img
الرئيسة / أطباق رئيسية / طريقة عمل دجاج مشوي بالفرن بنكهه مميزه مع الخضار

طريقة عمل دجاج مشوي بالفرن بنكهه مميزه مع الخضار

/
/
/
2252 مشاهدات

 

طريقة عمل دجاج مشوي بالفرن بنكهه مميزه مع الخضار

دجاج مشوي بنكهه مميزه مع الخضار

طريقة عمل دجاج مشوي بالفرن بنكهه مميزه مع الخضار

طريقة عمل دجاج مشوي بالفرن بنكهه مميزه مع الخضار , معكم صديقة زاكي الشيف الموهوبة ,

المقادير

  • دجاج
  • للتتبيلة الدجاج :
  • ملح
  • فلفل أسود
  • كاري
  • بابريكا
  • سر النكهه:
  • دبس الرمان
  • خل
  • زيت زيتون
  • بودرة ثوم
  • بهارات عبيدو ناعمه
  • الخضار :
  • بطاطا
  • بصل
  • بندوره
  • ثوم
  • فلفل حلو أو حار
  • شرائح ليمون

الخطوات

يسعد مسااكم ..اليوم بقدملكم طريقتي بشوي الدجاج مع الخضاار وسر نكهته المميزه ان شاء الله تنال أعجابكم …

ويلااا مع شرح الطريقه …

& بنجهز الدجاج قطعته لاربع قطع وضعت عليه مقادير التتبيله وبدهنه مزبوط وبتركه ساعه عالاقل عشان ياخذ النكهه

وسر نكهته المميزه دبس الرمان بعطيه نكهه كتير زاكيه …

& وبنبلش نجهز الخضار بنقطعهم قطع كبيره وبرشهم بشوية ملح فلفل اسود بابريكا وثوم بودره

& بنضع الدجاج بالصينيه وانا حطيت وجهه لتحت عشان يشرب كل النكهه خلال وهو بالفرن وبضل طري وضعت الخضره فوقه وزعتها وزدت على الصينيه رشة ملح وفلفل اسود وثوم بودره وخل وزيت زيتون وكاسة شاي مي ولفيتها بالقصدير وحطيتها بالفرن عالنار عاليه اول نص ساعه وبعدين لنار وسط لحتى تكمل سواها

& بعد ما تستوي بحمر الخضار وبعدين بطلع الدجاج عالوجه وبحمره اذا كان بده تحمير لانه احيانا باخذ لون خلال وهو بالفرن لانه وجهه لتحت

& وهيك بتكون جاهزه معي بقدمها مع السلطه واللبن والكاتشب

& ما نشفتها مزبوط الازكى يضل عليها شوية صوص …

ملاحظه : دبس الرمان ما حطيت منه على الخضار بس وضعته على الدجاج لانه البطاطا لونها بتغير منه ..

وصحه وعافيه

دمتم بخير

39 تعليقاً

  1. حبيبتي ام محمد سويت اليوم هالاكلة وكان عندي بيت سلفي وانبسطوا كتير يا الله شو طيبة هالاكلة ستوت البطاطا وضلت متل ما هيي 👍👍👍

  2. مشكورين الله يسلمكم نور ..ام كرم ..ونور احمد ربنا يسعدكم

    ندى ..الف صحه وعافيه واكيد راح تطلع زاكيه من تحت دياتك ..وبسعدني تطبيقك للوصفه وبسعدني انها عجبتك 👍👍

اترك تعليقاً

لن يتم نشر عنوان بريدك الإلكتروني.