سمك دنيس مقلي ملكة رمضان

41 4٬163
 

سمك دنيس مقلي ملكة رمضان

سمك دنيس قلي ملكة رمضان

سمك دنيس مقلي ملكة رمضان

سمك دنيس مقلي ملكة رمضان , معكم صديقة زاكي الشيف الموهوبة ,

المقادير

  • ثنين كيلو سمك دنيس
  • حبتين ليمون
  • معلقة كبيرة كمون
  • معلقة كبيرة كزبرة ناشفة
  • معلقة صغيرة كاري
  • معلقة صغيرة فلفل احمر ناشف خشن
  • ملح
  • فلفل اسود
  • للقلي:
  • طحين
  • زيت غزير

الخطوات

بنظف السمك من القشور وبغسلو بمي مزبوط وبنضف بطن السمكة من الداخل وبفرشاة اسنان بفركها من الداخل حتى تنضف وتصير بيضة بعد ما خلص من تنظيف الكمية كلها بحط بجاط مي وطحين وملح وبحط السمك في وبتركو نص ساعة وبعدين بفركو مزبوط بالمي والطحين وبقيمهم من المي والطحين وبغسلهم منيح وبعدين بحطو بمي وزيت زيتون وليمون وكمان بتركو شوي فيها وبعدين بغسلهم كتير منيح واخر اشي بتبلهم بالبهارات المذكورة والليمون وكمان نسيت احكيلكم انو لازم اشرح السمكة من الجهتين كل جهة ثلاث شرحات عشان تسهل دخول التتبيلة فيها وبترك السمك بالتتبيلة ليلة كاملة او من الصبح لوقت القلي

هسة الطحين ببهرو من نفس بهارات السمك الي تبلة فيها السمك وملح وبحط السمك بالطحين وبقلبو حتى يتغلف بس ما تكون طبقة كتير خميلة

هسة الزيت بحمي وبحط بالزيت قشرة ليمونة عشان الريحة وبقلي السمك وكل ما القشرة سودة قيميها وحطي وحدة تانية

وطبعا بقدم بجنبها سلطو بطحينة وبقدونسية وسلطة عادية وبطاطة اذا بتحبو كمان

والف صحة وهنا لا تنسوني من دعواتكم ودعمكم بحبكم بالله يا اغلى اخوات

41 تعليقات
  1. كلو كرمال عيونك حبي😍 :

    يممممممممم تسلم ايدك ام حسن اشي فخااااااامه رروعاااتك

    1. om hasn :

      حيااااتي اروشي تسلميلي يا عسل 😙😙😙😙💖💖💖💖

  2. إم مصطفي 😉 :

    ما شاء الله عليكي حبيبتي صحه وعافيه يااارب ❤😙

    1. om hasn :

      حبيبتي ام مصطفى ربي يسعدك يا قلبي😙😙😙😙😍😍😍😍

  3. . :

    السلام عليكم
    سؤال:عندي عجينة بيتزا زادت من شغل مبا ح وحطيتها بتريد مو لفليزر بسير عليها شي لو ظلت كمان يومين

    1. om hasn :

      والله حبيبتي اضن انها بتحمض الخميرة تاعتها وبتصير مو زاكية الافضل افرديها متل ما بتعملي البيتزا وخبزيها بس تستوي نص ستوى طلعيها تبرد منيح وحطيها بأطباق وع الفريزر وقت بدك تعمليها طلعيها حطي عليها الصلصة والحشوة ودخليها الفرن وخبزيها عادي انا صراحة ما جربتها بس شفت على التلفزيون هاي طريقة تفريزها 🤗🤗

    2. . :

      يسلمو ام حسن الله يجزيكي الخير

    3. om hasn :

      حبيبتي واياكم 💖💖

  4. ام يقين :

    صحتين وهنا بجننوا سمكات😋😋😋😋

    1. om hasn :

      حياتي ام يقين تسلميلي يا حب😙😙😙

  5. ريحانة🌿 :

    اللهم بارك المنظر مشهي وبجوع😁
    ربي يسلم دياتك غاليتي💗

    1. om hasn :

      ودياتك حبي ام عبود 😙😙😙

  6. ام علاء ابو يحيى :

    سوزان غلفيها كويس حتى ما تنشف حطيها فوف تحت الفريزر ان شاء الله ما بصير عليهاشي ي اتكلي على الله انا احيانا هيك بصير معي بس ما طولي عليها كثير بس انتبهيلها لانها احيانا بتنفش بالثلاجه بسبب الخميره خليها بكيس واربطيه خلي شويةمتسع بالكيس

  7. ام علاء ابو يحيى :

    تسلم ايدك حبيبتي بشهووووو الله يعطيك العافيه ازكى سمك ادنيس خاصه اذا انقلى

    1. om hasn :

      تسلميلي حبي اكيد كتير زاكي الدنيس 😙😙😙😙

  8. 💠أم جاسم💠 :

    ما شاء الله روووعة
    منظرهم بفتح النفس صحة وهنا على قلوبكم يارب

    1. om hasn :

      حبيبتي ام جاسم يسعدلي قلبك يا رب😙😙😙😙

  9. هبوشة :

    يسلمو ايديكي حبيبتي شكلهم كتير زاكي 😋😋😋

    1. om hasn :

      واديكي حبي تسلميلي يا عسل😙😙😙

  10. أم عبدالله الفارس :

    نقطة ضعفي السمك😍😍😋😋😋 صحه وهنا إن شاء الله حبيبتي

    1. om hasn :

      حبيبتي ام عبدالله عنجد لا يقاوم السمك😍😍😍😙😙😙😙😙😙

  11. ام انوار :

    يسلمو ايديكي ام حسن
    سمك الدنيس لا يعلى عليه عشق
    وطالع من تحت ايديكي بششششههي

    1. om hasn :

      حبيبتي ام انور ومن تحت اديكي بطلع ازكى وازكى يا قلب😙😙😙😙

  12. نهلة الزعبي :

    عنجد عنجد انك روووووووعه
    يسلم دياتك

    1. om hasn :

      انتي الاروع حبي نهلة يسعد قلبك يا رب 😙😙😙😙😙😙😙

    2. نهلة الزعبي :

      😘😘😘

  13. رولا :

    ما شاء الله حبيبتي صحة وهنا اناقة وزكاوه 😘😘😄😄
    ❤❤❤يسلم ايديكي

    1. om hasn :

      واديكي حبيبتي يسعدلي عمرك يا قلب 😙😙😙😙😙

  14. ... :

    سوزان🌹
    ماشاء الله يسلمو ايدكي ام حسن كثير بحب السمك

    1. om hasn :

      حياتي يسعد قلبك كلك زوووق😙😙😙😙

  15. Fatima Aljaloudi :

    زاكي

    1. om hasn :

      💖💖💖💖

  16. اولادي سعادتي ( ام آدم) :

    روووووووووعاااااتك حبي تسلم ايدك منظر بيجننن ما شاء الله تبارك الله سمك الدينيس لا يعلى عليه 🤤🤤

    نفس طريقتي بالزبط …( ع اساس يعني ما اخدتها منكم ) ما شاء الله عنك هههههههههههههههههههه 😂

    1. om hasn :

      ههههههههه حبيبتي تسووو والله انتي من دونا معدلة وبطلع كلشي منك شهد وعسل يسعد قلبك يا عسل 😙😙😙😙😙😙😙

  17. 💖نور أحمد💖 :

    مبدعة حبيبتي ام حسن منظرو بشهي مع اني بخاف من عيون السمك وهنن مبحلقين😂
    الله يباركلك ويعطيكي الف عافية ياقلب😙😙

    1. om hasn :

      ههههههههههههه نور ذكرتيني بحالي اول ما تزوجت كنت اخاف امسكو اخاف انو يتحرك وانا بنضفو 😂😂😂
      يسعدلي روحك حبي تسلميلي يا عسل 😙😙😙😙😙😙😙😙

  18. رشا رشا :

    ما شاء الله عنك حبيبتي ام حسن شكلهم بشهي الله يباركلك يا عسل يسلمو اديكي ويعطيكي الف عافيه 😘😍

    1. om hasn :

      حبيبتي ام احمد يسعدلي قلبك يا غالية تسلميلي يا قلب😙😙😙😙😙😙😙

  19. ربى :

    زاكي

    1. om hasn :

      💖💖💖

  20. نائلة :

    روعه

اترك رد

لن يتم نشر عنوان بريدك الإلكتروني.