img
الرئيسة / سلطات و مقبلات / بودرة مرقة الدجاج الفورية بديل الماجي الطبيعي

بودرة مرقة الدجاج الفورية بديل الماجي الطبيعي

/
/
/
3344 مشاهدات

 

بودرة مرقة الدجاج الفورية بديل الماجي الطبيعي

بودرة مرقة الدجاج الفورية

بودرة مرقة الدجاج الفورية بديل الماجي الطبيعي

بودرة مرقة الدجاج الفورية بديل الماجي الطبيعي , معكم صديقة زاكي الشيف الموهوبة ,

المقادير

  • فخذ دجاج مخلي
  • حزمة كرفس كاملة
  • 4 جزر
  • 2 بصل
  • 5 ورق غار
  • م.ك من كل من:
  • بودرة بصل
  • بودرة ثوم
  • بابريكا
  • بهارات دجاج
  • كاري
  • ملح
  • نشا
  • م.ص من كل من:
  • كركم
  • فلفل اسود
  • كزبرة ناشفة
  • هيل مطحون

الخطوات

بودرة مرقة الدجاج الفورية

السلام عليكم ورحمة الله وبركاته

رح أبدأ معكم ان شاء الله مجموعة من التقنيات في الطبخ أكثر من انها وصفات ، عشان في بعض الأمور اللي بدها انتباه وتقنية معينة بشغلها وان شاء الله تكون خفيفة لطيفة وسهلة وما تنسوني من دعواتكم.

قال رسول الله صل الله عليه وسلم ” لا يشكر الله من لا يشكر الناس” وانا لازم اقدم شكري لأم علاء ابو يحيى لإنها السبب في اني فكرت في هالوصفة ، لإنها كانت في كل وصفة فيها ماجي تطلع وتحذر وتنبه من اضرار الماجي والمواد اللي فيه ، عشان هيك خلتني ابحث على طريقة مرقة الدجاج البودرة لانها اسهل بالاستخدام من المكعبات وهيه اصلا نزلت طريقة مرقة الدجاج المكعبات وبتلاقوها موجودة بملفها جزاها الله خير الجزاء.

أولاً/ مكونات الخلطة

بنفرم كل المكونات مع بعض ماعدا الدجاج ، وبس نفرم شوي يعني تصير مفرومة خشن بنضيف الدجاج وبنكمل فرم لحتى ينعم الخليط مش معجون يصير بس ينفرم ناعم.

ثانياً/الشوي

بنفرد الخلطة بصينية فرن واسعه عشان تطلع طبقة رقيقة عنا وانا بفضل ينحط ورق زبدة تحته لاني ماحطيت ولزّق بالصينية شوي فنقلته لصينية ثانيه فيها ورق زبدة.

—بندخله على فرن محمي عالخفيف على حرارة 150 —160 يعني فرن هاااادي جدا لمدة ساعة كاملة عالرف الوسط .

—بعد الساعة رح تكون ناشفه شوي بنقلبها وبنرجع نفردها ونرجعها عالفرن كمان ساعة تتنشف مع المراقبة.

—بنطلعها من الفرن وبنتركها تبرد تماااما.

ثالثاً/ الطحن والحفظ

بعد ماتبرد الخلطة بنطحنها ناعم وبنضيف ملعقة كبيرة نشا بيحميها من الرطوبة وم.ك كاري هالملعقتين رح ينقلوها لمكان ثاني مختلف كليا.

— وبنحتفظ فيها بمرتبان برا الثلاجة عادي بس بفضل تكون بالثلاجة اضمن.

ملاحظة/

اذا لما طحنتيها حسيتيها رطبة لسا اتركيها مفرودة بصينية لثاني يوم عشان تنشف تماااااما. لإنه لو فيها شوية رطوبة وسكرتي عليها المرتبان رح تعفن.

رابعاً/ النتيجة والطعم

طبعا ماكنت رح انزل هالوصفة هيك بدون تجربة عشان اكون عارفه نتيجتها وجربتها على طبخة مقلوبة اللي ولا عمري عملتها بدون ماجي بس هالمرة استغنيت عنه واستخدمت المرقة البيتية الفورية وللأمانة طعمها راائع جدا وما بتفرقي انه الطبخة مافيها ماجي نفس الطعم الرائع ونكهتها كثير طيبة.

55 تعليقاً

اترك تعليقاً

لن يتم نشر عنوان بريدك الإلكتروني.