السمك بطريقتي سلسلة ولا ألذ 1
تحرير
السمك بطريقتي سلسلة ولا ألذ 1
السمك بطريقتي سلسلة ولا ألذ 1
المقادير
- نصف كيلو من شرحات السمك
- لتتبيلة السمك منحتاج:
- برش ليمونة كاملة
- نصف ملعقة صغيرة بابريكا
- نصف ملعقة صغيرة كزبرة يابسة مطحونة
- ربع ملعقة صغيرة كمون
- ربع ملعقة صغيرة فلفل أسود
- ربع ملعقة صغيرة توم بودرة او سنين توم مدقوقين
- نصف ملعقة كبيرة بهارات سمك وممكن اكتر حسب قوة الطعم
- الملح طبعاً حبيب قلبي مستحيل انساه
- ملعقتين كبار زيت زيتون
- ملعقتين كبار عصير ليمون
- مكونات صلصة السمك:
- بصلة كبيرة او بصلتين وسط مقطعين ناعم
- حبتين بندورة كبار
- رشة بقدونس او كزبرة حسب النكهة اللي بتحبوها
- بهارات سمك
- ملح
- فلفل أسود
- رشة بابريكا
الخطوات
☆بسم الله الرحمن الرحيم☆
أول شي منتبل السمك المنضف والمغسول بعد ما نتأكد انهم عنجد ميتين
ماعم امزح انا هيك بعمل ههههههه
بعدا منبهرهم ومنخلطهم مع الزيت وعصير الليمون وبرش الليمون ومنتركهم يتشربو قد ماحبيتو
هلأ منجي للصلصة البسيطة منقلي البصل بزيت وبس يدبل منضيف البندورة والبهارات ومنتركهم يغلو شوي ليرتخو ويبلشو يتسبكو منطفي ومنضيف رشة البقدونس او الكزبرة
منصب الصلصة بجاط بايركس ومنصف شرحات السمك عليها ومندخلها الفرن ليستوي السمك
هو مابطول بياخد كم دقيقة واثناءها بتتسبك الصلصة اكتر
ومنقدمو مع الرز الأبيض..
جربوها ودعولي بالبركة ياورداتي
وحكولي مين بتخاف من السمك متلي ههههه
وتحديدا من الراس والعيون ههههه
تقدم مع أرز بسمتي أبيض مطبوخ مع ملعقة زبدة وشوية زيت نباتي وبضع من حبات القرنفل وملعقة كبيرة عصير ليمون وكمان اكيد ملح اصحكم تنسوه يرضى عليكن
يسلم ايديكي نوارة بتشهي😋😋😋😚😚
صحتين وهنا نوارة انا كنت خاف شوي من عين السمكة وراسا بس عندي السمك مفضل كتيرررر ومن اطيب انواع اللحوم لهيك اتجاوزت هلخوف وصرت اتأقلم معهن ههههههه المهم اكل سمك يمييييي
يسلم اديكي يا احلى نور نوارة بشهي ريتو صحه وهنا يارب 😋😋😋😍
يسلمو اديكي نور الله يباركلك يا عسل
الف صحه وهناا 😘😘
صحه وهنا يا نور النواره
يسلموا ايديكي من أحلى الاكلات السمك …كتير بشهوا ويفتحوا النفس ماشاءالله يعطيك العافيه يارب
يسلمو يا فنانه يا مبدعه
الله يباركلك يا نوارة زاكي
ما شاء الله صرت احب السمك من بعد طبخك اله صحة وهنا ويعطيكي العافيه
يسلمو اديكي ويعطيكي العافيه انا ما بحب السمك بس شهيتيني اعملو اجربو .ع المفضله
يسلمووو دياتك بشهي
ههههههه نور اهم شي راسها ما يكون موجود للسمكه
يعطيكي العافيه حبيبتي وربي يسلم هالديات يا عمري ويحفظك من كل شر ما شاء الله عليكي رووووووعه😙❤
يسلموا إيديكي يانور ابدعتي.. وخاصة بتتبيلة وصحتين وعافية 😋😋😋😋
انا متلك مستحيل أوكل سمك بعدو رأسه فية
تسلم ايدك فناااانه
حبيباتي انتو الله يسعدكن ويخليلي ياكن وفرحت كتير انكن حبيتو الوصفة😀😙
مشكورات كلكن عالتعليقات اللطيفة وشكلو في ناس متلي بتخاف من الراس هههههه
دقو كفكن ياشجاعات😁
ام جاسم ياعسل وانا صرت حب السمك اكتر بعد كلامك الحلو هاد😄
يسعد قلبك يا اميرة❤
تسلم ايدك حبيبتي بشهو طالعين من تحت دياتك تحفه فنيه هذا الشكل كيف الطعم…..الله يعطيك الف عافيه ويباركلك بصحتك وعمرك
لولو
يمييي انا بعشق السمك ومتلك مابحب الراس 😑 مستحيل اكل سمكة وراسا معا حتى مستحيل ألمسو 😂😂😂😂
ليش مابتجي عدردشتنا اشتقنالك 😍
يا عيني عليكي يا نور ايه الجمال دة صارلي ٣ شهور وانا بحكي لزلمة😡 بدي سمك لهسا بقولي بكرا لسه ما اجى بكرا شايفة احسن ايشي جاي عندك فوريرة عشان سمك بس بدون راس وعينين ما بحبهم بخاف امسكهم وامسك راس جاجة
وايديكي ياعمري ام علاء الله لايحرمني منك😍
حبيبتي ام عمر بتنورييييييي والله😍😘
لولو كنت دايرة بالوصفات والجروب وجاييتكم هههههه
عمليلي سمك لولو وعزميني 😁
٥
يسلموا نور صحة وهنا
السمك وتتبيلته بشهوو
ربي يكرمك ويباركلك🌹🌹
هههههههه نور
سبحان الله والله نفس الشعور إحنا الستات تقريبا نفس التفكير أنا جوزي بحب السمك وأنا بحبه وبحب أعمله بالبيت بس ما بطيق الراس خصوصا السمك الكبير الطازة الي بيجيبلي إياه أنا بفضل الفيليه والي راسه مقطوع هامور وغيره وهو بيقول هاد مش سمك متل الطازة الكبير الكامل الي براس يعني ما دامه ما بيتاكل أصلا شو الحكمة منو
مجبورة ساويه بس شو بعمل بغطيه بشرحات بندورة وليمون وورق نعنع عالعيون وهيك بيمشي الحال شوي هههههه
وبسلموا ايديكي حبيبتي بيشهي صحة وهنااااااا يا رب
روووووووووعة والله مع اني مابحب السمك ولا بطيقه
بس شهتيني عليه انتي
يا عيني عليك يا خطيييرررر 😍تسلم الايادي الحلوة يا حلوة 😘😘😘
قال خطير قال وهي بتخاف من راس السمكه هههههههههههههههههههه 😂😂
انا الحمدلله معي تحسس من السمك 🤢🤢🤢 اذا باكل سمك بمرض الله وكيلك 🤢
واااو شيء فاخر عالآخر ربي يسلمهم هالديااااات يا احلى نوااااره عن جد منظره بشهي وبفتح النفس قريبه من طريقتي 👌😋🥰💞💞
اللهم بارك .. ربي يعطيك الصحة والعافية غاليتي 💖
رووووعخ
روووعه ما شاء الله
يسلم اديكي نور النوارة الله يبارك فيكي يا حب 💖💖💖💖💖
يا حياتي ما اغلاكن😍😍
شو فرحت بتعليقاتكن الرائعة
ربي مايحرمني منكن ولا من دعمكن ومحبتكن يا احلى وردات😀
لين ياعسل اشتئتلك كتير انا
فعلاً هي طريقة بتشبع الطريقة الخليجية أعتقد مو هههههه
وردة الجبل يسعد قلبك شو ضحكتيني ههههه
سمعي زوجي نفس كلام زوجك تمام وبحب السمك الطازة وبراسها كمان
بس بعدني لهلأ عم قاوم موضوع الراس😂😂 مابعرف لايمت رح ضل ماطل معو هههههه
ياعمري تسنيم ماتزعلي خلص انا باكل عنك😁😁
اه والله بينئطع قلبي من هالشغلات
احيانا بتنزل وصفات للمنسف بتضهي بي قلبي بيوجعني بس شوف الراس😂😂
عطر ياقلبي زوجي راح هلا يجبلي خبز الشاورما لصورلك ياه ههههههه
اعذريني عالتأخير يا اميرة😘
صحة وعافية حبيبتي يسلم ايديكي 👌👌
مع اني ما بحب السمك بس مبين كتير طيب 👏😘
ابدااعاتك كلها رائعة وزاكية 😄😄😘
انا بخاف منو 😣
انتي الرائعة رولا ياعسل💖