لانشون بقري بثلاث خيارات للطعم
تحرير لانشون بقري بثلاث خيارات للطعم
لانشون بقري بثلاث خيارات للطعم
المقادير
- ربع كيلو لحمة يفضل منها شوي دهن
- 4 مثلثات جبنة
- م.ص جيلاتين او بياض بيضة
- م.ص بهارات لحمة
- م.ص كزبرة بودرة
- م.ص بصل بودرة
- م.ص هيل مطحون
- م.ص ملح
- نصف م.ص فلفل اسود
- نصف م.ص ثوم بودرة
- 3 م.ك نشا
- نصف كوب ماء مثلج
- نقطة لون غذائي
الخطوات
السلام عليكم ورحمة الله وبركاته
بعد ما عملت لانشون الدجاج حبيت اجرب لانشون اللحمة وبناء على طلب بعض الأخوات جربتها وكانت نتيجة رائعه خلينا نشوف الطريقة
أولاً/ الخلطة
بنبدأ باللحمة بالاول بنطحنها لحالها تنعم شوي وبعدين بنضيف باقي المواد عدا اللون الغذائي وبنطحنها بشكل ممتاز يعني لازم تكون مثل الكريم من النعومة بتطول شوي لتعطيكي النتيجة الناعمة بس معلش عشان ترضي بالاخر.
—بنضيف الجيلاتين بنذوبه بملعقة ماء بارد وبعدين بنضيف ربع كوب ماء ساخن عليه لحتى يذوب تماما وبنضيفه للخلطة وبنطحن. وبديله بياض بيضه.
—بتضيفي نقطة لون غذائي وبتابعي الطحن ، ممكن ما تستعملي اللون بس بصراحة بدونه لون اللانشون مش حلو بطلع بني مش مشهّي للأكل.
ثانياً/ السلق
بنفرغ الخلطة على كيس حراري مفتوح وبنرولها وبنشد الاطراف وبنرد نلفها بورق قصدير وبنشده مزبوط وخليه طبقتين عشان ما توصل المي للخلطة.
—بنكون حاطين مي عالغاز تغلي بطنجرة وبنزل فيها رول اللانشون لازم ينغمر بالمي انا خليت القصدير بارز عن الرول وثبته على اطراف الطنجرة عشان يضل مغمور بالمي.
—بنخليه يغلي على نار خفيفة بس لازم تستمر المي بالغليان لمدة ساعة كاملة.
—بنرفع الرول من المي وبنتركها مثل ماهيه تبرد ما بنفتح ابدا عنها الا لثاني يوم طبعا بالثلاجة.
ثالثاً/التقديم والطعم
ثاني يوم بنقطعها وبنقدمها مع سفرة فطورك او ساندويشات زي مابتحبي .
—طعمها طيب طبعا مش مثل اللانشون الجاهز.
—ممكن تقدم مقلية طعمها بيعطي على همبرغر اكثر كثير طيبة مقلية.
—اذا تم تدخينها بتعطيكي طعم كباب مشوي عالفحم.
وصحة وهنا
الله عليك ام جاسم رااااائعه خطيره تسلم ايدك
تسلم ايديكي حبيبتي عنجد رووووووعة😘
يا عيني عليكي شو أنك فنانه ومبدعه عنجد ررررروعه يسلم ايديكي ويعطيكي الف عافية ما شاء
ما شاء الله عليكي حبيبتي يعطيكي ألف عافيه إبداع أللهم بارك 😍🌹
روووعة با ام جاسم ماشالله عنك
بيشهي منظرها
يا عيني عليكي بتجنني انتي واكلاتك
مبدعة ما شاء الله
ان شاء الله بدي اجربها
يسلمو دياتك حلو
ماشاء الله شكلها بيشهي ان شاء الله رح اجربها😍😍😍😍😍😍😍😍
ام جاسم والله انك مبدعه جد مشالله عليكي ي بنت بلدي
🇯🇴🇯🇴🇯🇴🇯🇴🇯🇴🇯🇴🇯🇴
والله يا ام جاسم اول ما اشوف انه الوصفه الك على طول عل مفضله من دون ما اقراها لان انتي فنانه رائعه ممكن اسالك عن عمرك كم
ماشاء الله تبارك الرحمن انتي فن وذوق وابداع رح جربها اليوم لانه شكلها بشهي وانضف من الجاهز بكتير
شو بقدر استعمل بدل الثوم والبصل البودرة
الله يسلمكم ويبارك فيكم صبايا وربي يجزيكم كل خير وتعليقاتكم ان دلت على شيء فهي بتدل على حسن اخلاقكم ولطفكم وذوقكم.
ربى بامكانك تستخدمي ثوم وبصل طازج م.ص ثوم وم.ك بصل بس بدك تتأكدي انه انطحن كويس واختفى.
شكرا يا قلبي رح اعملها اليوم انشاء الله
الف صحة وهنا مقدما
ما شاء الله تبارك الرحمن معدله ام جاسم
والله انا كمان يا ام جاسم حابه اعرف قديش عمرك عشان الخبره والابداع والموهبه يلي عندك عنجد انك رائعه ووصفاتك ابداع
ما شاء الله عنك يا ام جاسم طريقتك واضحه جدا ومتقنه الله يكرمك ويجعله بميزان حسناتك وما يحرمنا منك حبيبتي
بدنا نغلبك بس بدي خبراتك بعمل أنواع مختلفه من السمك لو بتعرفي عمل شوربة سي فوت بالكريمه امانه تعمليها مشان نتعلم
ماشاء الله تبارك الرحمن
فن وابداع وتميز
مش جديد عليكي ياوردة زاكي👍👍👍
يسلم اديكي حبيبتي
روعه كالعاده ماشاءالله تبارك الله. ..كتير حبيتها يسلموا ايديكي يارب
ماشاء الله منظرها بشهي بالتوفيق ان شاء الله
يعطيكي العافيه
بسم الله ماشاء الله عليكي مبدعه
الله يعطيكي العافيه ويسلم دياتك
ما شاء الله ..يسلموو دياتك
ويعطيكي العافيه
حبيت
الله يعافيكم ويبارك فيكم وجزاكم ربي كل خير على كل كلمة طيبة طالعه منكم.
دودو ان شاء الله بعمل وصفات سمك قريبا
الله يباركلك بصحتك ما شاء الله عنك عن جد انك رائعه بمعنى الكلمة
ما شاء الله تبارك الرحمن
يسلمو اديكي يا مبدعه الله يباركلك ويحميكي يا قلبي
الف صحه وهناا ❤😘😘
ما شاء الله مبدعة
ممممم يسلموووو هالايدين ياارب يعطيكي الف عافيه عالمفضله ورح اجربها بإذن ربنا😘❤👍
ماشاء الله عليكي مبدعه
ما شاء الله بشهي معدله الله يسعدك ويعطيكي الف عافيه
مبين ازكي من لانشون الجاج ملان بيض هاذ اخف وان شاء الله رح اعملها علي ابني بحب البرجر
جربيها وان شاء الله بتعجبك وبتعجب ابنك الله يخليلك ياه يارب.
جزاك الله خيرا عزيزتي على الوصفات المميزة🌷
ماشاء الله تبارك الرحمن ابداع فوق الوصف
ربي يسلم ايديكي ويجزيكي كل خير على وصفاتك المتقنة والمفيدة❤
يم يمي عاشت الايادي يسلموووو
الله يسلمكم ويبارك فيكم يارب
كلكم ذوق ولطف
يسلموا