img
الرئيسة / معجنات / معجنات السبانخ والجبن ملكة رمضان

معجنات السبانخ والجبن ملكة رمضان

/
/
/
2443 مشاهدات

 

معجنات السبانخ والجبن ملكة رمضان

معجنات بالسبانخ والجبنه ملكة رمضان

معجنات السبانخ والجبن ملكة رمضان

معجنات السبانخ والجبن ملكة رمضان , معكم صديقة زاكي الشيف الموهوبة ,

المقادير

  • 6 كاسات طحين
  • كاسة حليب سائل
  • كاسه ونص ماء دافىء ممكن اكثر ممكن اقل حسب الطحين
  • معلقه ملح
  • معلقة سكر
  • معلقة خل
  • فنجان زيت اي زيت زيتون ذره
  • معلقة خميره
  • للحشو:
  • اي نوع جبنه بتحبيه
  • زعتر اخضر او ناشف
  • ربطه سبانخ
  • فلفل شطه حسب الرغبه
  • زيت زيتون
  • سماق
  • ثلاث حبات ليمون
  • راسين كبار بصل
  • زيت زيتون

الخطوات

بسم الله الرحمان الرحيم

يسعد اوقاتكم يا وردات كل عام وانتم بالف خير ربنا يجعلكم جميعا من عتقاء هذا الشهر الفضيل مع حبي واحترامي لكل وحده فيكم

اليوم رح اقدملكم طريقتي بعمل المعحنات يمكن نعملها بعد صلاة التراويح ونحتاجها للسحور مع كاسة شاي او اي شي بتحبيه

طبعا كلنا بنتفنن بالمعجنات لكن سبحان الله كل وحده الها طابع خاص وبصمه خاصه

يلى نشوف الطريقه

اول شي بضع معلقه الخميره مع معلقة السكرفي مي دافيه وبتركه تتخمر

وبضيفها للطحين وبقية المواد وبعحنها وبغطيها وبتركها ساعه تتخمر حسب الجو ممكن اكثر ممكن اقل وببلش بتحضير الحشوات

بنكون فارمين السبانخ وغاسلينه مزبوط بندعكه مع قليل من الملح لما تتصفى ميته مزبوط وبنقلب البصل المفروم بزيت الزيتون وبنقلب معه السبانخ لمدة دقيقتي وبضيفله السماق والملح والشطه حسب الرغبه وبنتركه يبردبشرط تكون الحشوه خاليه من اي سوائل لانها بتاثر علينا عند العمل ان هون صدقا ما حطيت سماق ما كان متوفر عندي بس كثرت ليمونحتى احصل على الحموضه المطلوبه

ام الحشوه الثانيه انا عملتها بالجبنه البيضا بعد ما نقعتها وتخلصت من الملح الموجود فيها وصفيتها من المي منيح وضفتلها زعتر اخضر فرش

هون بتكون العجينه خمرت بنقطعها وبنتركها ترتاح وبعدين بنشكلها باي شكل بنحبه وبنخبزها على فرن محمى مسبقا على درجة حراره 180درجه وبامكانك تعملي الفطاير بعجينة العشر دقايق الي غالبتنا بعرفها

اما سر اللمعه الموجوده خفقت بيضه مع نص معلقة نسكافيه زغيره مع شويه خل او فانيلا زي ما بدك بامكانك تحطي بدل النسكافيه حليب المتوفر حطيه وبتدهني وجه المعجنات عادي

وهيك انتهينا من المعجنات ويارب تعحبكم هالطريقه وانا متاكده انكم جميعا فنانات بكل شي اليوم الاول من رمضان يا رب يحفظكم لبيوتكم ولاولادكم ولازواجكم ولدينكم ويشافي مرضاكم ويفك ضيقة كل وحده فيكم

استودعتكم لله الذي لا تضيع ودائعه

31 تعليقاً

  1. وعليكم السلام ورحمة الله وبركاته أخيرا والله نور زاكي بوصفتك يا ست الكل ما شاء الله روووعه خالتو صحتييين وعوافي يا رب شكلهم بجنن أللهم بارك ❤😍😙😙

  2. هلا ومية غلا ..كيفك خالتو تسلم يمينك شكلهم زاكي كتير …ربي يوفقك ويزيدك من نعيمو ويعطيكي الصحه والعافيه يارب ..دمتي بحفظ الرحمن ورعايته

  3. اشتقنااااااااا والله اشتقنا😍😍
    نورتي زاكي ياقلبي انتي ومعجناتك الرائعة اللهم بارك
    كل صورة بتشهي اكتر من التانية
    حاستهم عم ينادولي مابعرف ليش 😂😂
    ربي يقويكي ويكرمك ويعطيكي الف عافية ومايحرمنا طلتك الحلوة ووصفاتك اللذيذة يا مبدعة😘

  4. ماشاء الله ام علاء معجناتك شكلها طيبه الصوره بتحكي الله يسلم ايديكِ ما في أزكى من الفطاير ماشاء الله رووووعاتك حبيبتي❤❤😘👍

  5. يسعد قلبكم ويبارك باعماركم جميعا كلكم زوق يا غاليين
    نور وين طاشه ما عاد تنمسكي بمكان لا بقروب ولا باي مكان اشتقنالك واشتقنا لحكياتك الحلوين ربنا يكرمك حبيبتي وما يحرمنا منك

  6. ما شاء الله يسلم ايديكي اللهم باارك رائعة صور بجنوو وبتكلمو ع زكاوتهم 👏👏👏👏😇😇😇
    صحة وعافية 😍😍😍😍
    رائعة الله يباركلك 😘😘😘

  7. حبيبة القلب ام علاء والله مابستغني عنكم بس معلومك رمضان كيف وقت الفراغ بكون ديق كتير بس انتو بالبال والقلب على وطول وانتي متربعة أصلاً بصمصومو للقلب😂😁😙
    الله لايحرمني منك ولا من استفقاداتك ياغالية😘

اترك تعليقاً

لن يتم نشر عنوان بريدك الإلكتروني.