كيفية عمل كوكيز الشوفان من دون فرن

19 3٬092
 

كيفية عمل كوكيز الشوفان من دون فرن

كوكيز الشوفان من دون فرن

كيفية عمل كوكيز الشوفان من دون فرن

كيفية عمل كوكيز الشوفان من دون فرن , معكم صديقة زاكي الشيف الموهوبة ,

المقادير

  • 3كاسات شوفان
  • 1 كاسة زبيب
  • 1 كاسه جوز هند
  • كراميل حسب الحاجه لما تصير معك عجينه تقدري تشكليها
  • مقادير الكراميل:
  • 1 كاسة سكر
  • 1 كاسة حليب سائل
  • 1 علبة قشطه
  • 2 م ك زبده

الخطوات

بحمص الشوفان اما على صينيه الفرن او عالغاز بس على نار هاديه وبحمص جوز الهند كمان ما بدي يوخدو لون بس لتعزيز نكهتهم بكون مجهزه الكراميل قبل بوقت وبارد طريقة الكراميل بنزل السكر بمقلاي غير لاصقه عالغاز ليصير لونه ذهبي بدك تنتبهي ما يغمق بس يصير ذهبي بضيفله الحليب السائل راح يشد معك بالاول بس مع التحريك بفك وانتبهي لانه بفور ضيفيه بالتدريج وبضيف بعدين الزبده والقشطه وبس يوصل للقوام اللي انا بدي اياه بطفي الغاز هلا بنرجع لوصفتنا بخلط المواد الجافه كلها مع بعض الزبيب وجوز الهند والشوفان وبعد ما يبرد الكراميل بنزله بالتدريج وبخلط لتصير عندي عجينه سهلة التشكيل بشكلها وصحتين وعافيه ملاحظه مهمه وانتي بتعجني فيها ما تعجنيها وتضغطي عالشوفان كتير احنا المهم يتماسك ببعضه يعني ما ترصيه كتير بتقدري تضيفي اي نوع مكسرات بتحبيه كله بلبقلها الوصفه اصلا بالعسل بتكون صحيه اكتر بس انا ما بحب العسل مشان هيك عملتها بكراميل بتمنا تعجبكم وتدعو لوالدتي بالشفاء والف الف الف هنا على قلوبكم حبيبات قلبي

19 تعليقات
  1. نائلة :

    روعه

  2. أم حسنين :

    حلوة كثيررررر..عاشت ايدج

  3. نهلة الزعبي :

    تسلم ايدك

  4. ريحانة🌿 :

    ما شاء الله🌸 صحة وعافية أختي😊

  5. 🍒أم محمّد🍒 :

    يسلموو دياتك

  6. ام مجدي :

    عالمفضلة اكيد رح جربها

  7. آلاء محمد :

    تسلم ايدك لزيزة ومفيدة بس سوال بقدر استبدل الكراميل ب شوكلاتة قابلة للدهن وبدل الزبيب بندق مكسر خشن لاني حابة اعمل شوي هيك و شوي هيك يا ريت تجاوبيني لو عندك فكرة مع جزيل الشكر

  8. ام صهيب :

    حبيبتي الاء بتقدري اكيد انا عملت وحده متلها طلعت كتير زاكيه بس عملتها بقالب الجيز كيك وقطعتها طيبه كتير والف صحه وهنا مسبقا 😘😘😘

    1. آلاء محمد :

      شكرا الك أخت أم صهيب والله يعطيكي الف عافية

  9. ام صهيب :

    ام مجدي اكيد راح تدعيلي وصحتين وعافيه ياقلبي

  10. ربى :

    زاكي

  11. Farah Masoud :

    صحتين وعافية يارب

  12. 💖نور أحمد💖 :

    روووعة حبيبتي يعطيكي الف عافية 😙

  13. وردة :

    زاكي

  14. 💠أم جاسم💠 :

    يسلمو اديكي وصحة وهنا

  15. ام علاء ابو يحيى :

    صحه وهنا يسلمووو هالايدين
    طيبه ومغذيه تبارك الله

  16. هبة :

    يعطيكي الف عافية 😚😚

  17. رشا رشا :

    روووعه يسلمو اديكي حبيبتي 😘

  18. ام عمر :

    بتجنن الى المفضلة
    👍

اترك رد

لن يتم نشر عنوان بريدك الإلكتروني.