طريقة مكرونه سهله و طيبة و سريعة

16 3٬943
 

طريقة مكرونه سهله و طيبة و سريعة

اسهل واسرع واطيب معكرونه على طريقتي

طريقة مكرونه سهله و طيبة و سريعة

طريقة مكرونه سهله و طيبة و سريعة , معكم صديقة زاكي الشيف الموهوبة ,

المقادير

  • بكيتين معكرونه اي شكل متوفر
  • ضمة كزبره
  • مغلف ماجي
  • 1/2 كاسة زيت زيتون
  • 4 حبات توم وسط
  • 4 معالق حليب بودره
  • كاستين من المي اللي سلقت فيها المعكرونه

الخطوات

اول شي بعمله بغلي مي لسلق المعكرونه وبس تغلي بضيفلها معلقتين زيت ومعلقة ملح وعلى جنب بفرم الكزبره وببرش التوم وبس تستوي المعكرونه بصفيها وانتبهي لا تكبي ميتها بدي اياها بطنجره عالنار بحمي زيت الزيتون وبقلي التوم وبنزل عليها الكزبره وهلا بدي اضيف الحليب على كاستين من مية سلق المعكرونه بحركهم مع بعض وبنزلهم على الكزبره والتوم ليغلو غلوه بس بضيف مغلف الماجي وبنزل المعكرونه بحركهم مع بعض بوطي الغاز وبتركها خمس دقايق غلى نار هاديه مع التقليب بين فتره والتانيه على نار هاديه طبعا طريقه سهله وسريعه بربع ساعه بتكون جاهزه جربوها وادعو لأمي بالشفاء وانشاءالله تعجبكم ممكن تضيفيلها لحمه او صدر دجاج بس انا للسرعه عملتها هيك بتسلكي فيها يوم بتكوني مشغوله فيه مو قادره تطبخي وممكن تضميها للمقبلات على سفرتك برمضان وصحتين والف هنا على قلوبكم

16 تعليقات
  1. هبة :

    يسلم ايديكي فعلا اكلة لذيذة وسريعة😋😙😙

  2. آية :

    تسلم ايديكي عنجد كتير احيان منكون محتاجين شي سريع وطيب
    والله يشافي والدتك ويحفظها ولايحرمك منها يارب

  3. أم عبدالله الفارس :

    الله يشفي والدتك إن شاء الله و يحفظها و يحفظكم الها إن شاء الله و يحفظلك احبابك من كل شر و عين حاسد و كل سوء بإذن الله

  4. أم عبدالله الفارس :

    تسلم الأيادي إن شاء الله حبيبتي و بألف صحة و هنا عليكم

  5. ام عمرو :

    يسلم دياتك يا روحي باينها طيبة

  6. ام صهيب :

    تسلمولي يا رب على كلامكم الزوء الله لا يحرمني منكم الله يعافي قلبكم يارب 😚😚😚😚😚

  7. ام علاء ابو يحيى :

    تسلم ايدك حبيبتي ما عمري عملتها هيك بس شكلها طيبه

  8. نهلة الزعبي :

    يسلم دياتك

  9. ريحانة🌿 :

    بالهنا يا رب🌼

  10. 🍒أم محمّد🍒 :

    يسلموو دياتك ..وربنا يشافي والدتك وتقوم بالسلامه

  11. ام مجدي :

    الله يشفي والدتك ويعافيها
    ويسلمو دياتك زاكي

  12. نائلة :

    يسلمو الله يشفي امك

  13. ربى :

    زاكي

  14. 💖نور أحمد💖 :

    طريقة جديدة وسهلة تسلم ايديكي حبيبتي والله يعافي امك من كل الم ومكروه ويحفظلكم ياها😘

  15. 💠أم جاسم💠 :

    صحة وهنا ويعطيكي العافيه

  16. ميس :

    يسلموو ايديكي الله يشفيلك الوالدة يا رب

اترك رد

لن يتم نشر عنوان بريدك الإلكتروني.