img
الرئيسة / حلويات / طريقه عمل هريسه بأسهل وأطيب وأنجح طريقة

طريقه عمل هريسه بأسهل وأطيب وأنجح طريقة

/
/
/
6517 مشاهدات

 

طريقه عمل هريسه بأسهل وأطيب وأنجح طريقة

هريسة بأسهل وأطيب وأنجح طريقة

طريقه عمل هريسه بأسهل وأطيب وأنجح طريقة

طريقه عمل هريسه بأسهل وأطيب وأنجح طريقة , معكم صديقة زاكي الشيف الموهوبة ,

المقادير

  • 2 كوب سميد خشن 400 غم
  • كوب سكر
  • كوب حليب سائل
  • ربع م.ص كربونة
  • رشة ملح
  • نصف كوب قطر للعجينة
  • قطر للتشريب
  • مكسرات
  • ملعقتين سمنة
  • ملعقتين طحينية

الخطوات

هريسة

السلام عليكم ورحمة الله وبركاته

مافي بيت بيخلى من الهريسة وقت البرد والشتا خصوصا لانه بتدفي وعدا انها طيبة وتحلاية اقتصادية، وهالاسبوع كان شتوي بامتياز وحبيت البي طلب الاخت ندوش طلبت مني الهريسة ، خلينا نشوف الطريقة الرائعة وناجحة 100%

أولاً/خليط الهريسة

بنخلط السميد والسكر ورشة الملح والكربونة عالناشف بايدنا وبعدين بنضيف القطر وبنبسبس باليد لحتى تتغلف كل حبات السميد بالقطر وبنضيف كاسة الحليب مش كلها خلي منها شوي يمكن ماتحتاجيها كلها وبنخلط بشكل دائري مش تعجين اصلا هيه سائلة بتكون شوي .

—صبيها في صينية قياس 30 سم مدهونة طحينية واتركيها ترتاح يوم كامل. لازم لازم ترتاح يوم عالاقل 7 ساعات بس يوم كامل افضل .

—ريحيها بدون غطا وبرا الثلاجة بمكان مثل داخل الفرن او الميكرويف طبعا باردين يكونوا .

ثانياً/ الخبز مهم جدا

بنرش وجه الهريسة مكسرات واذا كان الوجه ناشف ما بتمسك عليه بلي ايدك بمي وامسحي وجهه بعدين رشي المكسرات.

— وعلى فرن محمي على 200 بالرف الوسط .

—بتحتاج 35 دقيقة بس بعد ربع ساعة من ادخالها للفرن بتطلعيها وبسرعة بسرعة بتقطعيها وبترجعيها للفرن تكمل سواها تكملة ال35 دقيقة. (مهمة جدا هالحركة)

—بعد مرور المدة كاملة بتكون تحمرت لحالها واذا بدكياها تتحمر بزيادة حمريها.

ثالثاً/ القطر

بنطلعها من الفرن وفورا القطر عن الغاز يكون يغلي بتوزعي ملعقتين سمنة على الهريسة وبتصبي القطر فورا يعني الهريسة حاميه والقطر كمان .

ملاحظة/

القطر لازم مايكون مرق وقوامه سائل كثير عياراته

4 كوب سكر على 2 كوب مي وربع ملعقة صغيرة ملح ليمون وعالغاز وبعد الغليان وطي الغاز وخليه يعقد 7 دقائق وهيك بكون مثالي وممتاز.

رابعاً/التقديم

بعد ما تبرد الهريسة قدميها مع فنجان قهوة لاهلك وحبايبك وصحة وهنا. كثيييير طيبة وناجحة 100% وما بتفتت.

81 تعليقاً

  1. عاشت الايادي ام جاسم طريقتك خراافية والطعم اكيد بشهي باين من منظرها لكن حبيبتي ام جاسم بدي اسألك بصير اعمل نفس الطريقة لعمل الحلبي يعني ابيتها ليلة كاملة؟؟

  2. الله يسعدك اقدار ، بصراحة الحلبة مختلفة عن الهريسة فيها طحين وفيها زيت وانا مابعملها ابدا لانه ماحدا من عيلتي بياكلها ، خايفه احكيلك اه وماتزبط، بعتذر منك

  3. وبدي أسألك فتحتي عليها الفرن كثير ؟
    يعني كل شوي تفتحي تشوفيها وتسكري؟
    لانه اذا اخدت هوا كثير وكل شوي يفقد الفرن من حرارته بسبّب نشفان الهريسة وبتعضّم معك

  4. والله يا ام جاسم حطيت القطر ساخن متل ما اعملتي والفرن ما فتحتو بس والله شاكة بابني كل شوي يحكيلي متى اتخلص 🤔😏🤔😏🤔

  5. شربتها قطر منيح ونفس الي انتي اعملتي بالحرف بس كان عندي سلفتي وكل شوي اشوفها وارجع والمحروس ابني كان بتغدا بالمطبخ شكلو كان يفتحو وانا موموجودة
    لا المشكلة بحكيلي ابني والله يا ماما زاكية كتييير ههههه بدو يغطي ع عملتو بس مو مشكلة كلها بدو ياكلها وكل ما يطلب زاكي بدي اعطيه منها 😜😜🤣🤣🤣

  6. نور
    حبيبتي ام جاسم سلم دياتك عملتا طلعت كتير طيبة كمان طلع فيا قرشة يمكن لان ما حطيت القطر كلو حسيتو كتير ولا لازم حطو كلو ودرجة حرارة الفرن ٢٠٠ مش كتير وبحمي الفرن قبل ما هيك

  7. نور
    حبيبتي ام جاسم بس تشوفي التعليق بليز خبريني لازم حط القطر كلو وبحمي الفرن قبل ودرجة حرارة ٢٠٠ حسيتا كتير لان فرني غاز مش كهربا ولا عادي

اترك تعليقاً

لن يتم نشر عنوان بريدك الإلكتروني.