img
الرئيسة / معجنات / مابيحلى رمضان الا بـ المعروك تعالو معي نتعلم الطريقة باحترافية مع سلسلة وصفاتي لرمضان 11

مابيحلى رمضان الا بـ المعروك تعالو معي نتعلم الطريقة باحترافية مع سلسلة وصفاتي لرمضان 11

/
/
/
1982 مشاهدات

 

مابيحلى رمضان الا بـ المعروك تعالو معي نتعلم الطريقة باحترافية مع سلسلة وصفاتي لرمضان 11

مابيحلى رمضان الا بالمعروك تعالو معي نتعلم الطريقة باحترافية مع "سلسلة وصفاتي لرمضان" ♡11♡

مابيحلى رمضان الا بـ المعروك تعالو معي نتعلم الطريقة باحترافية مع سلسلة وصفاتي لرمضان 11

مابيحلى رمضان الا بـ المعروك تعالو معي نتعلم الطريقة باحترافية مع سلسلة وصفاتي لرمضان 11 , معكم صديقة زاكي الشيف الموهوبة , اليوم وصفتنا معرووووك رمضاني بالتمر ولا أروع عنجد يعني لما بقلكم روعة يعني روعة يعني روعة يعني خلص بقى سكتي نور هههههه اصلا انا مارح احكي شي انتو رح تجربوه وتشوفو قديه لذيذ وطري وروعة وروووعة هههههه خلص مابقى عيدا بس تعو نشوف

المقادير

  •  المقادير:
  • كوب ونصف حليب دااافئ
  • 3 ملاعق كبيرة سكر
  • ملعقة كبيرة خميرة
  • نصف كوب لبن
  • نصف كوب زيت
  • 2 بياض بيض ((والصفار منتركو على جنب لدهن الوجه ومنخلطو مع ملعقة حليب كبيرة وملعقة صغيرة خل))
  • نصف ملعقة كبيرة محلب مطحون
  • نصف ملعقة كبيرة بيكينغ باودر
  • ربع ملعقة كبيرة ملح
  • ملعقة ونصف كبار خل
  • حوالي 3 ونصف كوب طحين حسب نوع الطحين بس منضيف بالتدريج لنحصل على عجينة طرية وملمومة ولو كانت بتلزق نتفة بسيطة بس المهم تبقى طرية
  • للحشوة عجوة تمر مطحون ضفتلو ملعقتين قطر وشوية سمنة ودعكتهم مع بعض ليحافظ عطراوة العجوة وممكن ما تحشو وممكن تحشو زبيب وجوز هند حسب ما بتحبو بس انا عملت بالعجوة
  • ماء زهر للعجينة والحشوة

الخطوات

☆بسم الله الرحمن الرحيم☆

أول شي منحط الحليب الدافي مع السكر والخميرة ومنخلطهم مع بعض ومنتركهم دقيقتين تلاتة ليتفاعلو شوي منضيف عليهم اللبن والزيت وبياض البيض والمحلب ومنخلط منيييح

بعدين مننخل فوقهم الملح والبيكينغ باودر وأغلب كمية الطحين ومنترك منها قسم لنضيفو بالتدريج حسب الحاجة ومنضيف فوقهم الخل ومنعجن منيييييييح مو اقل من عشر دقايق

قبل ما تندمج المكونات مع بعضها تماما منضيف ماء الزهر عحسب النوعية اللي عم تستخدموها

انا حطيت قطرات بس لتعطي نكهة خفيفة

وطبعا فيكم تستغنو عن ماء الزهر

بس نخلص منغطي العجينة ومنتركها تختمر ليتضاعف حجمها

مناخد منها بهدوء بدون ما نرجع نعجنها ونعملا بوكسات ونهبطها على بعضا ههههه

((بالنسبة للعجوة كمان ضفتلا كم نقطة ماء زهر للنكهة))

هلأ منشكلهم متل مو واضح بالصور

الشكل التاني حبيت اعملو من باب التغيير وعجبني كتيييير

منعمل 6 حبال كلهم متصلين ببعض من فوق ومنحط كل 3 عجنب ومنصير ناخد الحبلين من برا منجيبهم لجوا

اذا حبيتو تحطو شقفة عجينة تحت العجوة حطو واذا ماحبيتو مو ضروري وبطتنا بطة بطتكم هههههه

المهم هلأ منحطهم بالصينية ومندهنهم بصفار البيض ومنرش السمسم

احكيلكم بصراحة

انا اشتهيت اكل بهالمرحلة عقد ما عجبوني ههههههه

ماعلينا من كرشي هلأ منحطهم بفرن محمى مسبقاً على درجة حرارة 200 ليتحمرو ومنطالعهم

جربوها ومارح تنسو طعمتها بحياتكم ورح تدعولي انتو وكتاكيتكم الملائكة ههههه

ماحدا يعترض على كلمة ملائكة ههههه

بحبكم قد المعروكات واكتر♡

“من أقوال مواطنة فجعانة”

اه صحي يسلمولي الضحكانات هههههه

47 تعليقاً

  1. ماشاء الله تبارك الرحمن 😍😘
    تسلم ايدك ي عمري طالعين معك بيشهوو وانا كثير بحب المعروك رح جربها اكيد😜😜
    الله يعطيك الصحة والعافية ويهني عيلتك فيك ويعطيك كل ما تتمني ي قلبي😍😘😘

  2. ههههه وك يسعدها ويسعد معروكاتها وحركاتها وتكاتها الكتكوته نورررر النواااااره العكس ياقمر بطلعلك ما تسكتي بوصفهم لانهم الصورة بتحكي وبتعبر انهم بشهووو تبارك الرحمن ياعسل😉😘💓💓

  3. تبارك الرحمن شي بجنننن والله انا بعرف انه الوصفه الك من الصوره الخارجيه ع قد ما بتكون حلوه بعرف انه هاي وصفتك يعني قبل لا افتح الوصفه بحكي هاي اكيد نور

  4. ههههههههههههههه جد ضحكتيني…ما شاء الله ابداع واناقة..بكل معنى الكلمة…الله يحميكي حبيبتي..والله يباركلك..يسلم ايديكي يا عسل❤😂

  5. يا ورداتي انتو ان شاء الله دايما فرحانين ومنعنشين هههههههه
    ربي مايحرمني منكم ومن تعليقاتكم اللي بتجنن متلكم😀😘
    وكل وحدة حبت تجربها ممنونة كتير لثقتكم وان شاء الله بتاكلوها بالهنا وبتدعولي
    ابقو خبروني برأيكم😄😙

  6. ام ياسر بتمنى كون فعلا متل ماعم تحكي ياقلبي كلك ذوق وطيب اخلاق انتي والصبايا😘
    غرام حبيبتي منورتيني ومشكورة كتير على ثقتك
    الله يقدرني قدملكم دايما الأفضل ياقلبي😄

  7. يااااا سلاااااام والله اجمل من هيك ما في ابداع اتقان جمال لذة طعم ولذة التعامل والاسلوب الحلو وادخال السرور والضحك علينا يعني شو احكي اكتر من هيك ابداااااااع تستحقي الشكر والتقدير نور 👏👏👏👏😍😍😍😍😙😙😙😙🌹🌹🌹🌹🌹كل الاحتراااام

  8. الله يحفظك نوارة زاكي ماتتركي في القلب موضع إلا تلامسية بطيبتك ورقي أخلاق
    من مشئ بين الناس جابراً للخواطر أدركة الله في جوف المخاطر
    وأنتي ماتركتي حد بزاكي إلا جبرتي بخاطرة بوصفاتك المفيدة وكلامك اللين الجميل اللبق وماشاء الله الكل يحبك
    شفت تعليقك الاخير بوصفتي والله أخجلتني كلماتك ومشاعرك الله يعطيك ولا يحرمك رضاه
    والحمدلله صحتي تمام ومستمر في علاجي إن شاءالله حتى أتعافئ
    أحبك أختي وأعز أخواتي بزاكي حفظ الله الجميع .

  9. تبارك الله!! ما أجملهم!!
    صدقا .. أجمل معروك شفته بحياتي .. وأكثر وصفة عجبتني ومع الإضافات والتفاصيل اللي فيها رااااائعة راااائعة وما في أجمل من هيك .. الله يباركلك يا غالية ويحفظك ويرزقك الذرية الصالحة 💖

  10. ماشاء الله حبيبتي نور وصفااتك ولا اروع بانتظرهم هم وحكياتك الله يباركلك يا عسسل مبدددعة دائما 😍😍 👌👌👏👏👏😄😄😄😘😘😘❤❤❤❤

  11. ام حسن خجلتيني والله
    ربي يكرمك ويسعد قلبك متل مافرحتيني بكلامك الحلو😘
    ميس الريم كيفك حبيبتي اشتقنالك وفرحت كتير بس شفت تعليقاتك😍
    امي جنتي عاجزة اني كافيكي على كلامك الطيب وسدقيني كل شي حكيتيه فيني جزء من طيب اخلاقك وتواضعك ومعاملتك الراقية
    سبحان الله الك معنا فترة قصيرة ودخلتي قلوبنا بسرعة😘
    الله يكرمك ويرضى عنك ويحبب خلقو فيكي اكتر واكتر
    وان شاء الله معافاية غاليتي ونتطمن عليكي دايما بالخير يارب❤
    ام مصطفى ورولا ورشا انتو الرائعات والعسولات ياقلبي😍
    حماة ام النواعير وام ريان وتقى وجزائرية وسمر الله يسعدكم حبيباتي ويخليلي ياكم😍😄

  12. ام عبود من كل قلبي حابة قلك انتي اجمل ملاك عرفتا بحياتي كمان❤
    ربي يكرمك ويسمع منك ويرزقني ببنوتة شبهك بأخلاقك العالية وشخصيتك الرائعة اللهم بارك
    ونعم الصديقة والاخت انتي غاليتي❤

  13. الله يسلمكم حبيباتي ويخليلي ياكم 😄😙
    هدولة يبعتلك الهنا ههههههه ان شاء الله بتجربيهم وبيعجبوكي انتي والمرضي😁
    ام يامن ماعندي كتاكيت لسا انا عم كتكت لحالي ههههههه😁

اترك تعليقاً

لن يتم نشر عنوان بريدك الإلكتروني.

Translate »