img
الرئيسة / حلويات / طريقة عمل القطر مستحيل يسكر معك وبعيش معك شهور ملكة رمضان

طريقة عمل القطر مستحيل يسكر معك وبعيش معك شهور ملكة رمضان

/
/
/
4944 مشاهدات

 

طريقة عمل القطر مستحيل يسكر معك وبعيش معك شهور ملكة رمضان

قطر بهالطريقة مستحيل يسكّر معك وبعيش معك شهور ملكة رمضان

طريقة عمل القطر مستحيل يسكر معك وبعيش معك شهور ملكة رمضان

طريقة عمل القطر مستحيل يسكر معك وبعيش معك شهور ملكة رمضان , معكم صديقة زاكي الشيف الموهوبة ,

المقادير

  • لتر ماء
  • كيلو ونص سكر
  • عصير نصف ليمونة

الخطوات

قطر ملكة رمضان

السلام عليكم ورحمة الله وبركاته

كثير انطلب مني القطر واجت الفرصة المناسبة انه اقدمه لانه استخداماته برمضان كثيييرة ، على سهولته الا انه سهل ممتنع كثير ناس بعملوه وبسكر معهم فاليوم يلي رح تتبع طريقتي بضمنلها 100% انه رح ينجح ومارح يسكر ابدا وبضل معك شهرين كمان بدون ما يصرله اي خراب او تلف او تسكير.

أولاً/ المرحلة الاولى على البارد

بنحط المي والسكر بطنجرة كبيرة وبنبلش نحرك لحتى يذوب السكر كله ، لازم يذوب وهاد اهم عامل من عوامل النجاح ، بياخد شوية وقت بس معلش بيستاهل بريحنا طول الشهر.

ثانياً/ الغلي

بعد ذوبان السكر بنرفع المحلول عالغاز نار حاميه طبعا وبفرشايه مبلولة مي بنمسح اطراف الطنجرة فوق مستوى السائل عشان نتخلص من اي سكر علق اثناء التذويب والتحريك. للغليان وبنوقف مسح.

— بعد الغليان بنعصر ليمون وبنتركه يغلي على نار متوسطة لمدة 10—12 دقيقة عشان يثقل لانه حلويات رمضان بدها قطر ثقيل من قطايف وعوامة واي حلو مقرمش.

—بنتركه يبرد

ثالثاً/ الحفظ

بنتركه يبرد وبنفرغه بجاط زجاجي او مرتبان زي مابدك ، يفضل ينحفظ بالثلاجة لانه نسبة مي عاليه فيه بس بهالجو برا الثلاجة عادي كمان.

—بضل مدة طويلة شهرين تقريبا ممكن اكثر كمان.

نصيحة/

اعملي من بداية شهر رمضان كمية قطر كبيرة تكفي كل الشهر عشان ما تضيعي وقتك الثمين في الشهر الفضيل وعشان يكون جاهز وبارد للحلويات.

—بتمنى يكون اكبر عدد من الستات استفاد من الوصفة البسيطة ولكنها ضرورية وصحة وهنا.

76 تعليقاً

  1. يا عمي المبدع مبدع ما في كلام ربي يجزيكي الخير صديقتي ويعطيكي الصحه والعافيه على توصيلك المعلومه الصح ما شاء الله عليكي حبيبتي ربي يسعدك ويبارك بصحتك وعمرك ياااارب❤😙

  2. يسلمووووو هالايدين نفس طريقتي ودايما بعملوا قبل رمضان بيوم وبجهزوا حتى ما نقضيها غلي قطر متل ما تفضلتي
    اشكرك على ابداعاتك المتواصله يا ريت تنوي كل شيء بتعمليه لوجه الله حتى تطلعي من شهر رمضان باجر عظيم ربنا يكرمك ويكتبلك الاجر العظيم…خير الناس انفعهم للناس

    • واديكي يارب
      طريقة الشيش بالفرن
      بتقطعي الدحاج مكعبات وسط وبتبليها يفضل عدة ساعات ب
      ملح
      فلفل
      بهارات دجاج
      ماء البصل بتبرشي بصلة وبترشي عليها ملح وبتتركيها شوي وبتعصريها عالدجاج.
      ملعقتين لبن
      ملعقة صلصة بندورة
      زيت زيتون
      خل

      تبلي الدجاج مزبوووط واتركيه منقوع.
      عند الشوي اما بتشكيه على اسياخ خشب او ترتيب بالصينية بس خلي القطع مش ملزقين ببعض خليهم متفرقات شوي لانه مابدنا تنزل ميتهم وبدنا ياهم مشويين شوي.

      بتحطيهم بفرن محمي بالرف الاول حرارة 200 وسط حامي يعني.

      نص ساعة لحد 45 دقيقة وبتحمريهم وصحة وهنا.

    • الكباب بالفرن
      لحمة كفته بدون بقدونس فقط بصل معها
      بتبليها بملح وفلفل ونقاط زيت لا تكثري ونص كوب بقسماط وبيضه لا تستغربي ما ببينوا بس تأثيرهم مهم .

      وعجنيها مزبوط وبلشي اعمليها أصابع انا بفضل تستخدمي اسياخ خشب افضل لانها بتعمل ثقب بوسط اصبع الكباب بساعد على التسوية.

      خطوة مهمة/
      اعصري بصل بدنا ميته فقط
      ولما تيجي تعملي اصابع الكباب بللي ايدك بمية البصل وصبّعي الكباب بدنا نكهة البصل عالكباب من برا بتعطيه نكهه خرافيه.

      بتصفي الاصابع بصينية وعلى فرن محمي اول رف نار عاليه لمدة نص ساعة لحد 45 دقيقة بالكثير عشان ما ينشف بس ضلي تفقديه بس تنشف ميته بكون استوى اوعي تزيدي مي عليه بتخربيه.

      حمريه وصحة وهنا

  3. ربي يسعدك في الدارين …انا عملت رولات الدجاج بلجبنه اليوم وطلعوا غير شكل يسلم ايديكي ربي يجعلوا في ميزان حسناتك …صدقن انا بحب علاقه السلفات او الصديقات او الجارات المبنيه على الاحترام ومخافة ربنا بعيده عن الغيبه والنميمه حبيت علاقتك وتعاملك مع سلفتك لهيك دايما بدعيلك بلخير أفكاركم راقيه واسلوبكم صادق ««والله ما بجامل ولا بنافق »»دمتم بحفظ الرحمن ورعايته وطبتم وطاب ذكركم وجعل ربي ذريتكم صالحه باره ليوم الدين ……آمين

    • ريتو الف صحة وهنا يارب وبشكرك على تنفيذ الوصفة ، والسلفات او حتى الجارات التعامل بينهم بكون لله اول شي وثاني شي مادام في احترام متبادل صدقيني كلشي بمشي على احسن مايكون ، وانا بحترمك وبحترم فيكي صدقك وسؤالك عني وعن سلفتي ، الله يجزيكي الخير يا رب.

    • الله يسعدك ويهنيكي ام البنات عالكلامك الرائع ودعواتك الأروع .. ربي يخليكي ويفرحك ببناتك
      ونيالهم عالهيك أم كلها اخلاق وطيبه واصل

      ام جاسم انتي ما في منك صدقا

  4. ما شاء الله عنك ام جااسم اللهم باارك👌👌
    كل وصفة مبدعة اكتر من التانية👏👏👏👏
    😄😄😄
    🌸يسلم ايديكي🌸
    🎀🎀🎀
    ما في كلاام بوصف ابدااعك 😇😇
    ربي يبااركلك بصحتك وعافيتك 😍😍😍😍

  5. ربي يسلم هالدياتيا غالية متألقة كالعادة 👍👍👍

    بس ممكن سؤال بدي اسأل الشوكولا بديل لنيوتيلا الي نزلتيها قبل فترة بتنفع اعملها للعجوة المحشية باللوز واغطسها بالشوكولا هاي والى لأ يا حبيبتي ازا بنفع افيديني ضرررررررررررررورررررررررري

    • واديكي ياارب ام عمرو
      لا بديل نوتيلا ما بتزبط لتغليف التمر المحشي لانها بتضل سايحة ما بتجمد.

      جيبي بدينار شوكولا توداي من الدكانة بطلعوا 3 حبات ذوبيهم وغمسي فيهم التمر بزبط.

  6. مسا الخير حبيبتي ام جاسم ..بدي اسالك عن نوع جبنه الموزاريلا الي تستخدميها باكلاتك يعني الماركه ..جربت انواع بس ما عجبتني ولا بتعطي المطه يلي بدي ايها متل ماهي بصورك او طعمها مو زاكي

    فلجأت للقشقوان عقد ماهي زاكيه ودهنيه الا انها مابتعطي مطه

    ويسلموو مقدما ياقلبي😘

  7. يسلم ايديكي ياقلبي طريقة القطر متل طريقة بابا للحلويات الشرقيه بيستعملوه اكتر شي ومتل ماقلتي للعوامة والقطايف ولمشبك مشان يحافظو عالقرشة😘😘

اترك تعليقاً

لن يتم نشر عنوان بريدك الإلكتروني.