جبنة دهن بيضاء و صفراء

107 5٬273
 

جبنة دهن بيضاء و صفراء

الجبنة الدهن البيضا والصفرا

جبنة دهن بيضاء و صفراء

جبنة دهن بيضاء و صفراء , معكم صديقة زاكي الشيف الموهوبة ,

المقادير

  • 5 كوب حليب طازج يفضل غنم
  • ربع كوب خل ابيض
  • ملح
  • جبنة للتنكيه شيدر او مثلثات

الخطوات

الجبنة الدهن

السلام عليكم ورحمة الله وبركاته

تكررت طلبات الصبايا للجبنة الكريمية وحبيت اعملها بنوعيها البيضا والصفرا لانهم تابعين لبعض وسهلين كثير للحلو والمالح خلينا نشوف الطريقة

أولاً/ تجبين الحليب (القريشة)

قبل ما أبدأ بالطريقة لازم أنوّه انه الاصل تنعمل من حليب طازج طبيعي لأفضل نتيجة واطيب طعم ، واذا ماتوفر استخدمي حليب الباكيتات طويل الأمد لازم كاااااااااامل الدسم ، وفي حال ماتوفر اعمليه بالحليب البودرة بس مارح يكون بنفس جودة الطازج.

—بنسخن الحليب لحرارة عاليه بس قبل الغليان مابدنا يغلي اذا عندك ميزان حرارة بتكون حرارته 75—80

واذا ماعندك بس تصير تطلع رغاوي وفقاعات صغيرة من الجوانب بتحسي انه بلش بده بعد شوي يغلي.

—بتصبي عليه ربع كوب خل ابيض وبتخليه عالغاز دقيقة مع التحريك على اهدا حرارة لحتى يفصل .

—ممكن تتركيه مغطى خمس دقائق لحتى يفصل بالكامل.

ملاحظة مهمة/

اذا غلي معك بالغلط اتركيه لحتى يبلش يبرد شوي يعني مثلا عشر دقائق وضيفي الخل بتكون حرارته نزلت.

ثانياً/ الجبنة البيضا الكريميه (ماسكربوني)

بنصفي الجبنة عن الشرش وبنخلي معها شوي منه عشان القوام يطلع كريمي وبنطحنها بالمحضرة مع ملح للموالح وبدون ملح للحلويات.

—لحتى تنعم تماما فرغيها بمرتبان او وعاء واتركيها بالثلاجة تبرد. وهيك بتكون جاهزة للاكل قوامها ممتاز كريمية وبتغني عن جبنة فيلادلفيا للتشيز كيك او لحشوات الكيكات او للساندويشات .

ثالثاً/ الجبنة الدهن الصفراء

ممكن من الجبنة الدهن البيضا او من نفس الأساس بتنعمل من الجبنة اللي صفيناها من الشرش بنضيفلها ملح وبنضيفلها كمية من الجبنة الشيدر او المثلثات بعد مانذوبها بالميكرويف او حمام مائي وبنضيفهم لبعض وبنطحن . وهيك الجبنة الصفرا الدهن جاهزة بالنكهه اللي بدك ياها.

—لنكهة الشيدر ضيفي جبنة شيدر

—لنكهة المثلثات ضيفي جبنة مثلثات

—لنكهة الكيري بتضيفي كيري او مثلثات مع علبة قشطة.

—لنكهة القشقوان بتضيفي قشقوان

—وهكذا

* الكمية المضافة من نوع جبنة التنكيه حسب رغبتك قديش بدكياها قوية مثلا لكمية الجبنة اللي عنا بالوصفة ممكن 4—5 مثلثات جبنة بكفيها او بتذوقي وبتتحكمي.

—انا عملت كمية قليلة من الصفرا عشان بس اصور الوصفة .

107 تعليقات
  1. يسرى :

    شكرا يا ام جاسم انا جديد 😘😍

    1. 💠أم جاسم💠 :

      اهلا وسهلا فيكي يسرى نورتي زاكي

  2. يسرى :

    كيف بدي أغير أسمي ياريت ساعديني

  3. يسرى :

    كيف بدي تنزيل وصفتي

    1. الياسمين💗💗💗 :

      يسرى بتقدري تغيري اسمك
      بتحطي على كتابت التعليقات وبتكبسي على اسمك وبتغيري وبتبعثي تعليق وبتحفظيه❤

  4. أم عبد الرحمن 💗 :

    اكيد صارت عالمفضلة
    ماشاء الله بتشهيييييييي كتييييير
    يسلم اديكي حبيبتي 👌

  5. أم عبد الرحمن 💗 :

    يسري
    احذفي زاكي وارجعي نزليه لتغير اسمك

  6. 💠أم جاسم💠 :

    نورتوا الوصفة ياصبايا شكرا على مرورك الكريم.

    يسرى اذا ناوية تنزلي وصفات بدون ما تحذفي زاكي روحي لزر + اعلى الصفحة الرئيسية وسجلي بزاكي وسجلي اسم اللي بدكياه واتبعي التعليمات.

  7. هواشي :

    جربتها اليوم كت زبطت معي

  8. 💠أم جاسم💠 :

    هواشي مش واضح تعليقك زبطت ولا مازبطت معك؟

  9. 💠أم جاسم💠 :

    واي نوع جربتي؟

  10. هواشي :

    لا والله مت زبطت استعملت حليب ماعز طازه

  11. هواشي :

    طلعت محصحصه بس الطعم عادي انو جبنه

  12. 💠أم جاسم💠 :

    هواشي ما طحنتيها مزبوط او ما زدتيلها من مية الشرش ردي روحي هلا وزيديها ربع كاسة من ماء الشرش واطحنيها على مطحنة البهارات بتنعم اكثر ورديلي خبر.

  13. 💖نور أحمد💖 :

    ربي يسلم ايديكي يا غالية ويباركلك على افكارك الرائعة😄😙
    نويت جربها ان شاء الله بس قديه ممكن احتفظ فيها بالبراد؟؟؟؟

  14. 💠أم جاسم💠 :

    ويسلمك نوور ويبارك فيكي يارب
    بتضل بالثلاجة اسبوع صالحة
    وان شاء الله بتجربيها وبتعجبك

    1. 💖نور أحمد💖 :

      اكيد ان شاء الله ياقلبي بجربها وبخبرك😄
      تسلميلي ما اروعك

  15. إم مصطفي 😉 :

    ما شاء الله عليكي حبيبتي يعطيكي ألف عافيه شو هالجمال والروعه 😍💜

    1. 💠أم جاسم💠 :

      الله يعافيكي ويسعدك ام مصطفى

  16. ... :

    اشكرك على جهودك
    اليوم عملتها ضبطت معي وطعمها 😋 لذيذ
    لكن نكهة الخل واضحه في الجبن
    هل ينفع المره القادمه اخفف كمية الخل

  17. 💠أم جاسم💠 :

    صحة والف هنا …
    غريبه انه ظهر معك طعم للخل لانه بضل بالشرش ما بروح بالجبنة بس بامكانك تستغني عنه كليا بانك تجيبي حبوب منفحة من الصيدلية بتجبن احسن من الخل بس انا حكيت عن الخل لانه متوفر بكل البيوت.

    1. ... :

      شكرا على ردك
      ان شاء الله المره القادمه
      والله يبارك فيكي وبأولادك يارب
      ويعطيكي الصحة والعافية على مجهودك.❤🌹

    2. 💠أم جاسم💠 :

      لا شكر على واجب ربي يسعدك ويحفظك

  18. ... :

    أشكرك على الرد 💐
    ان شاء الله مره ثانية
    وبارك الله فيكي وبأولادك والله يعطيكي الصحة والعافية على جهودك وافادتنا
    ما شاء الله كل وصفاتك رائعه وناجحة معي
    دائما بثق في وصفاتك
    وكنت اتمنى انك تفوزي هذه المره بشيف زاكي
    لانك تستحقي تفوزي كل مره

  19. 💠أم جاسم💠 :

    يسعدك ربي …
    واشكرِك على شعورِك النبيل وانا بعتبر حالي فائزة بمثل هذا الكلام الطيب اللي بشجعني اعطي كمان وكمان.

اترك رد

لن يتم نشر عنوان بريدك الإلكتروني.