التريليتشا Turkish Cake

33 8٬205
 

التريليتشا Turkish Cake

التريليتشا Turkish Cake😍

التريليتشا Turkish Cake

التريليتشا Turkish Cake , معكم صديقة زاكي الشيف الموهوبة ,الكيكات التركيه من الذ الكيكات من حيث الطعم والشكل اشي بجنننننننن ولا اروع
والان المقادير وطريقة التحضير في آن وااحد

المقادير

  • ٥ بيضات
  • كوب سكر
  • ٢ ملعقة صغير فانيلا
  • ربع كوب ماء
  • كوب ونص دقيق
  • ملعقة ونصف بكنج باودر
  • كريمة بيضاء
  • كريم كراميل
  • للدهن:
  • شوية زيت
  • شوية طحين
  • للتسقية:
  • ٣ اكواب حليب
  • ٣ ملاعق سكر

الخطوات

بسم الله نبدأ

اخفقي ٥ بيضات وضيفي عليهم كوب سكر بتدريج وضيفي ٢ ملعقة صغير فانيلا بالاضافه الى ربع كوب ماء الى كوب ونص دقيق مع ملعقة ونصف بكنج باودر بالتدريج ..

ادهني قالب الكيك او البايركس شوية زيت وشوية طحين واسكبي الخليط وحطيه بالفرن على درجة حراره ١٨٠ لمدة ٣٠ دقيقه او حتى الاستواء بعد ما تستوي تثقبيها وخليها تبرد تمام ..

وسقيها ٣ اكواب حليب مضاف اليهم ٣ ملاعق سكر او حسب الرغبه

اعملي كريما بيضا وحطيها كطبقه فوق الكيك .

اعملي الكريم كراميل

وهو عباره عن كوب سكر تذوبيه على نار هاديه وتحطي عليه ملعقة زبده وضيفي كوب حليب مع نص ملعقة نشا وحركيه منيح حتى يصل للقوام المناسب اذا بدك سائل اكثر من هيك ضيفي شوية مي.

التزين حطي من الكريمه قبل ما تتماسك ملعقتين بقعم وحطي خطوط واسحبيهم بالاتجاه المعاكس

وصحتين وعافيه بتمنى تجربوها بتجنن مثل الجاهزه طعم رررائع

33 تعليقات
  1. نهله الزعبي :

    عنجد عنجد بتشههههههي دايما باكلها جاهزة بس ما بعرف انه ط يقتها سهله كثير

  2. ام اوس وعبوده :

    رووووعه عنجد تحفه

  3. Alma :

    يسلمو حبيبتي نهله ولا اسهل مت هيك جربيها بتشهي

  4. ريحانة🌿 :

    صحتين وعافية💝

  5. روان القزق :

    يسلم ايديكي بس البيض كتير ولا شو بزبط اول بحط متلا تلت بيضات ؟!؟

  6. أم كرم :

    تسلم إيدك

  7. هناء مومن محمد :

    روعة تسلم ايدك

  8. ام يامن :

    كانت رفيقتي بتحكيلي عليها من يومين اديش لذيذة بس بتعملها بدروف جاهزة وشوقتني اعرف كيف طريقتها لانو الظروف بتجيبن من تركيا هية هنيك وانا بسوريا شكرا عالطريقة علمفضلة ورح جربها ان شاءالله

  9. Alma :

    الله يسلمكم حبيباتي

  10. إم مصطفي 😉 :

    يعطيكي العافيه حبيبتي
    وصحه وعافيه 🌹

  11. Alma :

    عقلبك

  12. Alma :

    عقلبك

  13. Alma :

    اخت روان مو فااهم عليكي ممكن توضحيلي

  14. 💖نور أحمد💖 :

    تسلم ايديكي حبيبتي الما ابدعتي ماشاء الله عنك وهالاكلة لذييييذة بشكل مو طبيعي😍😍
    طريقتك بتشبه طريقتي اللي نزلتها من فترة بس جربي تحطي كريما مع الحليب تبع التسقية بتعطي نكهة طيبة كتير ودعيلي😄
    ام يامن صح بتجي هون علب جاهزة بس ولا مرة جربتها
    بتنعمل بالبيت بسهولة وبتطلع متل الجاهزة بقى شو بدنا بالباكيتات😁

  15. روان القزق :

    اسفة ع الكتابه غلط من تلفون ،،،قصدي بزبط اقلل من عدد البيض يعني أنا ما بحب البيض الكتير بالكيك فالقصد بصير احط ٣بيضات ؟؟؟ولا لأ

  16. om hasn :

    يمااااا ما ازكى شكلها اكيد طعمها لا يقاوم يسلم اديكي وصحتين وهنا يااا رب ❤❤❤❤

  17. 🍒أم محمّد🍒 :

    بتشهي ..صحه وعافيه

  18. Ameena qadan :

    ياعيني عليكي يا الما منظرها بشهييييييي
    ماشاء الله.
    تسلم ايدك

  19. أمي جنتي :

    ماشاءالله تبارك الله
    هذه الكيكة جميلة جربتة مرة تسلم يدك .

  20. ماشاءالله
    😋😋😋😋😋😋😋

    طالعه روووووووعه
    الله يسلم الايادي
    حبيبتي

  21. ام اصيل :

    يا سلاااام عالمفضلة بدووون اي نقااااش يسلموو يا عيني رح جربها

  22. رشا رشا :

    شو هالزكاوه ما شاء الله تبارك الرحمن شكلها رووعه
    يسلمو اديكي حبيبتي الما والف صحه وهنا😘😘

  23. Alma :

    وايديكم حبيباتي الله يسعدكم على التعليقات الحلوه

  24. Alma :

    روان حطي ٥ بيضات لاتو ما لاحصتي انو مافيخا سوائل كثير بالخلط وعشان بصير اسفنجي

  25. رولا :

    صِحًة وعاَْفُيِة يِسلّمٌ اَْيِديِگٍيِ مٌاَْ شاَْء اَْلّلّهً 💕💕
    الصور واضحة وحلوة وتشرح حالها كتير عجبتني الله يبارك❤

  26. ربى :

    زاكي

  27. . :

    لو سمحتي سؤال
    هلأ الكريم كراميل احنا بنعملو بالبيت بنفس الطريقة إلي كتبتيها مش الباكيت الجاهز
    طيب عادي أحط بيض 3 ولا ما بينفع
    لأني حابه اعملها

  28. . :

    نور
    يسلم دياتك
    هلأ كميه الحليب مش كتيره
    وليه ما فيها زيت

  29. . :

    تالين
    سؤال الكيك بتحطلها الحليب بارد والكيك سخن
    وبنحطها في الثلاجه
    ليله كامله

  30. Alma :

    حبيبتي البيض افضل ٥ لانو فش سوائل كثير لمنك تخلطي والكريم كراميل انا عملنو بالبيت والطريقه مكتوبه

  31. Alma :

    ما بنحط زيت هيك الكيكه الاسفنجيه والحليب كميته مناسبه لانو فش زيت فتسقيها بالحليب

  32. Alma :

    لا ساعتين او اربعه بكفووو وبس طلعيها من الفرن خزقيها واستني تبرد شوي مو تكون ساخنه كتير والحليب عادي ازا بتحبي اعمليه وحطي بثلاجه وبس تطلع سقيها بكون بارد

  33. Alma :

    😊في شي تاني

اترك رد

لن يتم نشر عنوان بريدك الإلكتروني.