img
الرئيسة / أطباق رئيسية / السمك بطريقتي ولا ألذ 2 مع طريقة عمل الطرطور

السمك بطريقتي ولا ألذ 2 مع طريقة عمل الطرطور

/
/
/
1439 مشاهدات

 

السمك بطريقتي ولا ألذ 2 مع طريقة عمل الطرطور

السمك بطريقتي ولا ألذ ♡2♡

السمك بطريقتي ولا ألذ 2 مع طريقة عمل الطرطور

السمك بطريقتي ولا ألذ 2 مع طريقة عمل الطرطور , معكم صديقة زاكي الشيف الموهوبة , لساتنا بالبحر حالياً عم نصيد سمك لنطبخ بقى شمرولي عن ايديكن وحولو عالمطبخ ومتل ما اتفقنا بدون روس هههههه وعفكرة هالوصفة نوعاً ما صحية أكتر شوي من السمك المقلي المعتاد
أول شي لأنو مارح نغطها بالطحين والبيض فرح نقلل من المكونات وتاني شي مارح نقلي بزيت غزير ورح تشوفو هلأ كيف ويلا نبلش بالمقادير ♡

المقادير

  • بتتذكرو تتبيلة الوصفة الماضية تبع البهارات وبرش الليمون والذي منو نفسا ماغيرها رح ناخد السمك بعد ما يتبل ونقطعو بشكل أصابع طولية
  • بكصمات
  • كمية من زيت القلي عحسب كمية السمك بس لازم توصل لربع ارتفاع قطعة السمك مابدنا نغمر السمك بالزيت ها
  • لصوص الطراطور منحتاج:
  • طحينة
  • عصير الليمون
  • بقدونس مفروم ناعم
  • رشة ملح وفلفل أسود
  • شوية ماء للتخفيف

الخطوات

☆بسم الله الرحمن الرحيم☆

اول شي منتبل السمك ومنتركو ببهاراتو لياخد النكهة منيح او حسب الوقت المتوفر الكم وفيكم تشتغلو فيه فورا

(ماتنسو تقطعوه أصابع طولية)

هلأ مناخد الأصابع ومنلحشهم بالبكصمات ومنلعبهم شوي ومندغدغهم من هون ومن هون ليتغلفو منيح بالبكصمات ههههه

منحمي الزيت ليسخن منيح ومنتحول لشريرات ومنحط السمكات يسبحو بالزيت بعد ماكانو يسبحو بالمي

“انا لله وانا اليه راجعون”

انتبهو مابدنا نغمر السمك بالزيت لحتى ما يتشرب كتير دي أوامر الريجيم ياجماعة هههههه

بس يستوي ويصير لونو دهبي منشلو ومنحطو على ورق المطبخ ليصفي الزيت الزايد

هلأ منجي لصوص الطراطور

منخلط الطحينة وعصير الليمون مع بعض منيح ورح نلاحظ انهم جمدو زيادة فمنضيف البقدونس والملح والفلفل وشوية مي بالتدريج ومنحرك لنحس القوام صار مناسب هية طبعاً لا لازم تكون جامدة زيادة ولا سائلة

“خير الأمور أوسطها”

كيفني معكن وانا احكي حكم هههههه

فيكم تقدمو السمك مع الطراطور ورز ابيض متل الوصفة الماضية او الطراطور والخبز والحالتين أطيب من بعض هههه

اذا حبيتوها جربوها ودعولي بالبركة يا ورداتي

وبحبكم انا♡

45 تعليقاً

  1. لايعلى ع السمك
    دي تحفه فنيه يابت
    طالع معاك السمك اكتر من روعه
    ..
    بتعرفي لو تجربي سن تومه صغيرة تبشريها ع الطحينيه مع نتوفة فلفل حار اخضر
    مابتتخيلي زكاوتها كيف
    كتير بشهو سمكاتك ياشريرة👿👿👿👿

  2. يسلم دياتك روحي بس ليش صايرة شريرة والله مابعرفك هيك ياحرام هااسمكات علقة والله علقن باديكي😂😂😂انا لله وانا إليه راجعون🤣🤣

  3. يسلمووو ديااتك ..شي بشهي ومنظره رائع ..يعطيكي العافيه 👍👍👍

    والله خطرت ببالي امي جنتي زماان ما بينت اللهم اجعل غيابها خير
    وسماء اليمن كمان زمان ما بينت

  4. لولو

    شوهاد نور 😢انا بعشق السمك
    وانا صايمة اليوم 😡
    بدك تبعتيلي صحن والا بقليكي انتي وباكلك 😂😂😂😂
    تسلم ايدك حبيبتي وان شاءالله عوافي وهنا 😙

  5. افراح اليمني شكرا حبيبتي منورتيني😀
    🌿🌿🌿 الله يسعدك ان شاء الله بجرب متل ماقلتيلي وشكلها فعلا لذيذ😄
    هدهد يبعتلك الهنا شو ضحكت على تعليئك
    مابعرف وين كان عقلي لما كتبت اسمو طرطور😂😂
    عفكرة وانا بحبو مع الخبز اكتر بس الرز المنظر😁😂
    ام دينا وايديكي😄😘
    ام كرم يسعدلي قلبك انتي وحكياتك الحلوين😍 السمكات وكل الصحن عحسابك بس حولي😄
    هههههههههه هبة شو بدنا نعمل بدنا ناكل😁 هي لو بقطع راسهم شو كنتي حكيتي😅

  6. حبيبة قلبي ام جاسم انا من بعدك
    وفرحانة كتير انك حبيتي هالوصفة واللي قبلها وهاد شرف الي من شيف رائعة ومتألقة متلك اللهم بارك😄😘
    ام ياسر وميو الله يسعدك ياقلبي كلك زوء وتعليقاتك دايما لطيفة وبتسعديني بدعواتك😀
    دينا دندونة جربي انتي بس هالوصفة ومش هتقدر تغمض عينيك😁
    ام مصطفى يا اميرة الله لا يحرمني منك يا عمري
    يما شو بحبك انا😄
    هدهد شو هجمو على بيت نور بدك تدهوريني شي يا اختي السمك عنا غالي😂😂
    لا طبعا عم امزح ياريت تنوروني والله😍
    رشا ام احمد الله يسعدك حبيبتي بعض ماعندكم😀😘
    دودو حبيبتي الله يعافيكي ياعسل😄
    نائلة ممنونتك يا امورة خجلتيني😍
    تسووووووم المبدعة انتي بتعذبيني بوصفاتك لهيك تعذبي شوي ودوقي من نفس الكاس 😂😁
    اميرة بأخلاقي عئلبك حبيبتي😄
    ام محمد الله يسعدك حبيبتي من بعدك انا😀
    سبحان الله كأنك ئاعدة بئلبي
    فائدة للتنتين كتير بس مشغول بالي على امي جنتي لأنها كانت مريضة😔

  7. لبنى عيونك الحلوة😄
    اميرة فلسطينية الله يسعدك حبيبتي كلك زوء😘
    دينا بدك ياني صيد سمك وشوفا هية وعم تلفظ انفاسا الأخيرة😢
    انا زوجي مرة راح صاد حسيتو شرير وقت رجع وكل شوي قلو كيف طاوعك ئلبك😂
    لولو كل ماكنتي صايمة خبريني لنزلك وصفة جديدة ياعمري بتستاهلي احلى فطور😁
    تقبل الله😘
    نونو انتي اللي مزوئة كالعادة بتعليقاتك الحلوة متلك😄
    ام يزيد نورتيني بتعليقك حبيبتي😘
    ام حسن العسولة الله يعافيكي ويخليلي ياكي ما احلى كلماتك😍
    سارة ياعمري انتي وروحك وكلماتك ووصفاتك الجميلة ياقلبي
    من بعد ابداعاتك انا😄
    امينة مو اروع منك يا فنانة😘
    ام علاااااااء حبيبة الكل يسعدلي روحك يا حنونة لك انا لو طولك لاحبسك عندي واعملك اكلات طيبة كل يوم هههههههه😁😙
    الله يسلمك حبيبتي ألما😘

  8. روعة روعة روعة الله يباركلك ويقويكي ومن هالوصفات الحلوة بتضلك تتحفينا حبيبتي

    الطراطور اسم غريب عليي شوي بس هي نفسها ينسميها بقدونسية طحينة وليمون وملح وبقدونس زاكية كتير مع كل أنواع السمك هي والسلطة بالطحينة
    👍👌👏

  9. يقطع شرك يا نور والله فكرت السمكات رجعوا عاشوا بين ايديكي وانتي بتحكي ان لله و انا اليه راجعون
    يسلموا ايديكي وصحة وعافية

  10. بسم الله ما شاء الله المنظر لحاله حكااااااية
    ان شاء الله وبدون ما أجربها حعتمدها لوصفتك لأنو منظرها بيحكي انااااا زاااااااااااااااااكية
    ههههههههههه
    يسلم دياتك حبيبة قلبي نور النوارة

  11. ياويلي يانور منظرها بشهييييي يسلملي المعدل انا ماشاءالله عنك وعن وصفاتك ياعسل اتنيناتكم احلى من بعض😉😘💞💞💞

    اشتقنالك مو خلص بكفي..🙍‍♀️🤐😉

  12. حبيباتي الغاليات ربي مايحرمني منكم واعذروني كتير عالتأخير بالرد بس ظروف أخرتني عنكم
    الله يسعدكم على تعليقاتكم اللي بتجنن
    حبيبتي ام علاء ماما بحير الحمد لله وبتدعي بسلامتكم وهية زايرة عندي❤
    ربي يحفظلك امك وامهات الصبايا كلهم
    لين حياتي مابتروحي من بالي
    عم استنى اول فرصة تصحلي لحاكيكي اكيد 😔

اترك تعليقاً

لن يتم نشر عنوان بريدك الإلكتروني.

Translate »