img
الرئيسة / أطباق رئيسية / رز وبازلاء ولا أطيب

رز وبازلاء ولا أطيب

/
/
/
1269 مشاهدات

 

رز وبازلاء ولا أطيب

رز وبازلاء ولا أطيب😍

رز وبازلاء ولا أطيب

رز وبازلاء ولا أطيب , معكم صديقة زاكي الشيف الموهوبة ,

المقادير

  • علبة بازلا معلبة
  • نص كيلو لحمة ناعمة
  • اربع كاسات رز قصير
  • مكعبين ماجي
  • مقدار مي للرز انا هالمقدار اخد ٦ كاسات رز
  • ملح وفلفل اسود

الخطوات

كلياتنا كلياتنا ع قولت دنيا اسعد سعيد ههههه منحب الرز والبازلا وكل شخص الو طريقة فيا انا حبيت اقدملكن طريقتي سهلة ولذيذة وبنت حلال ومافي منا ههههه عادي اندمجت شوي هههه يلا نشوف الطريقة

بسم الله الرحمن الرحيم

جبتلكن هالطنجرة وحطيت فيا السمنة وقليت الرز شوي ضفتلو المي والماجي والملح وتركتو او عشر دقايق ع غاز عالي وقت بلش يغلي وطيت تحتو وتركتو يستوي ع راحتو مشان ماينخبص هههههه

جبت اللحمة قليتا بمعلقة صغير سمنة حطيتلا ملح وفلفل اسود وقليتا لتستوي صفتلا البازلا وتركتن يغلو شوي وياخدو طعمة بعض سكبتن وقدمتن بهالشكل الحلو طريقة سهلة وسريعة طبعآ في ناس بتعملا بطريقة تانية والي هيا بيقلو اللحمة بنزلو عليها البازلا بيتركون شوي بحطو مقدار المي للرز لوقت يغلي بحطو الرز وبيتركون يستوو سوا هيك طبعآ بتصير اطيب لانو الرز والبازلا بياخدو طعمة بعض بس انا الحجي عندي مابحبا هيك

قدمت جنبا فتوش ومخللات وازا بتحبو قدمو جنبا لبن

وهي كانت طريقتي انشالله تعجبكن

وصحة و عووووووووووافي

21 تعليقاً

  1. م سارة على قلبك حبيبتي الله يسلمك ياعسل 😚😚

    فادية تسلميلي روحي ان شاءالله الف صحةوهنا😚😚

    ام اصيل على قلبك روحي😚😚

    ام علي الله يسلمك ويحفظك😘😘

    ام مصطفى الله يعافيكي ياعمري على قلبك😘😘

    رشا تسلميلي ياعسل على قلبك😘😘

    نادية الله يسلمك حبيبتي😚😚

    ام ابراهيك الله يسلمك ياقلبي اي والله😉😚😚

    لين الله يسلمك ياروحي على قلبك😍😍

    الاميرة هههه تسلميلي روحي خليلي ياكي الله يسلمك ويخليلك حبايبك😚😚

  2. يختي كيوووووووت بطبخاتك وحكياتك اللهم بارك😁
    منظرا بشهي وبيفتح النفس وحبيتا كتير😀
    بس سمعي لقلك كلو الا الحجي ها
    نقي لحجيكي اسم تاني شنو هاد محظور😂😂

اترك تعليقاً

لن يتم نشر عنوان بريدك الإلكتروني.