img
الرئيسة / منوعات / وصفات مصورة خطوة بخطوة / كيفية تنظيف الدجاج خطوة بخطوة للمبتدئات ولكل عروس جديدة

كيفية تنظيف الدجاج خطوة بخطوة للمبتدئات ولكل عروس جديدة

/
/
/
3383 مشاهدات

 

كيفية تنظيف الدجاج خطوة بخطوة للمبتدئات ولكل عروس جديدة

تنظيف الدجاج خطوة بخطوة للمبتدئات ولكل عروس جديدة

كيفية تنظيف الدجاج خطوة بخطوة للمبتدئات ولكل عروس جديدة

كيفية تنظيف الدجاج خطوة بخطوة للمبتدئات ولكل عروس جديدة , معكم صديقة زاكي الشيف الموهوبة ,

المقادير

  • دجاج
  • ملح
  • ملح ليمون
  • ليمون
  • خل
  • طحين

الخطوات

تنظيف الدجاج للمبتدئات

السلام عليكم ورحمة الله وبركاته

بعد تفكيير طوييل وتردد كبير قررت انزل هالمنشور

لإنه اكيد كل ست بيت بتعرف كيف تتعامل مع الدواجن وكيفية تنظيفها ، بس لاحظت انه في كثير من البنات الصغار المبتدئات والعرايس الجدد حايصين ومش عارفين كيف يتعاملوا معها ، وخااااصة يلي متلي لسا بجيبوا الدجاج من المحلات ذبح مباشره امامك مش مبرد ومبكّت يعني فبكون كثير وضعه مأساوي وبده نظافة ،فقررت اقدم الهم يد المساعدة واعلمهم خطوة بخطوة تنظيف الدجاج وتقسيمه وتفريزه.

مارح يكون في طريقة هيه مجرد ملاحظات

— اول شي بتنقعي كمية الدجاج كاملة في جاط كبير فيه ماء واكم ملعقة طحين حركيهم مع المي بس بتتعكر المي فيه هوه لسحب الزفرة ، ونصف كوب خل وليمون معصور مع قشورة واذا عندك برتقال كمان بصير.

—انقعيه ساعة تقريبا

— بدنا نبلش تنظيف الدجاج قطعه قطعه والتنظيف يشمل:

1. ازالة الزوائد والشحوم

2. ازالة قطع الدم

3. التعرّف على مواضع عروق الدم وتفريغها

وكله موضح بالصور

—طبعا كل القطع اللي بتتنظف بننقلها لجاط جديد نظيف

وبس تخلص الكمية بنضيف ملح ليمون وملح عادي وخل وبنقلب القطع وبنتركهم شوي.

—رح تلاحظي كيف لون الدجاج صار ابيض وما اله ريحة ابدا

—اخر مرحلة بنغسل الدجاج للمرة الاخيرة ورح تلاحظي كيف المي اللي عالدجاج نظيفة وصافيه .

—بنصفي الدجاج وبنتركه شوي يتصفى من الماء الزائد .

—اخر شي بنعبي بأكياس التفريز حسب الاستخدام والحاجة.

—يفضل عند التعبئة تخلي قطع الدجاج بجنب بعضها مش فوق بعضها لسهولة استخراجها وسهولة تذويبها.

—وترتيب اكياس الدجاج بالفريزر كمان بكون لطيف ومرتب وما بياخد حيز لما تكون قطع الدجاج افقيه.

/شكرا لكم جميعا/

اشكركم على تحملكم لخطواتي الكثيرة وصوري المتعددة وشكرا لدعمكم المتواصل وتشجيعكم الي

52 تعليقاً

  1. بارك الله فيكم جميعا
    بعرف كلكم ستات بيوت تبارك الله رائعات ولكن صدقا في بنات وعرايس مابعرفوا كيف بيتنظف الدجاج فحبيت اوضحلهم.

    مليكة طبعا اجنحة الدجاج وجبة لوحدها بتنعمل كريسبي وفي اجنحة الدجاج المشوية وفي اجنحة الدجاج المقلية وفي كثيير وصفات الها وطيبة كثير لانها طرية ولحمتها قليلة.

  2. جزاكِ الله خير الجزاء غاليتي 💖
    بسم الله ما شاء الله.. نظافة ولا أجمل من هيك..

    وبحييكِ على ذكائك بانتقاء كل ما هو مهم ومفيد لكل امرأة تدخل ملفك .. سواء عروس جديدة أو غيرها من النساء المهتمات بمجال الطبخ والمطبخ 👍

    جزاكِ الله خيرا على كل ما تقدميه.. وبارك لكِ في علمك وعملك🌷

  3. إم جاسم يا عمري أنا أنتي فعلااا رائعه ومزوقه ما شاء الله عليكي مبدددددعه 😙❤
    بتما منك تنضمي إلنا ع قروب صبايا الوطن العربي حابين نتعرف عليكي أكتر الصراحه شوو رأيكم صبايا 😉🤗❤

  4. يعطيكي العافيه ام جاسم بدي اغلبك بدي اعمل شيش طاووق بالفرن العربي بدي اغلبك بدي تتبيله لالو وكيف طريقه الشوي يا ريت تردي علي برد عهاد التعليق اليوم لانه بدي اعمل بكرا ومشكوووره يا غاليه مقدما
    🌹🌹🌹

  5. اميرة بأخلاقي مش دائما بشيل الجلد حسب الاستخدام بس عموما اه بشيله لانه التحمير بروح عليه ومحدا بياكله عندي فبستغني عنه بس احيانا بضيف الجلد للطبخة لحاله عشان النكهه وبرجع برفعه قبل تقديم الاكل.

  6. لين لتتبيلة الشيش طاووق
    لدجاجة كاملة مقطعه مكعبات
    كوب لبن رايب
    م.ص بودرة بصل
    م.ص بودرة ثوم
    ثوم طازج 5 سن
    مية بصل ابرشي بصلة واعصريها بايدك واستخدمي عصيرها.
    صويا صوص او دبس رمان معلقتين
    بهارات دجاج تكون زاكية
    ملح وفلفل
    كاتشب او صلصة بندورة ملعقتين
    زيت زيتون
    خل ابيض

    اخلطي كل التتبيلة سوا وضيفي الدجاج عليها حركيه وقلبيه مزبوط وانقعيه لبكرة.

    ثاني يوم عشان الشوي
    انقعي اعواد الشواء بمي ربع ساعة قبل الشوي
    شكّي الشيش عالاسياخ ولا توصليها لاخر السيخ خلي مجال .
    وشكي على اسياخ ثانيه بصل وبندورة صغير او مقطع وتبليه بملح وفلفل وزيت بس.

    حطي كل الاسياخ على صينية الفرن ودخليها فرن محمي على 200 وسط يعني والنار تحته تكون.
    بعد ربع ساعة قلبي السياخ او انقلي الصينية تحت النار عشان يستوي من فوق ربع ساعة ثانيه وراقبيه لانه الفرن العربي سخن.

    بعد النص ساعة كاملة بتختبري قطعه بشوكة اذا لسا بدها وقت ومتحمره كانت غكي بقطعة قصدير بدون احكام واتركيها كمان ربع ساعة واتوقع تكون تمام ومستوية مية بالمية.

    وصحة وهنا

    ممكن تحطي قطع الشيش بدون اسياخ عادي افرديها بصينية بس مع الاسياخ الثقب بيساعد على توزيع الاستواء للداخل وكمان شكل الشيش مثقوب حلو.

    ممكن تدخنيه بفحمة بطلع كإنه جاهز وروعة.

    • معلش اغلبك معي كمان احطهم بصينيه تيفال يعني بدون مي بالصينيه او شي صح تكون الاسياخ على ارضيه الصينيه مو مرتفعه

  7. شكرا” الك بس سؤال ليش شايلة جلد الجاج انا بحس بيعطي زكاوه ودهن بلاكل وبيطلع اطيب مع انو مابناكلو بنشيلو او اذ محمر ومقرمش كتير بناكلو

  8. ام يامن الجلد ما بشيله لكل الوصفات ولكن غالبا بشيله لانه التحمير بيروح عليه ومحدا بياكله عندي ، احيانا بضيفه منفصل عالطبخة عشان النكهه وبشيله قبل التقديم.

  9. شكرا كتيييير الك جد رائعة
    انا بنظفو هيك… بس الي م بعرفو انو عرق الدم بنسحب… كتييير حبيت هلإشي…
    بس ازا ممكن توضحيلي كيف بقدر اسحبو… يعني اضغط عليه وبيطلع لوحدو ولا انا اسحبو؟؟ وضحيلي رجاءآ

    يعطيكي العافية 💕

  10. يسعدكم ربي وما انحرم من كلامكم الطيب.

    ام امير بس بتضغطي مكان ما انا موضحه بالصور اضغطي وادفعي لفوق بنفس الوقت هوه رح يفضي الدم معك وقدامك
    ضلي اضغطي لحتى يبطل يطلع دم بكون تمام نضف.

  11. ام جاسم يسعد صباحك هلا احط الاسياخ على ارضيه الصينيه مباشره مو مرتفعه صح وما احط مي بالصينيه ابدا هيك صح؟

  12. ماشاء الله عنك ربي يباركلك ويكرمك ويجزيكي كل خير على هاللفتة المميزة والرائعة
    والصور بتحكي لحالها عن اتقان وابداع صاحبتها😍
    نحنا اللي منتشكرك على اهتمامك بفائدة كل الاعمار ياقلبي والله يزيدك علم ونور ويجعلو بميزان حسناتك😘

  13. معدله اختي ام جاسم وأصبتي طرح الموضوع بصراحه والله اكتيرررر للاسف ستات ما بعرفوا ينضفوا الدجاج وتشمي ريحه زنحه مع الاكل بوركتي ع جهودك يالغلاااا

  14. والله العظيم يا أم جاسم انك عجيبه انا اول من احتفظ بطريقه غسل الدجاج طيب كيف عن اللحمه كثر الله خيرك وعلميني عن طريقه اللحمه الله يجبر بخاطرك وشكرا

  15. الله يعافيكم ويسلمكم يارب

    وفاء اللحمة ما بدها تنظيف كثير زي الدجاج لانها ما الها زفارة كثير بس بتتأكدي انه ماعليها شعر ماعز وغسله بمي لحالها بدون اي مواد .

    طبعا اللحمة يلي بالعظم او قطع كبيرة يلي بتتنظف بس اللحمة المفرومة لا طبعا.

    واذا قطع اللحمة كبيرة كثير بتنقعيها بمحلول البرايم اللي هوه 3 لتر ماء عليه كاسة سكر وثلثين كاسة ملح بتذوبيهم وبتنقعي اللحمة فيهم ليلة بتشدّ الزفارة كلها وبتطريلك اللحمة كثيير .

  16. الله يحميكي ام جاسم ما في كلام بوصف ابداعك وطرحك للوصفات الله يباركلك حبيبتي ماشاء الله 👏👏👏👏👏👏👏👏👏👌👌👌👌👌❤❤❤❤❤❤❤❤❤❤❤❤❤❤❤❤❤

اترك تعليقاً

لن يتم نشر عنوان بريدك الإلكتروني.