img
الرئيسة / أطباق رئيسية / كبة مقلية و كبة مشوية و كبة ادلبية

كبة مقلية و كبة مشوية و كبة ادلبية

/
/
/
4220 مشاهدات

 

كبة مقلية و كبة مشوية و كبة ادلبية

😎💐كبة مقلية ومشوية وكبة ادلبية💐😎

كبة مقلية و كبة مشوية و كبة ادلبية

كبة مقلية و كبة مشوية و كبة ادلبية , معكم صديقة زاكي الشيف الموهوبة ,

المقادير

  • للكبة المقلية والمشوية:
  • كيلو برغل ناعم
  • بصلتين كبار
  • ملح
  • رشة كمون ناعم
  • اربع رغيف خبز
  • تلات معالق كبار دبس فليفلة
  • مي
  • للحشو:
  • لحمة نص كيلو
  • ملح
  • بهار او فلفل اسود
  • تلات بصلات كبار
  • مكسرات انا حطيت فستق
  • للكبة المشوية:
  • وشحمة
  • للكبة الإدلبية:
  • دبس الرمان
  • سنين توم
  • نعناع يابس
  • عصير نص ليمونة
  • معلقة صغيرة دبس فليفلة
  • معلقتين كبار دبس رمان
  • معلقتين كبار زيت زيتون

الخطوات

اطيب كبة سورية من تحت دياتي

⚘بسم الله الرحمن الرحيم ⚘

منجيب البرغل هو والخبز ورشة ملح ودبس الفليفة والبصل مقطع قطع وسط ورشة كمون ومننقعن بالمي ليفنش ساعة اوتنين بهالوقت منجهز الحشوة منقلي البصل ليدبل منحط اللهم ومنقلي رشة ملح وفلفل واخر شي الفستق ومنتركا تبرد بعدين منديرالبرغل

دورين لينعم البرغل ويصير عجينة ماتفرط

منبلش شغل اول شي منقسم العجينة تلات اقسام قسم للمقلية وللمشوية وللادلبية منقطعن قطع وسط ومنبلش نجهز القرص المقلي اكيد كلكن بتعرفو تقبرو قللي ريتكن شو انكن معدلات

وبس نخلص منشغل الزيت انا ماشويت المشوية قليتا قلي لانو جوزي يقبر قلبي مابيحبا مشويا وانا اريحلي طبعآ لاتنسو تحطو للشحمة نعناع يابس وفليفلة ناعمة مشان نكهة وهيك لتخلص كل العجينة

مشان الكبة الإدلبية منعمل قراص متل الكبة المقلية بس يكون صغار متل كبة قلب الطير

منحط مي عالغاز مع رشة ملح مشان نسلق كبة قلب الطير اول ماتطوف عالوش منشيلا

منجهز الصلصة تبعيتا

منجيب سنين توم منحطن بجاط منحط معا الدبس رمان والنعناع والدبس فليفلة والزيت زيتون وعصير ليمون نص ليمونة بتكفي ومنخلطن سوا منجيب تقريب فنجان مي من مية السلق او فنجانين حسب انتو شلون بتحبوا ودوقو وزبدو مي ع كيفكن ومنصف الكبايات الصغنونات بصحن ومنحط الخلطة فوقن والف صحة والكبة مقلية والمشوية بيكونو خلصو

والف صحة وهنا

51 تعليقاً

  1. ام جاسم الله يعافيكي روحي على قلبك حبيبتي مو كل الناس بتحط خبز انا بحطو بدل الهبرة لانو ماكان عندي😄بتعرفي مو شرط يكون كلشي موجود منخترع نحن😉😄 فائدتو : بيخلي العجينة تمسك وبيعطي قرشة بتجنن جربي وبإذن الله رح تدعيلي😗😗😗

  2. لولو

    شو هل ابداع هبوشه تسلم ايديكي

    ام جاسم هي الأصول بحلب منحط لحم بدون دهن لحم خروف حتى يمسك البرغل مايفرط بالقلي
    بس اذا مو متوفر بتحطي خبز او طحين او سميد حتى تمسك بس هي الأصل باللحم

  3. يسعدو المعدل والشاطر يا ناااااس😍😍
    ماشاء الله عنك كبكوباتك ولا اروع اللهم بارك وشكلهم بشهييييييي وبخلي الواحد يجوع هههههه
    تسلم ايديكي ياقلبي ابدعتي عنجد والكبة اللي مع دبس جديدة عليي بصراحة بس شكلها لذييييذة😀😙

  4. لولو الله يسلمك عمري اي هيه الاساس بالهبرة انا جربت السميد والطحين والخبز حسيت الخبز اظبط شي بيعطيا قرشة وطعمة طيبة اما الطحين بصراحة ماحبيتو معا ازا كتر بقلبا عالقلي بتصير يابسة😄😋

  5. غادة حبيبتي كل وحدة منا بتعملا بطريقتا وكلكن مشاءالله عنكن ستات بيوت انا جربت السميد والطحين والخبز حبيت الخبز اكتر يعني حتى لوحطيت هبرة بحط خبز مشان القرشة😊😊😙😙

اترك تعليقاً

لن يتم نشر عنوان بريدك الإلكتروني.