img
الرئيسة / حلويات / قطايف بالقشطة ولا اطيب ملكة رمضان

قطايف بالقشطة ولا اطيب ملكة رمضان

/
/
/
2216 مشاهدات

 

قطايف بالقشطة ولا اطيب ملكة رمضان

قطايف بالقشطه ولا اطيب ملكه رمضان

قطايف بالقشطة ولا اطيب ملكة رمضان

قطايف بالقشطة ولا اطيب ملكة رمضان , معكم صديقة زاكي الشيف الموهوبة ,

المقادير

  • 3 كوب طحين
  • 3 كوب ماء دافئ
  • معلقه صغيره خميره
  • معلقه صغيره بيكنج باودر
  • معلقه كبيره نشا
  • رشه ملح
  • مقادير القشطه:
  • لتر حليب
  • علبه قشطه
  • ست معالق كبيره نشا
  • باكيت كريمه باودر
  • نص كوب سكر
  • معلقه صغيره فانيلا

الخطوات

بنخلط كل المكونات الجافه مع بعض وبنبلش نضيف المي وبنعجنها منيح وبنخليها تخمر نص ساعه وبنرجع كمان مره نضربها على محضره الطعام واذا مش موجوده عنا بنظل نحركها بملعقه لما نطلع كل الهوا منها وبنعمل هالخطوه خلال خبز حبات القطايب منشان تفضل عنا عجينه سائله وهشه خلال الخبز وما فيها هوا وهون اهم خطوه وبعد هيك بنبلش نخبزهم عنار هاديه بمقلا ما بيلزق وبنشيلهم وبنغطيهم بقماش نظيف

وبس يبردو بنحشيهم متل مبدنا الحشوه الي بنفضلها مكسرات وجوز هند او قشطه او شوكولاه وبنقليهم او بندهنهم زبده و بنحمرهم بالفرن وبس يستوو بنحط القطر

عيار القطر كل كاستين سكر كاسه مي وعصره ليمونه وبنكهم بكم حبه هيل وبنحطهم على النار تقريباا 8 دقايق بعد الغليان وبنجهزو قبل بوقت ويكون بارد

طريقه تحضير القشطه على البارد بنذوب النشا والسكر بالحليب وبنحطهم على الغاز مع استمرار التحريك ليمتزج الخليط ويشتد ويتماسك بنتركهم يبردو وبعد هيك بنضيفلهم علبه القشطه وباكيت

الكريمه وبنحركهم كثير منيح وبنبلش نشتغل فيهم

انا حشيتهم بالقشطه وما حمرتهم ولا قليتهم اذا بدكم بتقدرو تسكرو حبات القطايف للنص وتقلوهم

بزيت غزير وبتطلعوهم يبردو وبعد هيك بتحشوهم بالقشطه الي بنكون حاطينها بكيس الحلواني اسهل للشغل اكيد وبنزينهم بالفستق الحلبي وبنضيفلهم القطر اختياري حسب الرغبه والف صحه وهناا

لا تنسوني من فضل دعواتكم الحلوه

تحياتي الكم جميعا رشا ام احمد ❤❤

78 تعليقاً

  1. شيء فاخر عالآخر ربي يسلمهم ديااااتك يا احلى رشرش ماشاءالله المنظر والالوان بتشهي وبتفتح النفس تبارك الرحمن 👌😋🥰💝

  2. تسلمي يا رشرش كنت دايما اعمل طريقة القطايف لكن بعد القلي يذبلوا مابعرف ليش….هلمره رح اجرب طريقتك واتبع خطوات التحريك واشوف …وتزبط بلا سميد انا كنت احط سميد وطحين وباقي المكونات ….وعجبتني طريقه القشطه كمان بحب اعمل الشي الجديد …دمتي بحفظ الرحمن ورعايته

    • تسلميلي جبيبتي ام البنات لما بتطرا وتذبل معك بعد القلي سببهم القطر الي بتحطيه عليهم اما سائل شوي وحامي المفروض يكون القطر رابط وثقيل وبارد تقريبا نفس خطوات نجاح قرشه العوامه
      اما انتي ما حمرتيهم منيح بالقلي او بالشوي بالفرن يعني خليتيهم فاتحين شوي
      جربي غيري نوع الطحين
      لانو انا والله الي سنين بعمل هالطريقه وبظلو يقرشو معي بعد القلي وبجننو وبيعبجو كل مين تذوقهم وانا هون بحط نشا للقرشه بدل السميد

      اما لما يبيتو القطايف اكثر من يوم طبيعي يطرو وما بتكون المشكله من مقادير العجينه
      ان شاء الله اكون افدتك وبس ترجعي تعيدي طريقتي تزبط معك وشكرا كثير الك حبيبتي الله لا يحرمني منك لا تنسي ترديلي خبر

    • تسلميلي حبيبتي الغاليه ام حمزه تسلميلي يا قلبي نورتي الوصفه بطلتك الحلوه اشتقنااالك مووت يا عسل الله لا يحرمنا منك يا قلبي ❤😘❤

  3. يسلم دياتك يا أم أحمد على هالوصفة الأكثر من رائعة🌹
    ويسلم دياتها شادية الفنانة ويسعدها متل ما أسعدتنا بلمساتها وإبداعها لتظهر الوصفة أجمل وأجمل👍🌹

  4. الله يزيدك الخير كلوو ويعطيكي الف عافيه ويسلمووو هالايدين روووعاتك اختي الغاليه وحبيبة قلبي 😍😘يارب عطول التقدم والابداع

  5. شهرزاد 🤩
    يعطيكي العافيه
    ما شاء الله ع الترتيب
    منشان القشطه عنا هون ما بلاقيها قوليلي اذا في بديل الها او تسم ثاني عنا

  6. يسلم اديكي حبيبتي منظر بشهيييييييي كتيييير
    وانا اشتقتلك كتييييييييييييييير كتييييييييييييير
    طمنيني عنك حبيبتي
    كل عام وانت واولادك واحبابك بالف الف خير
    إن شاء الله ربي يجمع شملك بأهلك واحبابك

  7. ما شاء الله عليكي الله يباركلك بكل شي شغلك 💯واكتر حتى ما في كلام بوصف ابدااعك 😇😍😍😍
    👏👏👏👏👏
    يسلم ايديكي صحة وعافية حبيبتي💋💋💋

اترك تعليقاً

لن يتم نشر عنوان بريدك الإلكتروني.