صينية دجاج بالبصل والسماق وزيت الزيتون ولا اطيب..ملكة رمضان

43 5٬345
 

صينية دجاج بالبصل والسماق وزيت الزيتون ولا اطيب..ملكة رمضان

صينية دجاج بالبصل والسماق وزيت الزيتون ولا اطيب..ملكة رمضان

صينية دجاج بالبصل والسماق وزيت الزيتون ولا اطيب..ملكة رمضان

صينية دجاج بالبصل والسماق وزيت الزيتون ولا اطيب..ملكة رمضان, معكم صديقة زاكي الشيف الموهوبة , اليوم اكلتنا سهله وبسيطه اذا عندك اله لتقطيع البصل ما رح تتغلبي ابدا ولا حتى تنزلي دموع صينيه البصل بالسماق والفلفل الاسود كتير طيبه تقريبا مسخن بس بدون خبز معها الخبز هون عادي بتغمس تغميسيلى نشوف الطريقه

المقادير

  • دجاجه او اكثر حسب افراد العائله
  • خمس رؤوس بصل كبيره الحجم
  • زيت زيتون معلقه كبيره
  • ملح
  • معلقه فلفل اسود
  • ورق غار
  • هيل مطحون
  • كاري
  • سماق
  • زنجبيل مطحون ملعقه صغيره

الخطوات

بسم الله الرحمان الرحيم

رمضان كريم جعلكم الله من عتقاء هذا الشهر العظيم

اول شي يا حبايب قلبي بنحضر الداح يلي نضفناه كويس وبنركبه على النار وبنضيفله الملح والفلفل والبها والهيل وورق الغار والكاري وشوية عصفر وبنغمره بالمي وقبل ما يستوي بنملحه وبنتركه يكمل استوائه

فيي هذه الاثناء بنكون فرمنا البصل اما عادي او جوانح حسب رغبتكم انا فرمنه عادي

في طنحره ضغيره على النار بنضيف زيت الزيتون والبصل ورشة ملح لما يتذبل شوي بنضيفله بنضيف بقية البهاراو وبنغطي عليه لمده خمس دقائق حتى يتذبل مزبوط وبنضيفله السماق وبنحركه بعد ما يتحانس البصل مع السماق واشعر انه استوى بطفي الغاز وبحضر صينيه نظيفه بدير فيها البصل وبظيفله شويه من شوربة الدجاج شوي صغيره وبفرد البصل بالصينيه وبضع الدجاح فوقه وبدهنه بشوية زيت وبدخله للفرن الحمى مسبقا حتى يتحمر وبقدمه مع اي شي بحبه مثل الشوربات السلطات والمخللات طبعا بالاضافه الى الخبز الساخن….والف صحه وهنا يا رب تعجبكم هذه الطريقه

ربي يكرمكم ويسعدكم في هذا الشهر الفضيل يا امرات ما تنسو تشجعوني لانه عملي خالص لوجه الله

يمكن حد يستفيد في يوم من الايام من اي وصفه بنقدمها وتكون هي المنجيه

استودعتكم للحي القيوم الذي لا تضيع ودائعه

43 تعليقات
  1. لبنى :

    حطي معها فطر ازكى بتطلع..يسلمو ايديكي

    1. غزال :

      فطر 🍄🍄🍄🍄😂😂😂

    2. لبنى :

      ليه بتضحكي….عيب عليكي…عنا هاي باربد مشهورة كثير

  2. رشا رشا :

    روووعه وبتشهي وبتفتح النفس يسلمو اديكي حبيبتي ام علاء ما شاء الله عنك الله يباركلك بصحتك وتعبك يا رب يعطيكي الف عافيه الف صحه وهنا عقلبك يا غاليه ❤❤😘😍

  3. ام دينا :

    روعة بتشهي منظر يجوع عاشت الايادي

  4. ام عمر :

    يعطيكي العافية ويزيدك من نعيمو يارب صحة وعافية يسلموا ايديكي

  5. 💠أم جاسم💠 :

    ما شاء الله روووعة وشكلها بفتح النفس
    يسلم اديكي ربي وصحة والف هنا

  6. ام علاء ابو يحيى :

    ربي يسعدكم ويكرمكم لبنى حبيبتي هاي الاكله متل المسخن بالزبط بس بتتغمس بالخبز العادي ما بحطلها فطر ابد بحطه احيانا مع صينية الخضار

    1. لبنى :

      بس جد جربيها بالفطر…كثييير زاكية

  7. 💓شامه💓 :

    اسم الله عليكو يا شيفات مبدعين
    الله يسلم ايديكي يارب والله فتحت زاكي بدي دور عل هيك طبخه
    اجت بوقتها ان من عشاق البصل مع الدجاج الى الامام

  8. ام علاء ابو يحيى :

    صحه وهنا شامه كثير طيبه واسعدتيني انك بدك تعمليها مع الشوربات والسلطه واللبن والمخلل بتشهي

  9. اولادي سعادتي ( ام آدم) :

    الله الله عليكي يا ام علاااااء شووو هاد بعشقها هالاكله 😋😋😋. بس جوزي ما بحبها 😭😭

    تسلم ايدك حبيبتي روووعه 😘😍

  10. إم مصطفي 😉 :

    روووعاتك خالتو ربي ما يحرمنا منك ومن هالوصفات الحلوه ما شاء الله صحتتتين وألف عافيه يااا رب ❤😙🌷

  11. ناديه :

    الله عليكي شو معدلة بتشهي ومنظر روعة تسلم اديكي…

  12. ام علي🌸A🌸 :

    يسلمو اديكِ عهالاكله الخطييييرة
    وياسلااااام لو معها صحن ملوخيه😋😋😋😋

  13. أم عبدالله الفارس :

    تسلم الأيادي إن شاء الله حبيبتي و بألف صحة و هنا عليكم

  14. ام علاء ابو يحيى :

    والله يا ام علي كان نفسي بس انغلبت بالوقت كان عندي مشوار ما لحقت اعملها
    اشكركم على كلامكم الطيب مثلكم ربنا يكرمكم جميعا

  15. ربى :

    زاكي

  16. 🍒أم محمّد🍒 :

    يسلموو دياتك ام علاء كثير مبين عليها طيبه
    صحه وعافيه

  17. ريحانة🌿 :

    تبارك الله .. من أشهى الأكلات وأجملها للعزايم واجتماع الأحبة
    يسلم دياتك غاليتي🌹

  18. نائلة :

    فعلا زاكيه كتير يسلمو

  19. نهلة الزعبي :

    بشهي تسلم ايدك

  20. ام البنات :

    هلا خالتو ام علاء طبختك هاي بتجنن وبسيطه ما بتغلب ..عليكم بلعافيه …

  21. لين :

    ربي يسلمهم دياااتك منظرها بشهي وفعلاً هالأكله كتييير زاكيه الله يباركلك ياست الكل😘💞🌷

  22. هبوشة :

    حبيبتي يسلمو ايديكي 😘😘
    انا بموت عليها 😋😋😋😋
    طبختي المفضلة

  23. ام لورانس :

    يسلموا إيديكي.. منظرها روعة بتشهي

  24. 🌷 ورود الامل ⚘ :

    الله يبارك فيكي وبعمرك ويجعلنا واياكم من عتقاء جهنم يارب

  25. ام ايهم :

    يسلم ايديكي و عينيكي على هالاكله لسه امبارح بحكي لحماتي و سلفتي كنا نعمل المسخن زمان و نغمسو بالخبز هسه بطلنا.بس من الاكلات الروعه

  26. ... :

    سوزان🌹
    يسلمو ايدكي حسيت حالي اكلت من طبخك من نفيك الطيب بالاكل .الله يجعلنا من عتقاء هذا الشهر والله يتقبل منك الصيام والقيام

  27. اردنيه😂😂 :

    ام علاء كل اشي من تحت اديك تحفه واله رونق خاص يسلموووو دياتك ❤❤❤❤

  28. ام علاء ابو يحيى :

    ربنا يكرمكم ويبارك فيكم واشكركم على تعليقاتكم اللطيفه مثلكم
    اشتقنالك اردنيه طولتي الغيبه

  29. dina :

    ممممممممممم بتشهييييي يسلمو هالايدين يارب اكله مشهيه وطيييييبه❤😘🌸

  30. ام عبودددددد :

    ياسلام شوبحب هالاكلة كانت امي واحنا صغار دايما تعمللنا اياها بموت فيها ونفسي اعملها وتطلع زاكية زي الي مامابتعملها يسلمو دياتك

  31. نيللي جادالله :

    كتير مبين زاكي تسلم ايديكي رمضان كريم

  32. om hasn :

    يسلمو اديكي عنجد بتشههههي 😍😍😍😙😙😙😙

  33. أم عبد الرحمن ولين 💗💗 :

    ياعيني ياعيني
    شو هالوصفات الحلوة ياغالية
    وصفة لذيذة كتييييير
    يسلم اديكي حبيبتي

    واستقتلك كتيييير حبيبتي طمنيني عنك وعن الوالدة
    كل عام وانت وعيلتك واحبابك بالف الف خير

  34. ام علاء ابو يحيى :

    ىبنا يكرمكم جميعا كلكم ذوق حبيباتي
    ام عبد الرحمان الغاليه الله يسعدك حبيبتي وانا اشتقتلك كثير وين بتغيبي عنا الله يهدي بالك حبيبتي والوالده بتسلم عليك ربنا يلطف فيها ويقويها ويثبتها ويشفي جميع المرضى واشكرك على السؤال يا اميره

  35. ام ناصر :

    بشهي يسلمو

  36. رولا :

    يسلم ايديكي صحة وعافية حبيبتي خالتو ام علاء ما شاء الله 😍😇😇😍
    😘😘😘😘
    من الاكلات الطيبة بتشههي
    اللهم باارك 👏👏👏😍😍😍

  37. ام علاء ابو يحيى :

    حبيبتي رولا وام ناصر الله يسعدكم ويبارك الكم جربوها سهله كثير وطيبه

  38. عطر💖 :

    روعه … وبعشق البصل بكثرته يسلمووو هالايدين

  39. […] صينية دجاج بالبصل والسماق وزيت الزيتون ولا اطيب..ملكة ر… للشيف أم علاء أبو يحيى […]

  40. منى :

    يسلمووو دياتك
    وصفتك هاي كانت المنجية الي اليوم 😄
    عنجد انت راااائعة

اترك رد

لن يتم نشر عنوان بريدك الإلكتروني.