img
الرئيسة / سلطات و مقبلات / سلطة الفوائد بالتفاح الأخضر بنكهة ولا أروع ملكة رمضان

سلطة الفوائد بالتفاح الأخضر بنكهة ولا أروع ملكة رمضان

/
/
/
1667 مشاهدات

 

سلطة الفوائد بالتفاح الأخضر بنكهة ولا أروع ملكة رمضان

سلطة الفوائد بالتفاح الأخضر بنكهة ولا أروع♡ ملكة رمضان

سلطة الفوائد بالتفاح الأخضر بنكهة ولا أروع ملكة رمضان

سلطة الفوائد بالتفاح الأخضر بنكهة ولا أروع ملكة رمضان , معكم صديقة زاكي الشيف الموهوبة , السلطة هي يا طبوشات غنييييية بالفوائد بأنواعها ومغذية جدا لأنو فيها نسبة مكونات خضرا منيحة وممتازة طبعاً لأصحاب الريجيم الله لايجعلني منهم هههههههه جربوها ورح تدعولي لأنو هالطعمات مع بعضها بتعمل سوبر سلطة ونطو معي للمقادير يرضى عليكن لأني ميتة نعس وبدي خلص كتابة هههه

المقادير

  • المقادير طبعا كلو مقطع بالاحجام اللي بتحبوها بس انا بحب افرم وسط متل مو شايفين وانتبهو تنفرم شي أصبع بالمعية متل مابصير مع محسوبتكم:
  • بندورة
  • جزر
  • خيار
  • جرجير او خس
  • بصل اخضر
  • نعنع اخضر
  • بقلة (رح تعطي نكهة ولا اروع مع التفاح الأخضر)
  • تفاح أخضر
  • للدريسينغ أو خلطة التتبيل:
  • عصير ليمون
  • دبس رمان
  • زيت زيتون
  • سنين توم مطحونين
  • ملح
  • نعنع يابس
  • رشة بابريكا
  • انا حاطة ملعقة خردل كنوع من كترة الغلبة فارتاحو مالها داعي ههههه

الخطوات

☆بسم الله الرحمن الرحيم☆

فرمو كل شي ولحشوهم فوق بعضهم

خلطو مقادير الصوص منيح سوا وصبوهم فوق الخضار وخلطوهم وهنا وألف عافية يارب

بصراحة هالسلطة اكتر من رائعة ومتمنية من قلبي تجربوها

مزيج التفاح الاخضر مع هالخضار هي تحديدا رائع بشكل عجيب

واذا كان في شي مكون مفقود من هالمكونات فبلاه تؤبشوني فداكن وما منتعطل على شي ويلا روحو واطفو الأضوية وراكن وسكرو الباب خلوني نام

ماتنسوني من الدعاء بهالأيام الفضيلة وبحبكم أنا♡

59 تعليقاً

  1. ما شاء الله عليكي وع حكيااتك بقراهم حرف حرف الله يبااركلك يا قلبي بتجنني وعسل وكل وصفاتك بجننوو 👌👌👌👌
    😘😘😘❤❤❤
    يسلم ايديكي وصحة وعافية حبيبتي 😄😄😄
    فوائد بتجنن حبيتها وان شاء الله بعملها
    👏👏👏👏👏👏

  2. تبارك الرحمان هاي الاكله كفيله تنزل الواحد عشرين كيلو برمصان
    يسلمو هالديات على الترتيب والاناقه والكلام الطيب والمنظر لحاله بتكلم ربنا يكرمك يا قمر😍😍❤

    • ويكرمك يا اميرتنا الحلوة😍😀
      هية بتنزل ها وخرج ريجيم كتير وبتحسس بالشبع بس الله يصلح هالحلويات والنشويات ماعم يعرفو يحلو عنا ويعتقونا لوجه الله😂😁

  3. ما شاء الله تبارك الرحمن الوان بتفتح النفس وبكفي انها من تحت ايدك نوارة زاكي
    وفعلا كلها فوائد وفيتامينات بتلزمنا برمضان خاصة الاطفال بس يااااريت يرضوا ياكلوا خضار.

    الف صحة وهنا يارب

    • حبيبة قلبي ام جاسم
      رأي شيف رائعة متلك بيعنيلي كتير والله
      الله يكرمك ويرفع قدرك😙
      والله مع اكلاتك الشهية ما بلوم اطفالك اذا مارغبو للخضار هههههه

  4. هههههه أنتي نامي وأنا بدي أتم أتفرج ع هالصحن إلي شكله بيفتح النفس 😍
    يعطيكي العافيه حبيبتي وربي يسلمهم لهديات ويبارك فيهم يااارب بتم أقرأ بالوصفه مرتين تلاته من كتر ما بحب حكياتك ربي يحميكي يا عمري ويسعدك دنيا وأخره ❤أحبكي في الله❤

  5. لك يسلملي المعدل والمحافظ عصحته ريتووو صحتييين وهناا على 💓الالوان بتفتح النفس واكيد الطعم بشهيي لانها من تحت دياااتك يانواااره بس والله انك عسل وحكياتك عسل مثلك مارح طول عليكي خطي روحي كفي نومتك نوم الهنا والعافيه يارب🥰💞🌷🌷

اترك تعليقاً

لن يتم نشر عنوان بريدك الإلكتروني.