img
الرئيسة / معجنات / اطيب بيتزا من تحت دياتي

اطيب بيتزا من تحت دياتي

/
/
/
1446 مشاهدات

 

اطيب بيتزا من تحت دياتي

😍💋🍕اطيب بيتزا من تحت دياتي🍕😍💋

اطيب بيتزا من تحت دياتي

اطيب بيتزا من تحت دياتي , معكم صديقة زاكي الشيف الموهوبة ,

المقادير

  • ٣ كاسات طحين
  • معلقتين كبارخميرة فورية
  • معلقتين كبار سكر
  • رشة ملح
  • رشة حبة بركة
  • كاسة ونص مي دافية او اقل او اكتر حسب نوع الطحين
  • حبتين بندورة مبروشة او مفرومة ناعم
  • بصلة كبيرة مفرومة ناعم
  • فليلفة مفرومة ناعم حسب الموجود
  • معلقة دبس فليفلة
  • معلقة دبس بندورة
  • معلقة صغيرة حبة بركة وسمسم
  • رشة ملح
  • بهار
  • نعناع يابس
  • معلقة دبس رمان
  • جبنة اي نوع بتفضلو انا استخدمت مشلشلة
  • درة
  • فليفلة شرايح
  • بندورة شرايح
  • اي خضار بتحبو تزينو فيه البيتزا

الخطوات

بسم الله الرحمن الرحيم

للعجينة

منخلط الطحين والملح والسكر والخميرة وحبة البركة سوا منزل المي دافية لتصير عجينة ومنتم منعجنا لتصير عجينة حلوة وطرية ودافية متل قلوبكن منتركا ترتاح من عشر دقايق للنص ساعة وكل مارتاحت احسن

الصلصة للبيتزا

منحط معلقتين زيت منقلي البصلة والفليفلة ليدبلو شوي منضيف عليهن الدبس بندورة ودبس فليفلة والبندورة ومنقلبن شوي منحط التوابل الي هنن الملح والنعناع اليابس والبهار او الفلفل الاسود والسمسم وحبة البركة ومنتركا تتعقد شوي ويلا ياامورات نجهز البيتزا

منفرد العجينة بالصينية بشكل متساوي منبلش نقطع العجينة بالنص متل مثلثات بس مانوصل للاطراف لانو بتعرفو ياحلوين في لسع الصلصة منضيف الصلصة والجبنة والخضار الي بتحبو ومنحط جبنة كمان ومنجيب طرف المثلث ومنقفلو لتحت البيتزا لبرا منجيب بقية العجينة الي عفناها بلاول ومنعملا قرص ومنعيد نفس الطريقة ومنحشيا صلصة وجبنة ومنعيد الطريقة اخر شي منحك كرة منكون حاشينا صلصة وجبنة وعالفرن حصرا يكون حامي احسن بتستوي بسرعة وبتم طرية انشالله رح تعجبكن بتم لتاني يوم طرية ومو معجنة وهي البيتزا جهزت تفضلو والي بدو طريقة الفطاير بتصير بنفس العجينة والي بدو طريقة الكروسان لحتا اعمللكن ياها من عيوني

وانشالله الف صحة وهنا

 

48 تعليقاً

  1. سفرة بتشهي حبيبتي هبة يعطيكي الف عافية😀
    كل طبق احلى والذ من التاني
    الله يباركلك ويهني عيلتك فيكي😄😙
    حبيبتي دودو عللصفة الرئيسية بتلاقي فوق عاليسار اشارة زائد
    ضغطي عليها وضيفي صور وصفتك ومقاديرها وطريقة عملها😄😙

  2. دودو تسلمي ياألبي انتي 😗😗 بتعملي متل ماقالتلك نور وازا مو مدخلة بريد الكتروني دخلي وموفقة انشالله روحي😗😗😗

اترك تعليقاً

لن يتم نشر عنوان بريدك الإلكتروني.

Translate »