img
الرئيسة / حلويات / طريقه عمل العوامه عالأصول

طريقه عمل العوامه عالأصول

/
/
/
1289 مشاهدات

 

طريقه عمل العوامه عالأصول

😋عوامة عالأصول😋

طريقه عمل العوامه عالأصول

طريقه عمل العوامه عالأصول , معكم صديقة زاكي الشيف الموهوبة ,

المقادير

  • كاستين طحين
  • نص كاسة نشا
  • معلقة كبيرة سكر
  • معلقة كبيرة خميرة
  • رشة ملح
  • ربع كاسة زيت
  • كاسة وتلات ارباع مي دافية

الخطوات

منحط الطحين والنشا والسكر والخميرة والملح منخلطن منيح ومنحط الزيت ومنخلط ليتجانسو ومنضيف مي حسب نوع الطحين بيجوز تحتاج اقل او اكتر منتركا ساعة تختمر لازم ماتكون سكية كتير ولامريقة كتير منجهز زيت حامي ومنبلش نشكلا منحط صحن فيو زيت ومنبلش تشكيل منلت المعلقة بالزيت ومنشكل ومنقليا نص قلية وبس نخلص كل المقدار منرجع منقليا مرة تانية للقرشة ومنطالعا فورن عالقطر دقيقة وع الصحن

جربت كتير وصفات بس هي انجح وافضل طريقة عندي وانشالله انتو رح تعجبكن

والف صحة وعوافية حبيباتي

40 تعليقاً

    • روحي جربي هالطريقة رح تعجبك انشالله وبس قليتيا مرة تانية عيفيا تنزل الزيت ع محارم مطبخ بعدين حطيا بالقطر والف صحة حبيبتي😗😗

  1. لولو

    يممممي شوهاد هبوش تسلم ايديكي يارب
    هي تبعت انبارح 😂😂😂
    بعرف ان هي ضيافة لالنا بس يبقى قليلنا تفضلو باول الوصفة منخجل نحن😄 😂😂😂😂😂

  2. أميرة باخلاقي روحي وانا كنت متلك بس لازم بعد ماتقليا اول مرة تتركيا تبرد وبعدين ارجعي اقليا وبعدين تحطيا بالقطر انشالله هالطريقة تعجبك وازا جربتيا وعجبتك خبريني والف صحة وهنا😗😗😗

  3. يالله نبكر بالطلعه ع تركيا خلينا نوصل بكير 🏃🏃🏃🏃🏃😂😂😂😂😂😂😂

    تسلم ايدك يا قمر 😍😍

    اميرة باخلاقي .. ياقلبي احتمال كبير يكون القطر عندك مش ثقيل عشان هيك بتصير طريه وزي العجينه ….العوامة متل القطايف بدها قطر ثقيل وبارد اذا هي سخنه والا رح تصير طريه وتعجن 😘😘😘

  4. يسلمو كتير ع الوصفة كتير ناجحة طلعت معي اليوم جربتها ماشاء الله طلع منها كمية كبيرة بس شرب الزيت كتير بلبداية بعدين نزل منو ع المحارم ياريت اعرف ليش شرب كتير زيت؟؟أرجو الرد

اترك تعليقاً

لن يتم نشر عنوان بريدك الإلكتروني.

Translate »