img
الرئيسة / أطباق رئيسية / الملوخية السورية

الملوخية السورية

/
/
/
1617 مشاهدات

 

الملوخية السورية

الملوخية السورية😉

الملوخية السورية

الملوخية السورية , معكم صديقة زاكي الشيف الموهوبة ,

المقادير

  • نص كيلو ملوخية
  • فروجة كاملة
  • راس توم كبير
  • تلات معالق كبار كزبرة ناشفة
  • مقدار كاستين زيت ذرة
  • سمنة كم معلقة
  • ملح معلقتين كبار
  • لسلق الفروج:
  • بصلة
  • ورقتين غار
  • كم حبة هال

الخطوات

كيفكن ياأموراتي جبتلكن اليوم طريقتي بالملوخية طبعا مين مابيحبا انشالله تعجبكن طريقتي يلا شمرو عن ايديكن والى المطبخ

بسم الله الرحمن الرحيم

اول شي حطيت الفروجة مع باقات العطرية وخليتا تستوي نقيت الملوخية من الاوراق الصفرا والعود في ناس بتغسلا انا بحب اعيفا هيك حطيت نص كاسة زيت وبلشت احمصة على دفعات لوقت يصير لون عودا ذهبي وكملت البقية بعد ماحمصت الملوخية حطيتا بطنجرة وحطيت عليها من ميت الفروج لغمرتا وعفتا ع غاز عالي لوقت تبلش تغلي وطيت تحتا وعفتا لتستوي حولي تلات ارباع الساعة او اكتر قبل ماتستوي بشوي قليت التوم بعد مادقيتو ناعم قليتو هو والكزبرة ونزلت عليهن الفروج وحطيت رشة ملح ورشة فليفلة ناعمة وفلفل اسود رشة بسيطة وقلبتن ونزلتن فوق الملوخية وعفتا تتعقد وعملت جنبا رز

وانشالله الف صحةوهنا

39 تعليقاً

  1. سناء تسلمي روحي في اكتر من طريقة حبيبتي كل واحد بيعملا بطريقة شكل هي طريقتي تقريبا سريعة ومختصرة و انتي كيف طريقتك😘😘

  2. يسلموووو… انا اجاني من قرابة زوجي صحن ملوخيه بطريقتك بس باللحمه صدقا اول مرة آكلها … كتيييير طيبه والها نكهة خاصه . .

  3. انا طريقتي نفس الشي بس الفرق انو بغسل الملوخية وبفورها عالنت وبعدين بصفيها من ميتها و بكون جهزت الجاج وبحوسها مع الجاج

  4. هنا تسلميلي ياقلبي😘😘

    ربى😄😘😘

    عطر الله يسلمك حبيبي بتمنى تجربيا واكيد رح تطلع معك اطيب كمان لذيذة بلحمة بس انا مو من محبي اللحمة للأسف😎😣

  5. سناء حبيبتي اي نفس طريقت جارتي هي من أدلب انتي منن من سوريا ووين ساكنة حالين الله يفرجها عبلادنا ويرجعنا عليها يارب😙😙

  6. ام جاسم الله يسلمك حبيبتي على قلبك روحي😘😘

    ام مصطفى علا قلبك حبيبتي😙😙

    ام علاء الله يسلمك عمري ونحن كمان عنا ملوخية ناعمة بعد ماتيبس منفركا بتصير متل النعناع ومنظبخا عادي شي نهار بنزل طريقتا انشالله😘😘

  7. ام عبدالله الله يسلمك روحي على قلبك😘😘

    ام محمد الله يسلمك على قلبك عمري😘😘

    ام جود الله يسلمك حبيبتي😘😘

    سناء الله بحفظك حبيبتي انتي واهلنا بدرعا وأربد انا والله من حلب وساكنة هلق بتركيا😘😘

اترك تعليقاً

لن يتم نشر عنوان بريدك الإلكتروني.