img
الرئيسة / سلطات و مقبلات / معجون الماسالا لكافة انواع اللحوم ملكة رمضان

معجون الماسالا لكافة انواع اللحوم ملكة رمضان

/
/
/
2422 مشاهدات

 

معجون الماسالا لكافة انواع اللحوم ملكة رمضان

معجون الماسالا لكافة انواع اللحوم ملكة رمضان

معجون الماسالا لكافة انواع اللحوم ملكة رمضان

معجون الماسالا لكافة انواع اللحوم ملكة رمضان, معكم صديقة زاكي الشيف الموهوبة ,

المقادير

  • م.ك من كل من
  • هيل مطحون
  • كركم
  • كزبرة بودرة
  • بابريكا
  • شطة بودرة
  • ورق غار مطحون
  • اوريجانو بودرة
  • زنجبيل مطحون
  • فلفل اسود او ابيض
  • كمون
  • ثوم بودرة
  • سكر
  • م.ص ملح
  • ثلث كوب زيت ذرة
  • ثلث كوب زيت زيتون
  • نصف كوب صلصة بندورة

الخطوات

السلام عليكم ورحمة الله وبركاته

وصفة اليوم معجون بنقدر نقول سحري لانه متعدد الاستخدامات لكافة انواع اللحوم دجاج غنم بقر جمل ديك رومي وز بط سمك …الخ

ولإنها خلطة مريحة حبيت اشارككم فيها عشان الكل يستفيد، خلينا نشوف الطريقة

أولاً/ التوابل

بنخلط التوابل مع بعض وبنحمصها عالغاز على نار هادئة مجرد دقيقتين فقط لحتى تتنكه وتطلع ريحتها وزيوتها.

ثانياً/ خلطة الماسالا

بعد التحميص بنضيف الملح والسكر والزيوت وصلصة اليندورة وبنخلطهم كويس .

—الزيت رح يشرب من كل النكهات وينتقع فيهم خلال فترة التخزين، يعني كل ماطول المعجون عندك بصير ازكى (الدهن بالعتاقي يعني )

—وهيك المعجون جاهز ما اظن في اسهل ولا اسرع ولا احلى من هيك وصفة.

ثالثاً/ طريقة الحفظ والاستخدام مهم جدا

بتنحفظ بالثلاجة وبتضل شهور زي صلصة البندورة بالضبط ورح تلاقيها بعد فترة نشفت وشربت الزيت كله وهاد صح لانه الفكرة بالنقع انه تتشرب الخلطة كل النكهات .

—اذا نشفت كثير بتزيدي على وجهها زيت زيتون.

—للاستخدام

عند ما تيجي تستخدمي المعجون لنفرض على شوي دجاج بتضيفي للدجاجه نصف كوب رايب وملعقة زيت وحدة وعصرة ليمون وملح وملعقة كبيرة معجون الماسالا وبتدعكي الدجاجة مزبوط فيها رح تكفي وتوفي ملعقة الماسالا ومش بحاجة اي شي ثاني. وبتشوي بطريقتك المتعودة عليها.

ملاااااااحظة

هالمرّة مارح احكي بتمنى تجربوها بحكيلكم نصييييييحة لوجه الله جربوا هالخلطة العجيبة المتفجرة ومااارح تندموا.

94 تعليقاً

  1. اولا بدي اعايد عليكي كل عام وانت وعائلتك واحبابك بخير
    ورمضانكم مبااااااااااااارك ان شاء الله

    تانيا بحب اشكرك مع أنه كلمة شكرا قليلة عليكي
    عملت وصفة ارز المطاعم وطلعت بتشهيييييييييي
    والله العظيم جوزي عجبه كتير لدرجة اتسحر منه😁
    عمري بحياتي ماكنت راضية عن اكلي الا من بعد ماجربت وصفاتك

    وأقل شي ممكن اعمله أنه ادعيلك بظهر الغيب وربي يستجيب دعائي ان شاء الله

    بتشكرك كتير يااروع إنسانة عرفتها بحياتي كلها
    ربي يفرحك بشفاء ابنك عن قريب ان شاء الله

    جزاااك الله كل الخير والسعادة وراحة البال

    • وانتي بالف خير ام عبد الرحمن وربي يجزيكي كل خير على كلامك الطيب زريته الف صحة وهنا يارب وانا اللي بشكرك على تنفيذ الوصفة والحمد لله انها عجبتكم وانتي عسلامتك ست بيت معدله ما شاء الله عنك .

      نورتيني وشرفتيني واللهم امين تسلمي عالدعوة الحلوة .

    • حبيبة قلبي
      تسلميلي يارب وربي يديم المحبة
      بدي اعتذر منك علي تقصيري بالتعليق بوصفاتك مع انه اغلب وصفاتك بالمفضلة
      بس مابيكون معي نت والاحداث يلي مرت علينا بغزة ماكانت بتسمح اعبي نت
      والحمد لله مرقت علي خير
      بعتذر علي التقصير حبيبتي

  2. مسا الخير حبيبتي ام جاسم ..بدي اسالك عن نوع جبنه الموزاريلا الي تستخدميها باكلاتك يعني الماركه ..جربت انواع بس ما عجبتني ولا بتعطي المطه يلي بدي ايها متل ماهي بصورك او طعمها مو زاكي

    فلجأت للقشقوان عقد ماهي زاكيه ودهنيه الا انها مابتعطي مطه

    ويسلموو مقدما ياقلبي😘

    • واديكي يارب ، تكرمي

      معمول سميد
      3/4 كيلو سميد وسط
      1/4 كيلو سميد فرخة

      بنبسبسهم مع 400 غم سمنة مذابة يعني اقل من نص كيلو بشوي ، بنبس السميد مع السمنة مزبوط لمدة عشر دقائق وبنتركها يوم كامل تتفتح حبات السميد.

      ثاني يوم بنضيف عليه ملعقة دقة معمول وكاسة حليب كبيرة عليها كاسة سكر وربع م.ص خميرة مذوبين بالحليب مزبوط وبنضيفهم عالسميد وبنقلب بدون تعجين ولو طلعت رخوة العجينة عادي بدنا نريحها نص ساعة بنلاقيها شربت السائل كله وهيك العجينة جاهزة للاستخدام والحشو.

      بعد الحشو بنريحها ربع ساعة بالصواني بعدين بنخبزها بفرن محمي على اعلى حرارة بالرف الوسط حوالي 7 دقائق بس تاخد لون خفيف .

  3. ام جاسم يا عمري بدي أسألك هاي بتنفع الخلطة لإني اعملها واحطها ع الدجاج الي حينشوي ع الفحم يا ريت تكوني فهمتي علي يا قلبوشتي

    • ام عمرو لا للاسف عالفحم رح تنحرق عالدجاج وعفكرة دجاج الفحم مابده بهارات كثير لانه بضيع طعم الشوي وبجوز تتفاجئي إذا عرفتي انه ما بتبله الا بملح وفلفل وزيت وخل وعصير بصل فقط لاغير وبطلع تحححححفة

    • اها يسلمو اديكي يا عمري بس حبيت اسأل لأنو جوزي بجيبلي دجاج مبهر جاهز وبيكون علي خلطة لونها احمر كتيييييييير كتييييييييير طيب لدرجة لا توصف ونفسي اعرف شو هيي هاي الوصفة لهيك قلت بلكي هاي الوصفة هيي نفسها

      وجوزي بيسأل الزلمة الي بيجيب من عندو انو شو هيي هاي الخلطة بيحكيلو ما منقدر نحكي لانو هاي الخلطة سرية وخاصة فينا 😞😞😞😞

      وانا حاااااولت كتيييير كتيييير اجرب واعمل متلها كل مرة بعمل شي شكل بس عبس ولا راضية تطلع هيي نفسها 😥😥😥😥

    • وعلى فكرة حبيبتي ام جاسم انا الدجاج الي بيجيبو جوزي ما بيجيبو مشوي جاهز لاااا نحنا بالبيت منشوي بس هو بيجيب الخلطة علي 🤗

      وسااااامحيني يا روحي ازعجتك بحكيي لكتير 🥰🥰🥰

  4. ماشاءالله شغلك روعه يسلم اديكي سؤال صبايا انا اخذت ابرة 3 شهور لا منع الحمل وصار عندي نزول الدوره مش راضيه تقطع بعلمكم اذا حدا اخذها اكم بضل تنزل الدوره هاي اول ابره باخذها صارلي 7 ايام ماخذها

  5. روعااااتك حبيبتي ام جاسم ربي يجزيكي الخير على افكارك المميزة وينفعنا فيكي ويجعلها بميزان حسناتك والك مني كل الاحترام ياقلبي😄😙
    حبيت الخلطة كتير وخاصة انها جاهزة للاستخدام بدون مانرجع نضيف هالمكونات بكل مرة👍

  6. يسلمو ايديكي حبيبتي وجد كل مرة بتفاجئيني والله يجزيكي الخير لانو احنا كتير بنحتاجها واليوم راح اعملها واحفظها بالثلاجة لوقت الاستخدام احبك في الله 😘😘😘

  7. ماشاء الله عليكي…خلص قيد التنفيذ ربي يجزيكي كل خير …سؤال ما تنحط الا على اللحوم بانواعها للشوي بلفرن ما تستخدم مثلا لخلطه الكبسه غلبتك معي اتحمليني….

  8. تعيش تعيش تعيش ام جاسم 😂 الله يسلمهن … قلتلك ماضل حكي نحكيه ….انا بحب تتبيلات الدجاج وبحب انوع بالنكهات لان مابحب الدجاج غير بروستد او مشوي ….الله يجزيكي كل خيييررر يارب …وطبعا كل يلي عم يفيدونا بمعلوماتهن ويجننونا بوصفاتهن 😂وهي وصفاتك ع المضلة وهي بوسات ع خدودك 😘😘😘😅

اترك تعليقاً

لن يتم نشر عنوان بريدك الإلكتروني.