img
الرئيسة / حلويات / كيكة سبونج بوب بالخطوات لعيد ميلاد الاطفال روعه

كيكة سبونج بوب بالخطوات لعيد ميلاد الاطفال روعه

/
/
/
1843 مشاهدات

 

كيكة سبونج بوب بالخطوات لعيد ميلاد الاطفال روعه

كيكة سبونج بوب لعيد ميلاد الاطفاال رووعه

كيكة سبونج بوب بالخطوات لعيد ميلاد الاطفال روعه

كيكة سبونج بوب بالخطوات لعيد ميلاد الاطفال روعه , معكم صديقة زاكي الشيف الموهوبة ,

المقادير

  • كيك فانيلا
  • عجينة السكر
  • ظرفين كريما
  • كوب صغير حليب بارد للكريما
  • ألوان غذائيه

الخطوات

يسعد مسااكم ..اليوم راح اقدملكم تطبيق عجينة السكر عالكيكة سبونج بوب وبصرااااحه رووعه والشغل بعجينة السكر حلو وممتع والاطفال بفرحوو فيها كتير ..

قدمتها بعيد ميلاد أبني وفرح فيها كتير

بتمنى تعجبكم ..

& بحب اتقدم بالشكر الجزيل والتقدير للشيف الرائعه أم جاسم لمساعدتها الي بعمل هالكيكه الرائعه ..بصراااحه شو ما أحكي ما بوفيها حقها شيف راائعه ..ومتقنه لشغلها ..بتشكرك من كل قلبي عالوقفتك معي ومساعدتك ألي وربي ما يحرمني منك ويجزيكي كل الخير

& اول شي جهزت الكيكه من قبل بيوم عشان لما اشتغل فيها تكون بارده تماما ..

وعجينة السكر جهزتها قبل بيوم عشان اشتغل فيها تاني يوم وتكون جاهزه ..

عجينة السكر يلي هي من المارشيملو ..

& عملت قالبين كيك وعملتهم بصينيه مستطيله عالقياس 30 ..وتاني يوم شلت اطراف الكيك ..وشلت الكيك الزايد من فوق وخليتها تكون مستقيمه ووضعتهم فوق بعض ووضعت بيناتهم كريما خفقتها بحليب بارد وبعد هيك غطيتها كامله بالكريما عشان تمسك عليها عجينة السكر ..بدخلها الثلاجه شوي لحتى تمسك عليها الكريما …

& بلون عجينة السكر حسب الوان سبونج بوب اسود ..ازرق ..احمر ..اصفر ..بني ..وبخلي منها ابيض ..وتلوين العجينه حسب حجمها بالاستخدام مثلا الاصفر كمية العجينه اكتر من البني ..

والازرق شوي ما نكتر من العجينه لانه استخدامه بس للعيون ..

وهيك عالكل العجينه بلونها حسب استخدامها …وطبعا بده يكون عندك صوره للشكل عشان تعرفي تشتغلي وتلوني العجينه وتطبقيها وتسهل عليكي الشغل

& بنطلع الكيكه من الثلاجه وبنمد عجينة السكر وببلش اطبق واضعها عالكيكه خطوه خطوه لحتى اخلص الشكل بالكامل

وقدميها لاطفالك ..بتمنى تعجبكم ..

دمتم بكل الخير

46 تعليقاً

  1. صحه والف هنا رائعه انتي وشيف ام جاسم الله يخليكن لا بعض يارب ما يحرمكن من بعض تتهنوو العمر كلو لا أميرك صغير

  2. ام جاسم ياغاليه
    ام محمد ياغاليه
    انتو ستات مقدرات رائعات
    متميزات
    ليش بتحتفلوا ببدع وبتعلمونا نحتفل متلكم ونعمل كيكات
    مش هاد اثم رح يكون بصحيفتكن
    شو راي الدين ياريحانه
    لما نتعلم طرق كيك لعيد الميلاد
    اختكم في الله
    والله اني بحبكم في الله عشان هيك خايفه عليكو

  3. معلش مداخله مني بسيطه،،،
    كثير سمعنا انه اعياد الميلاد حرام ،،،وبعض المشايخ مثل محمد القضاه حكى انه تفريحه للطفل ومافيها بدعه
    وحتى يوم الام. مش عيد بس هو جبرة خاطر وتفريحه
    وانا عن نفسي. بتمنى اعرف الجواب الصحيح

  4. اهلا وسهلا فيكي ام عبد الرحمن ..
    واكيد بهمني رأيك ..وبتشكرك عالمرورك

    بالنسبه لأعياد الميلاد هي مجرد فرحه للأولاد عادي قدميها لاطفالك هالكيكه او اي كيكه بدون عيد ميلاد بكفي فرحتهم ..
    وانا لما عملتها لابني بس لمجرد فرحته فيها وما عملت حفله كبيره وعزمت عليها الناس …
    هي اشي صغير جدا اقدمه لابني وافرحه فيها
    ممكن اني اعمل اي كيكه وافرح اهل بيتي فيها بس انها بطرق جديده وتقديم جديد وهي مجرد افكار للي بحب يجربها ..
    واحنا بزااكي بنسعى للتنوع والتجديد بالوصفات

    وفي كتير من الاخوات بحب يشوف طرق جديده للكيك لانه عاالم وااسع واحنا بنسعى انه انقدم الافضل

    اسعدني مرورك

  5. الله يجزيكي الخير ام عبد الرحمن على لفت النظر
    وبصراحة انا من زمان عندي تحفظ على موضوع تحريم اعياد الميلاد وعيد الام وما الى ذلك ، وما حكيت فيها من قبل بس بما انك تطرقتي للموضوع انا مع رأي العلماء اللي حكوا بجواز الاحتفال بأعياد الميلاد وحتى تسميتها (عيد) كمان لان كلمة عيد من العود كل عام فهوه عيد لانه بعود علينا كل عام .
    والعيد في الشريعة الاسلامية ما حرُم صيامه ووجبت فيه ركعتان ، وعيد الميلاد عيد اجتماعي لا حرم صيامه ولا وجبت فيه ركعتان وهذا رأي علماء في الشريعة وتحديدا أفتى فيها الدكتور محمد نوح القضاة وان شاء الله مايكون في اثم ولا وزر علينا.

    واحنا هون في منصة لتعليم الطبخ بشكل عام وكل ست بتتعلم كيكة وبتقدمها بأي شكل بدها ياه وبأي مناسبة ، بالعكس مرات الاحتفال هاد بكون بقرب المسافات بين الناس وبتزيد المودة والألفة .

    هلا بدي أسألك سؤال لو عندك محل بيع ملابس وفي ملابس مكشوفة وغير محتشمة وبعتي منها هل عليكي وزر يلي رح تلبسها وتكشف جسدها؟! بالتأكيد لا فعشان هيك احنا بنعلم كيفية صنع الكيكات وتزيينها وكل ست هيه واستعمالها.

    • غاليتي .. القاعدة الشرعية في هذا :
      أن كل قول أو فعل يقصد فيه الزمن، ويتكرران بعودة ذلك الزمن فهو عيد محدث في الشريعة؛ وإن غيَّر الناس تسميته، ويزداد الوصف تأكيداً إذا ظهرت فيه أعمال أخرى؛ كالاجتماع لأجله، والتهاني، أو الألعاب، أو المآكل والمشارب.

    • فعن أنس بن مالك رضي الله عنه قال :
      قَدِم رسول الله المدينة ولهم يومان يلعبون فيهما.
      فقال صلى الله عليه وسلم: «مَا هَذَانِ اليَوْمَانِ؟» .
      قالوا: كنا نلعب فيهما فِي الجاهلية .
      فقال رسول الله صلى الله عليه وسلم: «إِنَّ اللَّهَ تَعَالَى قَدْ أَبْدَلَكُمْ يَوْمَيْنِ خَيْرًا مِنْهُمَا: يَوْمَ الْأَضْحَى وَيَوْمَ الْفِطْرِ» .

      وقوله: «أَبْدلَكُم» دليل على إبطال كل عيد ، وإلا لزادهم من أعياد الإسلام دون إِبطال الأعياد الحالية.
      وقوله: «عِيدُنَا أَهْلَ الإِسْلامِ» دليل على أن ما سواها أعيادُ غير أهل الإسلام.

      ثم أنه لم يظهر في ديار الإسلام بعد إيقاف الرسول صلى الله عليه وسلم الأعياد السابقة، وإبدالها بأعياد الإسلام أي عيد طيلة القرون الثلاثة المفضلة تعبّديّة كانت أو عادية.

  6. تسلم يدكم روعه الكيكه وانا رايي من رايك ام جاسم بالنسبه لاعياد الميلاد وما الا ذلك وبالمناسبه كمان عيد ميلاد كرومتي اليوم صار ٣ ثنين عرأيو هههههه فرحتو بالكيكه بتسوا الدنيا ويغني هابي بيرث داي هههه بس ولا حرف صح طبعا بس فرحتو بتجنن

    وكل عام وامير بخير

  7. اللهم بارك .. يعطيك العافية أم محمد 💝

    لكن يا غالية ممكن نحتفل بأطفالنا ونفرح فيهم في غير هذه المناسبة البدعية .. لأن أي يوم من أيام العام إذا اعتدنا على تذكره بالفرح والهدية والمأكل والمشرب من غير العيدين (الفطر والأضحى) فهو بدعة منكرة وجاء النهي عنها .. وأي يوم من أيام الأسبوع كذلك (ما عدا الجمعة) ..
    وهذا غير عن أنها فيها تشبه بغير المسلمين وقد جاء أيضا فيها المنع والنهي والتحذير في النصوص الصريحة الصحيحة ..

    فممكن نحتفل بأولادنا من غير مخالفات شرعية ونجمعهم ونجمع أصدقائهم ونفرحهم بنجاحهم مثلا أو تغيير جو بنية إطعام الطعام وجمع الأحباب .. وهكذا ..
    ونعلمهم يفرحو ويحتفلو بالعيدين الشرعيين ونسيهم هالأعياد البدعية .. ونسأل الله لنا ولكم التوفيق والسداد

    وأما الكيكة فواضح فيها ذوقك وإبداعك عزيزتي .. تسلم إيدك وجزاك الله خيرا 🌹

  8. ياااا سلام… كيكه شي ناهي
    ليه ما عزمتيني كان شاركت بعملية التذوق.. ربي يحفظلك أمير… وتشوفيه بأعلى المراتب
    وااالف صحه وهنا
    ويعطيكي العافيه الك ولام جاسم💙

  9. ما شاء الله تبارك الرحمن منظرها بياخد العقل تسلم ايديكي ام محمد والي بفرح اكتر انك وام جاسم سلفات نيااال حماتكم فيكم كنياين بنرفع فيهم الرأس معدلاااات ومتالقات ما شاء الله الله يباركلكم ويزيدكم من فضله

  10. اول شي انا شفت الوصفة وحبيتها كتيييير لانو فعلا مشهية ونزلت قرأت تعليقاتكم كلها
    ام عبود الله يجزيكي كل خير على اهتمامك بتذكيرنا ويجعلها بميزان حسناتك ياغالية❤
    انا من الناس اللي داخليا بتحب تحتفل بهيك مناسبات لكن سبحان الله اذا حسيت بتحريم صريح اكيد عم خاف ومابيبقى اي خيار الا السمع والطاعة
    الله يلهمنا الصواب دائماً

    تاني شي ام محمد يعطيكي الف عافية انتي وسلفتك😍
    مبدعات بشكل كبير والكيكة ولا اروع اللهم بارك
    عنجد نيال عيلتك وعيلتها فيكم متألقات وستات بيوت من الدرجة الأولى
    تسلم ايديكم حبيباتي وان شاء الله بتفرحي بأمير والله يقر عينك فيه😄

  11. ياعيني يالليل ربي يحفظكم ويقويكن ويلبسكم توب الصحة والعافية وانشالله بتشوفي امير باعلا الراتب يارب الله يجزيكي الخير ريحانة عالمعلومة انا من الناس الي بتحب تحتفل بس وقت بعرف انو محرمة بحب اعملا بيني وبين جوزي وولادي بس كرمال الولاد بتعرفي اصغر شي بيخلين يفرحو والله يجزيكي عنا كل خير💋💋

اترك تعليقاً

لن يتم نشر عنوان بريدك الإلكتروني.