img
الرئيسة / حلويات / طريقة البقلاوة من الألف إلى الياء طريقة 2 ملكة رمضان

طريقة البقلاوة من الألف إلى الياء طريقة 2 ملكة رمضان

/
/
/
1730 مشاهدات

 

طريقة البقلاوة من الألف إلى الياء طريقة 2 ملكة رمضان

بقلاوة من الألف إلى الياء طريقة 2 ملكة رمضان

طريقة البقلاوة من الألف إلى الياء طريقة 2 ملكة رمضان

طريقة البقلاوة من الألف إلى الياء طريقة 2 ملكة رمضان , معكم صديقة زاكي الشيف الموهوبة ,

المقادير

  • 6 كوب طحين ابيض
  • م.ص ملح
  • 2 —3 كوب كبير ماء مثلج
  • كاسة شاي سكر
  • ربع كوب قطر
  • م.ك سمنة للتنعيم
  • سمنة مذابة لرقائق البقلاوة
  • نشا للفرد
  • للحشوة نصف كيلو مكسرات مع كوب قطر ثقيل
  • قطر البقلاوة
  • 2 كوب سكر
  • كوب ماء
  • عصرة ليمونة

الخطوات

السلام عليكم ورحمة الله وبركاته

بعد ما عملت البقلاوة الأولى حبيت اجربها بعجينة ثانية، جنون اخر الليل بلشت فيها عالعشرة وكملت ع 12 وطلعت روووعة شكلا ومضموناً.

أولاً/ العجينة

بنخلط الطحين والملح والسكر والقطر مع بعض وبنبلش نضيف ماء مثلج بالتدريج لكل كيلو طحين نصف لتر ماء ، رح تطلع عجينة طرية بس ما بتطلع ناعمه ضيفيلها بالاخر ملعقة سمنة طرية وردي اعجنيها شوي لتنعم.

—بتغلفيها على شكل اسطواني وبتريحيها نص ساعة عالأقل .

ثانياً/ تشكيل الرقائق

—بنقطع العجينة ل 24 قطعة متساوية وبنكورهم وبنفرد كل وحدة باليد يعني بحجم صحن قهوة مش اكثر مبدئيا.

— بنبلش نفرد بالنشابة ( الشوبك) كل قطعه بحجم رغيف الخبز وبنحطه عجنب وبنرش فوقه كمية وفيرة من النشا ضرووووري جدا يكون نشا كثير.

— كل 12 رغيف فوق بعض.

— بنبدا نفرد كل مجموعة من 12 رغيف مع بعض وهمه فوق بعض بنفرد بكل الاتجاهات لحتى تطلع معنا دائرية وبنضل نفرد لحتى تتوسع بتنفرد بمنتهى السهولة هيه وبصير حجمها بقطر حوالي 70 سم . ولكن لازم خلال الفرد كل ماتتوسع معك شوي تفتحي الرقاقات عن بعض وتزيدي النشا بينهم ، مش تفصليهم فصل كامل لاء بس افتحي طرفها رشي نشا ورجعيها ومن الجهه الثانية نفس الشيء عشان تضمني ما يلزقوا ببعض.

— بس بدك تستخدميهم بتفصلي كل طبقة رقاقة عن الثانيه بتطلع شفافة ورووووووعة عنجد بس بتفصليها بلطف لانها رقيقة وحساسة ولو تقطعت معك وحدة او ثنتين عادي بتحطيهم ترقيع ما ببينوا.

— وممكن تخليهم بدون فصل كمان بصير بس بالفصل احسن بطلع التوريق.

ثالثاً/ تشكيل صواني البقلاوة

عملت شكلين شكل البقلاوة اللي زي الالماسه المعروف

بنحط 12 طبقة من تحت بالصينية المدهونة سمنة وبنتخلص من اي نشا زيادة وبندهن كل طبقة بسمنة مذابة اذا قدرتي عشان تتورّق معك بالفرن. وإذا كان فصلهم صعب الطبقات مش مشكله خليهم بدون فصل بس بدك تنزلي عليهم بسمنة سخنة عشان يتشربوها.

—استخدمت اقل من 12 رقاقة عشان عملت شكل ثاني واحتجت عجينة.

— وبتحطي الحشوة اللي هيه اي نوع مكسرات بتحبيه مع قطر ثقيل تتماسك معك الحشوة شوي.

وفوقهم كمان 12 رقاقة وبينهم دهن سمنة.

ملاحظة/

كمية الرقائق اللي من فوق أهم من اللي تحت ممكن تعملي اللي تحت 6 او 7 بس لانها على كل الاحوال ما بتتورّق لإنه فوقها وزن المكسرات.

أما الرقائق اللي من فوق بتتورّق وبتبين عشان هيك لازم يكونوا كثار.

— بتقطعيه قبل الخبز لانه بعد الخبز بتكسر وما بتقطع.

الشكل الثاني/

عملته بقلاوة اصابع باللوز

بتاخدي رقاقه بتقصي اطرافها وبتعمليها مستطيل وبتحطي اللوز المطحون عالطرف وبمساعدة عصا اسطوانيه بتلفي البقلاوة عليها وبالاخر بتضغطيها من الاطراف للوسط عشان تعطي شكل حلو للبقلاوة .

—بتصفيهم بالصينية وبتقطعيهم اصابع وبتدهني سمنة.

رابعاً/ الخبز

بتدخلي البقلاوة على فرن محمي على 160 في الرف الأول من تحت بدها حوالي نص ساعة بالفرن بس تشوفي الاطراف تحمرت واشقرت خلص عالتحمير على طول وقبل التحمير ادهني الوجه سمنة كمان مرة.

— بعد الشوي مباشرة بتصبي قطر ثقيل سخن بيغلي .

خامساً/التقديم

قدميه باااارد مع فنجان قهوة بعد الفطور بالسهرة شي خرافي ، حلو مفتخر وزاكي جدا وصحة وهنا.

84 تعليقاً

  1. ههههههههه عملتها اول رمضان طبعا الطعم كان دمار…جد بيشههههي. وحشيتها جوز ..
    عملتها ع طريقه ام احمد

    بس التقطيع الله لا يورجيكي .. هههههههههه 😂😂 طلعت وردة افريقيه اكلة للبشر ههههههههه 😂😂😂 بس وردتك اسم الله تقولي جوري ههههههههه

    ربي يباركلك ويسلم دياتك ويعطيكي الصحه ياقلبي ⁦❤️⁩⁦❤️⁩ اللهم بارك اللهم امين

  2. مااا شاااء الله ….
    ما في كلام يوفيكي حقك بالشغل الحلو والمتقن يلي بتعمليه وبتقدميه
    يسلموو دياتك ..زتيلك اكمن حبه بعد الفطور ..جاي عالبالي شي حلوو
    😄😄😄

  3. لا هيك كتير لا بندوق لا لا حرام والله حرام أنا دوبت على الصور كيف لو كانوا قدامي أه 😍
    ما شاء الله عليكي حبيبتي روووعه أللهم بارك
    بارك
    بارك❤🌷
    ربي يسعدك يارب ويجزيكي الخير لى هالمجهود الرائع والتعب كله في ميزان حسناتك إن شاء الله روووووعه😙

    • ههههه وانا ضليت اجرب انواع واشكال
      وللامانة اريح وحدة عجينة السائلة بالفرشاية سهله وسريعه وما بتعمل فوضى ، بس انه في فرق بينهم هاي العجينة الها سماكه ملحوظة صح هيه خفيفة بس برضه يعني اسمك من عجينة الفرشايه ، الفرشايه خفيييييفة وهششششه جدا ولك الخيار.

  4. والله يا ام جاسم بغض النظر عن الابداع والمهارة بشغلك والفن
    اسم الله عليك والله يحفظك
    بحكيلك الله يديملك صحتك يااااااارب انتي وكل ست بيت بتنزل وصفاتها او لا بتزبط معها الوصفة او لا

    • الله يعافيكي ويسعدك يا رب

      شوربة الفريكة
      بتجيبي فريكة ناعمه شرط ومنقيه ومغسولة
      وبتقلي بصلة ناعمه مع زيت زيتون وبتضيفي الفريكة عليها بس تصير ذهبيه البصلة وبتضيفي كركم وفلفل وملح وبتحركي وبتقلبي مزبوط بالزيت بعدين بتزيدي مي بتغلي لازم كمية كبيرة تكفي شوربة يعني تقريبا كوب الفريكة بده 5 كوب مي بتغلي وبتتركيها تغلي بتطول هيه عالنار لانها قاسيه بس تغلي بتوطي الغاز وبتغطي الطنجرة بدها حوالي ساعة حسب نوع الفريكة .
      وصحة وهنا
      انا ما بضيفلها خضار بالمرة في ممكن اضافة جزر مكعبات صغيرة وبطاطا وبقدونس بس انا مابحب بعملها سادة.

  5. والله يا خالتي ام جاسم كثير بتغلبي حالك عشان احنا نتعلم وتخلينا في بيتنا ستات معدلات الله يخليكي لولادك و يخليهم الك يا رب ..والله انك شيف موهوبة ..تبارك الله👍👍❤❤

  6. بسم الله ماشاء الله عليكي يا ام جاسم عنجد مش عارف شو اكتب واعطيكي حقك انتي فنانه بالمطبخ ربي يباركلك بصحتك وعافيتك ويبارك بعيلتك فيكي

  7. بسم الله ماشاء الله جد رووووووعه منظرها بشهي يسلمو ايديكي حبيبتي ام جاسم والله يعطيكي العافية ع جهودك الأكثر من رائعة لأنك جد بتعملي شغلات صعبة وتخليها سهلة باسلوبك وشرحك 😘😘😘😘😘

  8. ماشاء الله تبارك الرحمن ابداع ورا ابداع اللهم بارك الله يحفظك ويعطيكي الصحه ويحفظلك عيلتك يا رب😘❤ 😘
    يسلمو اديكي شكلها كتييير زاكيه وبتشهيي 😘

  9. يسلمو اديكي حبي ام جاسم عنجد بتشهي وانا الي من اول رمضان وانا بفكر اعمل بقلاوة وشكلي مع هالمنظر رح اتشجع😋😋😙😙😙😙😙😍😍😍😍

  10. يمي يمي بتشهيييييييييي كتييير 😍😍😍😍😍
    وعن قريب ان شاء الله راح اجربها بس لأنه ماعندي طحين

    وفكرة عملت كيكة زاكي وكانت رهيييييييييييبة وكريمة القشطة فظيييييعة
    يسلم اديكي حبيبتي عكل شي بتقدميه لأنك انت مدرسة
    ماشاء الله عنك وكل زاكي بيتعلم منك
    الله يجزيك الخير ويشفي ابنك ان شاء الله عن قريب

    • واديكي ياارب
      والف صحة وهنا على قلوبكم يارب ويعطيكي الف عافية.
      وربي يحفظك ويسعدك ويفرحك باولادك
      نورتي الوصفة ونورتيني

      اللهم امين ربي يشفيه ويشفي كل مريض

  11. يسلممووووو كتير كتير والله يعطيكي الف عافية يا رب ولازم اجربها شكلها روعة والله يجزيكي كل خير يا رب 😘😘😘😘😘😘واحلى اشي جنون الليل بساعات الليل الانسان ببدع فيهم

  12. ممكن أسألك أم جاسم هسا اذا انا عملت العجين وجهزتها ل آخر خطوة الي هي ل درجة العجين الشفافة بقدر احفظها في الفريزر ل وقت الاستخدام بانتظار ردك

  13. ما شاء الله يا ام جاسم صدقا مو عارفة شو احكي ربي يبااركلك 👏👏👏👏👏😍😍😍😍
    😘😘😘
    يسلم ايديكي وصحة وهنا ربي يحميكي لعيلتك ويهنيكي يا قلبي 💋💋💋💋

  14. ماشاء الله عليكي أختي ام جاسم والله الواحد بيحتار شو بدويعلقلق سميتك ملكه زاكي وهسه احكيلك انتي موسوعه الله يباركلك وتضلي تتحفينا بطبخاتك

  15. الله عالجمااااااال والاتقان والابداع يا ملكة😍
    مميزة ومتألقة بكل شي بتقدميه
    حبيتهم كتييييير وشكلهم بجنن والشغل قمة الرتابة تبارك الرحمن😀
    ربي يسلم اناملك اللي بتلتف بالحرير وتضلي تتحفينا بوصفاتك الرائعة خاصة اللي بتعمليهم بالليل هههههه
    احلى جنان 😍
    وهنا والف عافية ياقلبي

اترك تعليقاً

لن يتم نشر عنوان بريدك الإلكتروني.