img
الرئيسة / أطباق رئيسية / اللحمة راس عصفور على مقلوبة وطلعت تحفة

اللحمة راس عصفور على مقلوبة وطلعت تحفة

/
/
/
2541 مشاهدات

 

اللحمة راس عصفور على مقلوبة وطلعت تحفة

اللحمة راس عصفور على مقلوبة وطلعت تححححفة

اللحمة راس عصفور على مقلوبة وطلعت تحفة

اللحمة راس عصفور على مقلوبة وطلعت تحفة , معكم صديقة زاكي الشيف الموهوبة ,

المقادير

  • لحمة راس عصفور كمية حسب الحاجة
  • كيلو ارز متوسط الحبة
  • بطاطا
  • باذنجان
  • جزر
  • ورق غار
  • بصل
  • بهارات لحمة
  • كاري
  • ملح
  • فلفل
  • زيت

الخطوات

السلام عليكم ورحمة الله وبركاته

حبيت اجرب اللحمة راس عصفور على المقلوبة وطلعت روووعة شكلا ومضمونا وطعمها خرافي ، جدا سهلة وسريعة وبنفس الوقت طيبة .

أولاً/ اللحمة

بنقلب اللحمة مع راس بصل مفروم ناعم وحبتين جزر مقطع وسط وورق غار نزوده شوي وزيت ذرة والبهارات بدون الملح لحتى تتقلى اللحمة وتسكر مساماتها بضيفلها شوية مي مغليه لا تكثري مي مابدنا نسلق اللحمة ويروح كل طعمها بس قدر كاسة مي كبيرة مغلية وبسم تغلي مع بعضها بغطي الطنجرة وبوطي الغاز وبتركها تستوي، وبعد ماتنشف ميتها بخليها تتحمر على زيتها.

ثانياً/ جمع المقلوبة

بكون ناقعه الارز وقاليه الخضار وبرتب الطنجرة ، ونقلي اللحمة بنفس طنجرة الطبخة عشان النكهات اللي بقاع الطنجرة ماتروح عالفاضي فيها نكهه مركزة بتكون، بنخلي اللحمة بالقاع بعدين الخضرة واخر شي الارز وبنضيف مي مغلية مع بهارات وزيت وملح وفلفل وبنسويها كالعادة.

ثالثاً/التقديم

بس تستوي المقلوبة اتركيها تتشرب اقل شيء خمس دقائق واقلبيها ويا سلااام شو ريحة شو منظر عنجد كثير طيبة وسهلة وبسيطة ، وقدمي جنبها سلطة ولبن وصحة وهنا.

44 تعليقاً

  1. يسلموا ايديكي حبيبتي ام جاسم بتشهي انا بعملها باللحمه بس بتكون مقلوبة باذنجان لحاله اما المقلوبه المشكله بالدجاج 😋😘🌷

  2. ما شاء الله اشي يجنننن اللهم زد وبااارك😍😍😍يعطيك العافيه
    معلش دسألك في وصفه إلك عن الموالح كاتبه ننقع الذرة بمي دافيه ولا عادي من الحنفيه 😊مشكووووره😇😍

  3. بارك الله فيكم جميعا واشكركم على كلامكم الطيب.

    ام وسام انقعيها بمي من الحنفية عادي عكل الاحوال رح تبرد المي لو سخنة مهي يوم كامل بتنقع.

    ريم اللحمة اسم تقطيعتها راس عصفور لان حجمها مكعبات بحجم راس العصفور يعني.

  4. ما شاء الله يسلمو اديكي حبيبتي ام جاسم على اكلاتك الرووعه عنجد الطعم الطيب بيوصلنا من خلال الصور الله يباركلك يا قلبي ويزيدك من نعيمو الف صحه وهناا يا رب 😘❤

  5. حاسة كأنو هالمقلوبة انقلبت قدامي وروايحها عم تفوح حواليي اللهم بارك😍
    ربي يسلم هالايدين ويعطيكي الف عافية يا ست الستات
    مبدعة ووصفاتك دايما بقمة الروعة تبارك الرحمن😘

اترك تعليقاً

لن يتم نشر عنوان بريدك الإلكتروني.