الرئيسة / وصفات للريجيم / نساعد بعض لننحف في رمضان

نساعد بعض لننحف في رمضان

/
/
/
2667 مشاهدات

 

نساعد بعض لننحف في رمضان

نساعد بعض لننحف في رمضان

نساعد بعض لننحف في رمضان

نساعد بعض لننحف في رمضان, معكم صديقة زاكي الشيف الموهوبة ,

السلام عليكم ورحمة الله وبركاته رمضان مبارك ع الجميع
كل النساء في شهر رمضان بتتمنى انها تنحف علشان صحتها قبل كل شي
فشو رأيكم نساعد بعض ع التنحيف وكل وحده تبدي رأيها وتعطينا نصيحه مجربه من عندها لاني انا ما توقعت يسير جسمي هيك بيوووم من الأيام بالزمانات كانوا يحكولي انتي متل العصايه قد ما انتي نحيفه وهلأ بحكولي صايره برميل اكيد الي متزوجه والي عندها عيله غير عن الي كانت ببيت اهلها ساعدوووني تأنحف وارجع ريشه
يلا نساعد بعض

99 تعليقاً

  1. ههههه…والله انا حالتي زيي زييك…
    كنت 58. وحاليا اعكسي الرقم
    عندي الله يحميهم ولد وبنت..
    وبرميل متحرك هيني
    بس تلاقي الحل دخيلك فيه😂😂

    • الحمد لله ما بوكل الحلو وانشالله يا رب يزبط معي اخف شوي والله النصاحه تعب وبتهد الحيل حبيبتي تسلمي يا قلبي ع مشاركتك الحلوه متلك

  2. والله يااريت جد انا كمان نفسي انحف بس قررت افطر صحن سلطة و شوربة وبروتين ونشويات اخفف وحلو امنعو نهائي والسكر كمان والسحور علبة زبادي مع عصرة ليمونة واشرب زنجبيل بس

  3. اول شئ 2 عدد تمر مع كأسه ميه… بعدها صلاة المغرب بعدها صحن شوربه كبير بعدها صحن سلطه كبيره.. كأسه شنيه.. كأسه عصير والأفضل يكون بيتي.. بعدين الطبق الرئيسي.. بعدين استراحة صلاة التراويح ع الساعه عشره اي نوع من الحلويات بس قطعه صغيره أو حبة قطايف مع قهوة.. ع الساعه 11 حبه فواكه مع شنينه.. السحور نص علبه حمص مع كمون وليمون… سلطه.. وكأسه شنينه مع حبه موز … أو نص عليه فول بعملها سلطه.. مع كأسه لبن وحبه تفاح أو بيض املية مع حضروات كأسه لبن.. خس خيار.. فلفل حلو… حبه برتقال.. أو لبنه خس خيار نعناع حبة تفاح… أو مرتديلا مع خيار وشرحتين بندوره وحبه برتقال.. أو أي نوع فواكه… مربي أو عسل مع خس وخيار وفلفل حلو اي نوع فواكه….. قطعه جبنه بيضه مع عسل. وخيار خس فلفل حلو اي نوع حبة فواكه… سبع حبات تمر مع صحن لبن… أو شوفان مع حليب مع معلقه عسل مع حبة موز..

  4. والله ي جماعه الخير فش احلى من رجيم سيدنا محمد صلى الله عليه وسلم لقيمات تسند بها جسمك .كولى كل شي بس بكميات وكترى حركه وهالشهر هاد شهر عباده مو شهر اكل

  5. حبيبتي رح اعطيكي بعض النصائح وان شاءالله بتستفيدي منها 😘
    اولاً تخفيف الحلويات حتى لو عملتي حلويات اعملي القطر صحي وهو عباره عن كوب سكر فواكه مع نص كوب ماء و١ م ك ليمون

    ثانياً استبدال زيت القلي بزيت السمسم او زيت جوز الهند او زيت الزيتون او زيت كانولا

    ثالثاً طبعا هذا الشي مو برمضان بالنسبه للعشا يكون سلطه خضار او سلطة سلطة فواكه باللبن او سلطة التونه او بطيخ بساعد على التخلص من السوائل بالجسم وبساعد على تخفيف الوزن لانه كله ألياف .

    رابعاً قبل النوم علبة لبن صغيره مع عصير ليمون ممتاز

    خامساً استخدام الشوفان ممتاز جداً ممكن تخلطي الارز مع الشوفان بعمل على الشبع بسرعه وبحسن عملية الهضم انا صراحه بعض الاحيان بعمله وعفكره انا استخداماتي كتيره بالشوفان جربته حشيت الكوسا فيه بدل الارز وبفلفله مع الارز وبتقدري نفس طريقة الطبخ بعض الاكلات بدل الرز شوفان صحيح مره عملت مقلوبه واوزي بالشوفان وعملت شوفان بالخضار وبعمل معجنات بالشوفان صراحه كتييير في وصفات فيه بنصحك تستخدميه .

    سادساً شرب كمية الماء المطلوبه يومياً.

    واهم نقطه طبق السلطه بجانب الاكل حتى تقدري تخففي من تناول كمية كبيره من الطعام.

    وان شاءالله اكون افدتك بهالنصائح بالتوفيق حبيبتي 😘🌷

  6. بتشكركم جميعآ عالاجوبه الحلوه متلكم الحمد لله قايمين بالواجب وزياده حبيباتي

    هلأ انا اول شي ببدأ فيه كاسه مي وتلات تمرات وبصلي المغرب وبعد هيك بوكل صحن سلطه خضار وشوربات وما بحط الرز والخبز بتمي ولا الحلويات والحمد لله هاد من اول يوم برمضان

    بس السحور بوكل نص رغيف خبز عادي وبيضه مسلوقه وحبه خيار وزيتون وبختموا بكاسه عصير برتقال فريش وقبل الآذان كوب مي معقول انا بعمل الصح جاوبوني حبيباتي

  7. يسعدك ربي..
    اولًا ابتعدي عن الحلويات واي شي فيه سكر+الزيوت + المشروبات الغازيه+الخبز الابيض +الارز+المعكرونه..

    بالنسبه لرمضان اولًا تمر عدد فردي ومع كاسه مويا او حليب خالي الدسم وبعدها الصلاة
    ويجي الفطور اللي هو صحن سلطه لاجد يسد شهيتك للاكل ويحسسك ب الشبع وبعدهاا اختياري ع حسب ايش الفطور مثلًا صحن شوربة صغير او رغيف خبز اسمر او سمبوسك ثلاث حبات فقط

    بعدهااا صلاة التروايح وتعملي بعدها رياضه لو مشي نص ساعه وبعدها سناك حبة فاكهه اي نوع او مكسرات نيه او صدر دجاج مع سلطه

    وبعدها نجي للسحور عبارة عن صحن سلطه او رغيف اسمر مع زبادي او تكتفين ب علبة زبادي مع عصرة ليمونه
    او ثلاث تمرات مع حليب خالي الدسم

    ولاتنسي الموييييا تكثري منهااااا (انا عقدتي المويا مااشرب الا قليل للاسف)

    ** انا هذا روتيني ب رمضان وبغير رمضان بس يتغير التوقيت والحمدلله ناجح كثثثثثير

  8. يعطيكم العافيه
    انا رايي الجسم بحاجه ماسه لكل شي لكن…… بالكميات المطلوبه عدم الاسراف بالاكل الجسم بده سكر ونشا حتى تحصلي على الطاقه بده دهون بده بروتينات وفيتامينات ونقصهم جميعا يؤدي الى امراض لا تحمد عقباها…
    الاقتصاد في الاكل فقط لا غير وشرب الماء وممارسة الرياضه رح يكون احلى ريجيم

  9. ام البنات.😍..شكرا على تعليقك…😇🌼🌼
    وام فهد ..ان شاء الله بتستفيدي من النصائح من نوارات زاكي،،،
    انا بس بعدت عن البسكوت ووادمان الشوكولاته نزلت 3كيلو
    وانا باكل كل شي

  10. بدي اسجل اسمي اسمي وادخل بالقروب مش عارفة كيف اسجل بتحكيلي غلط كل يوم بشوف الاكلات الزاكية وبعلق بس ما عمري نزلت طبخة أو حلو حابة اصير انزل اكلات ع القروب بس مش عارفة كيف اسجل ممكن تساعدوني ..يا ادمن ويا صبايا احكولي الطريقة بالزبط

  11. اول شي يسعدلي صباحكن جميع بالنسبة للوزن الزايد كلنا عم نتعرض لهلشي بسبب كثرة الحلويات ونصيحة مابدك ريجيم ابدنلانو نحنا برمضان اكتر شي بحاجة الو هو الطاقة وبالريجيم رح تلغي كتير اكلات لاتفرحي اذا نزل وزنك بسرعة هاد دليل انو في خلل عم يصير بجسمك حاولي تاكلي كلشي بس وازني بلاكل مثلا ومتل ماقالت خالتو ام يحيى جسمنا بحاجة لكلشي للسكر وللبروتين والفيتامينات وكلشي رح قلك تجربتي وان شاءالله تستفادي منا 😙
    اول شي بعملو هو الرياضية قبل الادان بحاول اركض وانا عم اطبخ واسبح رربي اقل شي نص ساعة قليلي ليش رح قلك لانو الجسم بهالوقت هضم كل الاكل الي مخزنو فبيكون بدو طاقة بصير ياخد من الدهون الي موجودة بالجسم والسكر بهالطريقة بحرق الدهون وبنفس الوقت بضعف حالي
    و بعد الادان اول شغلة بعملا بشرب مي وباكل تلات حبات تمر بعدين صحن شوربة متوسط لاكبير ولا صغير بعدين صحن سلطة وطول ماانا عم اكل بشرب مي تقريبا ليتر بحاول اخلصو وانا عم اكول بعدين باكل الوجبة الاساسيه لانو اكيد انا عم اطبخ مو مقعول ماادوق الاكلة والا بجن😅 وبعد الاكل بجلي كل الجلي الي طلع بكون حركت حالي شوي بعمل فنجان قهوة وجنبو قطعة حلو وعالسحور مابتسحر ابدن صرلي تلات ايام عم اعمل هيك وحاسة بفرق كبير ان شاءالله تستفادي😗😗 بعرف حكيت كتير رس مشان الافادة مو اكتر😘😘

  12. صبايا انا بقلكم عن تجربه لا تعملي رجيم بالبيت من دون متابعه مع اخصائية تغذيه اللي صارو هلا بكل منطقه فيه اكتر من اخصائيه انا كان وزني 53 وهلا صار الضعف ما خليت ولا اي نوع رجيم ممكن ينعمل او نوع ادويه وما نزل ولا كيلو طبعا هادي معاناتي من سنين بس لما راجعت اخصائية التغذيه وبعد التشخيص بتقلي انتي ما فيه عندك دهون انتي مشكلتك كلها سوائل متحمعه بجسمك وطبعا كانت هادي السوائل بسبب علاج اخذته واعطتني برنامج بأقل من شهرين للأمانه كانت النتيجه رراااااائعه فكل وحده جسمها غير عن التانيه يمكن يزبط معي طريقه ما تزبك مع غيري وغير هيك بتحددلك الاخصائيه نوع الاكل وكميته وشو ممكن تكتري منه واللي لازم تبعدي عنه هادي هيه نصيحتي الك يا عسوله وربي ينولك اللي ببالك وكل سنه وانتو سالميين ورمضان مبارك عالجميع

  13. فيه برمضان الساعة الذهبية وهي قبل الأفطار بساعتين استغليها بالمشي السريع وهي أفضل ساعه لحرق الدهون المخزنه بالجسم … ممكن تبلشي بالبداية تمشي نص ساعه وبعدها بتزيدي الوقت لساعة كاملة

  14. والله هاي مشكلتنا اكترنا انا خلفت اولادي التلاته ورا بعض ما كان في وقت انوا جسمي يستريح او ينحف وهيني مو مخلي طريقه مشان انحف ولقيت هاي طريقه كتير حلوه وسهله ومجربة ع ناس ونحفوا كتير
    بلعب رياضه بالبيت طبعا ركض وراهم هههههه
    بشرب كاسه كمون حب مع ليمون مغلي كاسة ع ريق وكاسة قبل النوم طبعا مع تخفيف الحلويات
    وعنجد الناس يلي جربوها قبل رمضان اقل اشي نزلوا ٧ كيلو بالشهر
    وهيني عم جربها برمضان بشرب ع الاكل يعني قبل ما ابلش اكل وع السحور كاسة والله ع بلاقي حالي اخف وانشالله نستفيد الانوا النصاحه عنجد مو حلوه ولما بدك تلبسي اشي ما بطلع حلو وجين ع عيد شدو حالكم يا نسوان لازم ننحف

  15. دود حبيبتي بس حبيت انبهك لشغلة انا جربت الكمون واليمون عالريق صار معي وجع بالمعدة حاولي ماتشربيه عالريق عالاقل اشربي قبل مي كرمال صحتك 😘😘

  16. بصراحة انا عالسحور باكل جبن وشاي ومربى وتمر واحيانا بيض مسلوق
    بس عالافطار اول شي باكل تمر وبعدها صحن سلطة صغير وشوي شوربة والطبخ باكل كم معلقة يعني مابكتر بتقدري تقولي متل اللي بتذوق الطبخ
    وصدقيني انا كمان بعد ولادتي كنت كتير سمينة ومصدومة لانو كمان كانو يقولو علي نحيفة ومستحيل تسمني بس بهالطريقة بالاكل نحفت
    وطبعا لما يكون بغير شهر رمضان بعمل رياضة الجري او زومبا وهالشي كتير ساعدني اني نحفت وصرت عودة متل قبل😅😅😅 يعني اشجعك اكتر تعملي متلي انو كلامي هاد مو وجهة نظري بس اني شايفة حالي نحيفة حتى زوجي بقلي انتي راجعة متل اول زواجنا😘

  17. صحيح سنة نبينا بالفرد.في حكمه انه اذا أكلت التمر بالمفرد بتحول كربوهايدرات بتعمل ع تنحف اما اذا أكلت بالمزوج تتحول سكر وكونك بالشهر الفضيل جسمك بحاجه السكر… هادا بس من باب انه جسمك بحاجه السكر وبالأخص البنكرياس

  18. وماحدا يشرب اي شي فيه ليمون عالريق انا عندي صديقتين كانو يشربو شي فيه ليمون عالريق كرمال ينحفو بس للاسف وحدة صار عندها قرحة ووحدة نامت بالمشفى ٣ ايام بسبب تضرر المعدة

  19. اية اي والله مع انو بنت سلفتي من عمري وماشاءالله صحتا فوق الخيال رغم انو مو متجوزة عملت ريجيم وتشرب كمون وليمون ضعفت كتير منيح بس والله انا فترة شربت كمون وليمون معدتي صارت توجعني☺

    اية اديش فترة الي نحفتي فيا واديش كان وزنك قبل وبعد

    انا رقصة الزومبا كتير حبيتا وقريت عنا انو بتحرق الدهون ومفيدة اكتر من الرياضية لانو فيا حركة اكتر😊

  20. حبيباتي كل عام وانتو بخير اول شي تاني شي ماتحرمي حالك اي شي رسولنا قال حسبي بني ادم لقيمات يقمن صلبه انا نزلت بشهر ونص 8كيلو ومن اول رمضان لليوم 2 كيلو وماحرمت حالي شي بس كله بقدر ببدا فطوري بتمره وصحن سلطه وبصلي وبعدين باكل بس مو كتير حاولو تخففو بالاكل ونظم مواعيده بننحف وبتسحر مره موزه مره 3تمرات او ممكن سحور خفيف

  21. ياصبايا نصيحه ما تحرمي حالك من شي بس بالمقابل قللي الكميه واحرقي اللي اكلتيه بالرياضه واللي بدها تشيل الكرش تبعد عن الخبز والرز لانه اساس الكرش تحول لخبز القمح

  22. اااااه ما حدا بعاني من الوزن الزايد قدي وزني صار 90 كنت برضع بنتي وهلق على رمضان وقفت رضاعة وبدي انحف ما بغضر العب رياضة لانو ظهري ورجلاي بوجعوني وعندي 5ولاد وعمري 34 وما عبلحق على شي باول رمضان جبت حب فيا انناس وعباخود حبة قبل لسحور بس ما نحفت ولا نتفه وضعي عنجد بزعل وجسمي ما بحرق ابدن وما عبعرف شو بدي ساوي مع العلم ما باكل كتير هلق وبشرب شاي بلزنجبيل شو اساوي انا كتير بحب النحافة ولبس الحلو وجوزي انحف مني ب17 كيلو 😢😢😭😭😭😭😭

    • الله يهدي سرك يا رب اخت زوجي متلك طلع عندها ما في فيتامين د والحديد ناقص علشان هيك اعطوها ابره علشان تقدر تضعف الله يفرجها عليكي روحي افحصي عند خبيره تغذيه وهيي الي بتحكيلك شو تعملي

  23. اختي هبة ياهلا فيكي انا كان وزني ٨٥ كيلو وهلأ ٦٣ كيلو عنجد مجرد اللي شرحتو بحكيي والله الشاهد هاد اللي نزلي وزني
    وبالنسبة للاخت هند نصيحة لوجه الله تعالى لاتاخدي اي حبوب للتنحيف وبالنسبة لوجع رجليكي وضهرك هاد سببو الوزن الزائد اللي جسمك مو متعود عليه مو ضروري كبداية انك تعملي رياضة قاسية فيكي تبدي بالمشي السريع وكل اربع ايام زيدي سرعتك والمسافة اللي بتمشيا وانا ماعم اقلك تمشي بالشارع او بنادي رياضي بتقدري بالبيت تعملي جري بالمكان انا هيك كنت اعمل وبعدين لما بطل ضهري يوجعني وركبي صرت اركض واعمل زومبا وعنجد خلال ثلاث شهور نزل من وزني اكتر من ٢٠ كيلو

  24. وكمان اختي هند لازم تخففي اكل مابعرف اذا قرأتي اللي كتبتو من قبل وكيف باكل
    عنجد بتستفيدي اذا عملتي متلي وكمان شغل البيت والرياضة وتخفيف الاكل صدقيني رح تلاقي نتيجة حلوة

  25. مبارك علينا وعليكم شهر الرحمه والغفران😊 اللهم إجعلنا جميعاً من عتقاء شهر رمضان 🍃اللهم إرحم موتانا وموتى المسلمين يارب العالمين💔 أنا بعاني من النحافه لو سمحتم بدي طريقه أنصح فيها لو شوي وزني 43 واكلي خفيييييف جداً

    • انا عندي رفيقتي نفس وزنك وسمعة نصيحتي بأنو تزيد وجباتها باليوم بدل ٣ وجبات سوتهم ٦ وسمنت بشهرين ٦ كيلو جربي ومابتندمي

    • صح بيقولو الحلبة بتنصح واكيد الشوكولا وانا بعرف انو اي شي حلو كلي منو كتير والمقالي بتنصح😅 بس نصيحة انو تروحي عند خبير صحة وتغذية بيعطيكي قائمة بالاكل الصحي اللي بنصح وبنفس الوقت بحكيلك على شي من الرياضة اللي بتكبر العضلات وتنصح وبتخلي الجسم حلو ومتناسق😉

  26. بتصدقوا ولابتصدقوا انا مشيت ع برنامج لونفسك تخس اسبوعين ونحفت ٧ كيلو والله وفوتوا ع االفيس وشوفوا البرنامج وبجننن بس تشوفي حالك نحفتي واسبوع رجيم ويوم فري يوم جمعه جربوا الي بتحب بعد رمضان تبلش لانه برمضان صعب رجيم والله منصوم كثير ساااااااعات وبتتعبي

اترك تعليقاً

لن يتم نشر عنوان بريدك الإلكتروني.