img
الرئيسة / حلويات / حلاوة جلي بالسكر زي الجاهز بالضبط

حلاوة جلي بالسكر زي الجاهز بالضبط

/
/
/
4429 مشاهدات

 

حلاوة جلي بالسكر زي الجاهز بالضبط

حلوى الجيلو زي الجاهز بالضبط

حلاوة جلي بالسكر زي الجاهز بالضبط

حلاوة جلي بالسكر زي الجاهز بالضبط , معكم صديقة زاكي الشيف الموهوبة ,

المقادير

  • 2 كوب سكر
  • 1 كوب ماء
  • م.ص عصير ليمون
  • 3 م.ك جيلاتين منقوع بربع كوب ماء
  • نكهات غذائية
  • للتزيين:
  • سكر
  • ملح ليمون

الخطوات

السلام عليكم ورحمة الله وبركاته

رح اقدملكم اليوم وصفة حلو الجيلو يلي كل الصغار بحبوه وبيشتروه باستمرار وبطريقة كثير سهلة وبسيطة.

أولاً/ القطر

بننقع الجيلاتين بربع كوب ماء لحتى نعمل القطر

بنغلي القطر لمدة خمس دقائق وبننزله وهو سخن على الجيلاتين وبنذوبه مزبوط.

ثانياً/ النكهات

بنقسم السائل لعدة صحون حسب شو بدنا نكهات

انا قسمت نكهات الليمون والفراوله ، بنضيف نقاط من النكهه وبنحركها كويس وبنصبها في قوالب ثلج صغيرة تكون سيلكون او اي قوالب بس بغلبوا بالقوالب العادية وبنتركهم يبردوا .

ثالثاً/ التقديم

-بنطلعهم من القوالب على سكر ناعم الحبيبات وبنقدمهم

— لاصابع السوس الطويلة بتصبي خليط بقالب مستطيل وبس يجمد بتقصيه اصابع رفيعه وبتقلبيه بالسكر.

— إذا بدك نكهة حامض حلو بتضيفي للسكر ربع م.ص ملح ليمون مطحون ناعم جدا.

كثير طيب وشكله حلو، وعالأقل احنا يلي مشتغلينه بادينا.

وصحة وهنا

113 تعليقاً

  1. الله يبارك فيكم ويسعدكم يارب

    نور مافهمت على ايش نرد؟
    اسئلتك تحت رديت عليها بالرد عالتعليق مش تعليق عام.

    ام جهاد لا ما بزبط بالجلي العادي الجيلاتين اساسي بالوصفة.

  2. اول شي يسلم اديكي حبيبتي ام جاسم عمل شي بتقدميه لأنك مميزة ووصفاتك مميزة متلك
    اللهم باارك
    تاني شي اشتقتلك كتييييييييييييييير
    تالت شي سامحيني علي تقصيري بالتعليق علي وصفاتك مع أنه كل وصفاتك بالمفضلة بس مابلاقي كلام يوفيكي حقك غير اني ادعيلك بظهر الغيب
    💗💗💗💗💗

  3. صحة وهنا ام معتز المشكلة بالقطر انه حلو على كل الاحوال يعني ممكن تخففي من السكر اللي من برا بلا منه بالمرة وعشان مايلزقوا ببعض ممكن تقلبيهم بالنشا عالخفيف.

  4. يسعد صباحك ام جاسم
    انتي مرة نزلتي عمل قطر تقيل وانا اعملتوا واحتفظت فيه لحد هلاء بصير استخدموا في وصفة هاي
    .. .
    نقطه تانيه ع مااعتقد الحلاوة الي زياده الي طلعت مع ام معتز كان بسبب عصير الموز
    كتير حلو هاد العصير بنحل في ٢ لتر مي مندون سكر بطلع حلو
    فانا رح استخدم مقاديرك ع الزبط ورح ابعت كيف طلعت ان شاء الله

  5. وصباحك ام عبد الرحمن
    ممكن تستخدمي القطر اللي عندك بس قيسي كاستين واغليهم لازم يغلوا عشان يذوبوا الجيلاتين.
    وممكن صح كلامك منطقي انه عصير الموز حلا الجيلو زيادة.

  6. ما شاء الله..رووووعه..انا بنتي بتعشق هاي الاشياء..بضل انظف واحسن شغل البيت..يسلم ايديكي ام جاسم..الله يعطيكي الصحه والعافية ي رب

  7. قمة الابداع والتميز والاتقان
    اللهم بارك اللهم بارك😍
    انا فخورة بوجود ستات متلك ياقلبي بيهتمو بكل شي ممكن يسعد اطفالهم ضمن البيت وبشغل ولا أنضف ماشاء الله عنك😘

  8. ما شاء الله لا قوة الا بالله ..الله يقويكي يا رب و يعطيكي الصحه…خيته لو بدي اغلبك الجيلاتين باي محلات العطاره مثلا و الا وين

  9. ام ايهم اسألي اي عطار بالمدينة اللي انتي منها او بتلاقيه بالهايبر ماركت مثل كارفور اذا قريب عليكي واحد بس بالهايبر بكون عشكل باكيتات جواها ظروف موزونة، وعند العطار بكون حلل عالميزان ببيعك.

اترك تعليقاً

لن يتم نشر عنوان بريدك الإلكتروني.