لفائف الزبده بعجينه الخميره المورقه للمالح والحلو سلسه وصفات من فرني 7

58 6٬806
 

لفائف الزبده بعجينه الخميره المورقه للمالح والحلو سلسه وصفات من فرني 7

لفائف الزبده بعجينه الخميره المورقه للمالح والحلو سلسه وصفات من فرني (7)

لفائف الزبده بعجينه الخميره المورقه للمالح والحلو سلسه وصفات من فرني 7

لفائف الزبده بعجينه الخميره المورقه للمالح والحلو سلسه وصفات من فرني 7 , معكم صديقة زاكي الشيف الموهوبة ,

المقادير

  • 6 كوب طحين ابيض
  • كوب 200 مل حليب دافي
  • كوب 200مل زيت نباتي
  • كوب 200مل مي دافيه
  • معلقه كبيره خميره
  • بيضتين معزولين البياض عن الصفار صفار بنخلطو مع الزبده السايحه للتوريق وصفار لخليط التلميع قبل الخبز وبنضيف البياض مع باقي مقادير العجينه:
  • 4 معالق كبار سكر
  • رشه ملح
  • للتوريق:
  • 200 غرام زبده تقريبا

الخطوات

بسم الله

نبدا بالبدايه بوعاء بنضع الخميره والسكر وبنضيفلهم كوب المي وكوب الحليب وبنحركهم شوي وبعد هيك بنضيفلهم كوب طحين واحد وبنخلطهم وبنتركهم ربع ساعه يخمرو بعد هيك بنضيفلهم باقي المقادير ما عدا الزبده وبنعجنها كثير منيح كل معجناها اكثر بتعطينا نتيجه افضل وبعد هيك بنتركها تخمر ويتضاعف حجمها وبنقطعها قطع صغيره كثير انا قطعو معي 25 قطعه وبنرقهم شكل مستطيل رقيق بمساعدت رشات خفيفه من الطحين منشان ما تلزق معنا العجينه وتغلبنا وبندهنها خليط الزبده مع صفار البيضه وبنلفها بالطول لرول طويل وبالسكينه بنقسم الرول لقسمين وبنلفهم شكل الجدله وبنلفهم على بعض وبنصفهم على صينيه الفرن وبندهنهم بخليط صفار البيض مع الحليب والنسكافيه وانا موضحه اشكال التشكيل بالصور وبنصفهم بصينيه الفرن وبنتركهم يتريحو شوي تقريبا نص ساعه قبل الخبز وبنخبزهم بالفرن لمده ربع ساعه لعشرين تقريبا على حسب الفرن على درجه 180 والف صحه وهنا يا رب بتمنى تجربوها وتعجبكم وتضيفوها للمفضله

ملاحضه بالصوره الاخيره انا عملت صوص القرفه الساخن الي هوه عباره عن معلقه قرفه صغيره وكاسه قطر ساخن ومعلقه سمنه صغيره بنحركهم مع بعض وبندهن فيهم المعجنات الحلوه حسب الرغبه ودهنت كم حبه من لفائف الزبده بعد مستوو وبردو الصوص المفروض يكون ساخن

بتقدرو تبدعو بالحشوات حسب الرغبه

والعجينه بتزبط للمالح والحلو لما بدنا نعملها مالح بنستغني عن ثلاث معالق كبار من السكر وبنضيف معلقه كبيره ملح

تحياتي الكم جميعا رشا ام احمد ❤❤

عرض التعليقات (58)