img
الرئيسة / حلويات / طريقة ليزي كيك بس للصراحة مش ليزي أبداً

طريقة ليزي كيك بس للصراحة مش ليزي أبداً

/
/
/
1881 مشاهدات

 

طريقة ليزي كيك بس للصراحة مش ليزي أبداً

طريقة ليزي كيك بس للصراحة مش ليزي أبداً

طريقة ليزي كيك بس للصراحة مش ليزي أبداً

طريقة ليزي كيك بس للصراحة مش ليزي أبداً, معكم صديقة زاكي الشيف الموهوبة ,

المقادير

  • ظرفين كريم كراميل
  • 2 باكيت بسكويت ابيض
  • 2 باكيت بسكويت بني
  • فتات كيك
  • نصف باكيت بسكويت اضافي
  • للتزيين:
  • كريمة
  • مكسرات

الخطوات

ليزي كيك

السلام عليكم ورحمة الله وبركاته

وصفة اليوم شهيرة جداً وطبعا اسمها ليزي بالانجليزي يعني كسول لإنها تك تك تك بتكون خلصت صوص شوكولا وبسكويت مكسر وخلصت ، بس اليوم حبيت اعملها بطريقة جديدة وحلوة ومش ليزي ابداً ، حتى ابني بحكيلي ليش ياماما بتحكيلها lazy كيك لازم اسمعها active كيك ههههه

أولاً/ صوص الشوكولا

عملته بطريقة سهلة ومضمونة وهيه عبارة عن ظرفين كريم كراميل عملتهم بطريقة المصنع المكتوبة عالعلبة وبس نزلتهم عن النار ضفت شوكولا حبيبات او كاكاو انا ضفت الثنين وبنخفقهم كويس وبنضيف عليه فتات كيك شوكولا او بسكويت مكسر او الثنين وبنطحنه كويس لحتى يختفي كل الكيك والبسكويت ويصير خليط ناعم .

ملاحظة/

صوص الشوكولا القابل للدهن زي بديل نوتيلا ما بينفع

لهالوصفة لانه لازم يكون مادة مكثّفة للقوام مثل الكاسترد او الكريم كراميل عشان تضل ماسكه بحرارة الغرفة.

ثانياً/ صف البسكويت

بنجهز قالب تشيز كيك اذا متوفر لانه سهل الاستخدام او صينية عادية وبنغلفها بنايلون تغليف من الداخل ضروري

وبنبلش نصف البسكويت ( ابيض وبني) بنغمس البسكويته من الداخل فقط بالصوص وبنوقفها على حواف الصينية بس بالتناوب بسكويته بيضا بسكويته بني

*موضح بالصور

—بنصف كامل الصينية تماماً ورح يكون في فراغات بسيطة بنصب فيها من صوص الشوكولا الزائد وبنغلفها وبندخلها الثلاجة ليلة كاملة.

ثالثاً/ التزيين

بنخفق ظرف كريما عادية حسب طريقة الاستخدام اللي عالعلبة .

—بنقلب صينية الليزي على صحن وطبعا رح تنزل بسهولة بسبب النايلون.

—بنغلفها بالكريمة وبنزينها من الاطراف بشوية صوص من الزائد( طبعا هوه ثاني يوم بكون جامد بتضربيه بالخفاقة بصير سائل وكثيف) ورشة فستق حلبي بكل بساطة.

رابعاً/التقديم

رح تطلع كيكة بتبيض الوجه وبتشرفك قدام ضيوفك واهل بيتك كمان

—بنصحك تقطعيها قدام ضيوفك لإنها كثيييير حلوة من الداخل ومفاجئة للموجودين عالتقطيع.

—وتهنوا فيها كثير طيبة وشيك وصحة وهنا

55 تعليقاً

  1. ما شاء الله ولا حول ولا قوه الا بالله شووووو هالجمال والروعه أللهم بارك أللهم بارك
    أللهم بارك ❤🌹
    يعطيكي العافيه حبيبتي وربي يسلم ديادك ويبارك فيهم ويحفظك من كل شر ويحميكي لعيلتك يااااارب🌹😙

  2. عن جد شكلها تحفه تبارك الله وسهله وبسيطه وبتفتح النفس شيء فاخر من الآخر كما عوادتينا يا ام جاسم شيف بكل معنى الكلمه👌😘🌹

  3. اللهم بارك .. جميلة جدا وتحفة .. سلمت يداك

    من كم يوم شفت طريقتها في قناة وحدة تركية عاليوتيوب .. وفعلا بدها وقت وطولة بال بالشغل .. بس النتيجة مذهلة

    يعطيك العافية غاليتي🌹

    • صح انا تعلمتها من شف تركية واذهلني منظرها وسهولتها بس انا غيرت الصوص مختلف كليا اخدت منها التقنية عشان الشكل يطلع جديد وحلو.
      اسعدني مرورك وسعيدة اكثر بتعليقاتك اللي بتحفزني اكثر واكثر.

    • أكيد لمساتك وإتقانك الخاص واضح بكل وصفاتك يا غالية .. وهاد اللي بخلي فيهم جمالية مختلفة .. اللهم بارك🌹

      كنت بقصد الفكرة بشكل عام.. فعلا.. مو ليزي أبدا 😁

    • وبالنسبة للدعم .. انت كنز ثمين لزاكي .. وبتمنى من العاملين عليه يقدمولك دعم حقيقي على جهودك
      ربي يبارك فيك ويجزيك عنا خير الجزاء🌹

  4. يعطيكي الف عافية ،،،والله أنا بضم رأيي ع رأي ابنك ابدا مو ليزي هههه فكرة كتير حلو اول مرة بشوف ليزي بهاي الطريقه انا بعرف لليزي طريقه تانيه بس طريقتك عنجد سهله يسلم ايديكي ويخليلك ابنك

  5. ربي يبارك فيكم ويسعدكم زي ما دائما بتسعدوني وبتشجعوني .
    وبتمنى الكل يجربها سهلة جدا بس نتيجتها روعة.

    بالنسبة لصوص الشوكولا مزجود بالوصفة طريقته .
    وبصير طبعا تكتفي بالبسكويت المكسر وتستغني عن فتات الكيك ، انا كاتبه كل التفاصيل بالوصفة .

  6. ما شاء الله تبارك الرحمن ابدااع وتألق بلا حدود 😘❤
    يسلمو اديكي حبيبتي ام جاسم شغلك رووعه واناملك ذهبيه الهم لمساتهم الخاصه الله يباركلك ويحميكي ويحفظلك اولادك يا رب والف صحه وهناا 😘❤

  7. معدله وبتشهييي ماشاء الله تبارك الرحمن ماشاء الله بجننن شغلكك وكلوو سهل مكونات موجودة بلبيت الله يجزيكي الخير يا ا احلى شيف ام جاسم

  8. ام جاسم ممكن لكم سؤال
    شو نوع الكريما وكيفةاعملتيها
    سؤال تاني ايش اسم نوع البسكوت الي مستخدميته لانو ما عمري شفت بسكوت على كاكاو
    وسؤال ثالث نوع شوكولاته الي اعملتية مع الكريم كراميل ممكن نحط بسكوت بس بدون كيك مفتفت ممكن نزين بهاي شوكولاته الطرطات

  9. اسعدتوني بمروركم جزاكم الله كل خير

    أميرة
    الكريما اللي استخدمتها كريما دريم ويب العادية بودرة ظرف بتخفقيه بكاسة شاي حليب بااارد جدا لحتى يتماسك .

    البسكويت البني موجود بكثرة مثله مثل الابيض في اولكر وفي بيتي بير وفي كثير انواع انتي بس ما سألتي عنه يمكن بس إذا سألتي رح تلاقيه متوفر.

  10. بالنسبة لصوص الشوكولا ممكن تستغني عن فتات الكيك انا ضفته هوه والبسكويت عشان يعطي غنى للطعم ولا لو بدك بصير بدون الثنين وتكتفي بالكريم كراميل مع كاكاو.

    هلا إذا بصير يكون لتزيين الكيكات مابنصحك لانه في صوصات أزكى وبتعطي نتيجة افضل عالكيكات واسهل مابدها طبخ وخفق مثل بديل نوتيلا اللي نزلته على زاكي ممتااااااز جدا جدا لتغطية الكيكات وتزيينها وتتيجته رائعه وبتتحكمي بقوامه بدك ياه سائل بصير بدكياه شادد زي الشوكولا للكتابه بصير.

  11. عاشت ايدك يا شيفتنا الراىعة حبيت أسألك ممكن استخدم بديل النوتيلا للصوص. بديل نوتيلا الي انتي منزلتيها بملفك موجود. سوال آخر هل بديل نوتيلا يصلح لدهن الخبز للصغار ويصلح نشيلو بلبراد لشهر يمكن يضل صلاحيته للإستخدام ارجو تردي ع اسىلتي؟ ؟

  12. الله يسلمكم ام احمد وام جنى كلكم ذوق

    ام جنى لا بديل نوتيلا ما بزبط وانا كاتبه بالوصفة انه مابزبط لانه مافي مواد مكثفه للقوام يعني لازم يا اما كريم كراميل او كاسترد عشان تكون ماسكه هيكل البسكويت بحرارة الغرفة.

  13. وبديل نوتيلا طبعا روعة لساندويشات الاطفال نفس استخدامات النوتيلا بالضبط.

    مدة صلاحيته اسبوع بالثلاجه وممكن اكثر بدك تراقبيه ما يتغير طعمه او ريحته لانه في حليب سائل وهوه طبعا قابل للفساد بمدة قصيرة.

  14. ام جااااااااااسم والله انك فنانة ومزوقة والله يهني اهل بيتك فيكي يامتألقة الله يعطيكي الف عافية ويقويكي يارب ماشاءالله بتجنن😚😚😚👏👏👏👏👏

اترك تعليقاً

لن يتم نشر عنوان بريدك الإلكتروني.

Translate »