلّلّهً 💕💕❤
    روعاَْاَْتٍگٍ حًبيِبتٍيِ نَور اَْلّلّهً يِحًمٌيِگٍيِ گٍتٍيِر زُاَْگٍيِة بديِ جُربهًاَْ وع اَْلّمٌفُضلّلّلّة 😄😄😘😘😘❤❤❤

اترك تعليقاً

لن يتم نشر عنوان بريدك الإلكتروني.