img
الرئيسة / معجنات / خبز رمضان السوري خرافي سلسلة وصفات حول العالم 8 ملكة رمضان

خبز رمضان السوري خرافي سلسلة وصفات حول العالم 8 ملكة رمضان

/
/
/
2530 مشاهدات

 

خبز رمضان السوري خرافي سلسلة وصفات حول العالم 8 ملكة رمضان

خبز رمضان السوري خرااااافي بشكل لا يوصف من "سلسلة وصفات حول العالم" ♡8♡ ملكة رمضان

خبز رمضان السوري خرافي سلسلة وصفات حول العالم 8 ملكة رمضان

خبز رمضان السوري خرافي سلسلة وصفات حول العالم 8 ملكة رمضان , معكم صديقة زاكي الشيف الموهوبة , السلاااام عليكم ورحمة الله وبركاته يما لو تعرفو شو متحمسة لهالوصفة وقديه تعبت عليها وقديه رح اهلك بكتابتها ههههههه اذا مابتدعولي دعوة حلوة متل هالمعروكات بدي بطل اعركلكن وها وهي حردت دعيتولي كمل ولا ضل حردانة؟؟ والله أمورات انتو بعرف دعيتولي لهيك أمري لله رح كمل ههههه سمعو لقلكم انا لما كتبت بالعنوان خرافي يعني فعلاً خرافي وأعتقد هاد أقل وصف ينقال للأمانة أنا جربت قبل وصفات لهالخبز وبالنهاية ما اعتمدت إلا عهالطريقة لأني عطتني النتيجة المرضية المكملة اللي بتفش الخلق لهيك متمنية تجربوها لأنها بتعطي أجواء رمضانية رائعة ورح تبهرو فيها كل اللي حواليكم ورح يسألوكم من أي مخبز جايبينها ههههه جربوها عالسحرو والفطور وفي كل زمان ومكان وتعو يلا نبلش بالمقادير♡

المقادير

  • للعجينة:
  • كوب ماء دافئ
  • كوب حليب دافئ
  • ربع كوب زيت نباتي
  • ملعقة كبيرة خميرة
  • نصف كوب سكر (إذا بدكم حلوها خفيف واذا بدكم تحلوها اكتر خدو اصبعتي هههه قصدي حطو سكر اكتر مثلا ثلثين كوب) دخيل الله عالتواضع
  • ملعقة كبيرة محلب
  • رشة ملح
  • طحين حسب الحاجة المهم نوصل لعجينة ملمومة بتلزق شوي ممكن تحتاجو بين 3 او 4 اكواب طحين او حسب الطحين اللي عم تستعملوه
  • قطرات من ماء الزهر
  • لو حبيتو تحشوها فممكن تحشو شو مابتحبو ممكن جوز هند وزبيب وممكن شوكولا وسدقوني السادة أطيب شي
  • لدهن الوش:
  • صفار بيضة
  • ملعقة كبيرة حليب
  • ملعقة صغيرة خل
  • بدنا ماء مغلي للتبخير وهون سر النجاح والقوام المثالي للعجينة

الخطوات

☆بسم الله الرحمن الرحيم☆

الوصفة رائعة وسهلة ومكوناتها بسيطة ومتوفرة ومافيها أي تعقيد

أول شي منحط الحليب والماء الدافيين ومنحط معهم السكر والخميرة ومنحرك ليدوبو مع بعض

منحط نصف كوب طحين ومنخلطو معهم منيح ومنغطي الجاط شي ربع ساعة ثلث ساعة ليختمرو ويتضاعف الحجم

هلأ بقى منضيف الطحين بالتدريج ومنخلط ولما نوصل لقبل آخر دفعة طحين منضيف معو المحلب والملح وآخر دفعة طحين منحط قطرات من ماء الزهر

(صحي ماتنسو ترشو طحين بالأنحاء متل العادة) ومنعجن كل شي مع بعضو وبس يندمجو منحط الزيت ومنعجن حوالي 8 دقايق منيييييح وبعدا منرجع نغطي الجاط ومنترك العجينة بمكان دافئ ليتضاعف حجمها وتصير جاهزة للتشكيل

هلأ صار وقت اللعب

التشكيل حسب مابتحبو وتحيا الديموقراطية

ممكن ترققوها وممكن تسمكوها

أنا رققت المحشيين كتير وسمكت السادة

المحشية بمدها وبحط عليها الحشوة وبسكر الأطراف على بعض وبرجع برقها والسادة تسلملي عينها مالها سئلة بنوب بس عملو كرة ومدوها بشكل مدور

انتبهو ماتسمكوها زيادة لأنها رح تنفش كتير ها *ماتقولو ماقلتلكم*

يعني متل مو شايفين انا يمكن عاملتا بسماكة واحد ونص سانتي يادوب وبعد الخبز شوفو قديه نافشة حبيبة قلبي

وهلأ رح نحكي عن الحيلة السحرية اللي رح تعطي الخبز هشاشة ماحصلتش

بعد مانشكلهم منحطهم بالصواني ومندهن الوش بخليط صفار البيض ومنرش سمسم وحبة البركة اذا حبينا

وهلأ بقى منجيب جاط منصب فيه ماء مغلي ومنحطو بأرضية الفرن ومنحط صينية الخبز عالرف الأعلى بالفرن والفرن مطفي طبعاً اصحكم تشغلوه

سكرو باب الفرن وتركو الخبز يختمر بطريقة التبخير ورح تلاقوه بعد نص ساعة نفش منيح

وأعتقد واضح معكم الفرق بالصور قبل التبخير وبعد

بس تمشي النص ساعة بحال سبيلها بتشيلو جاط الماء المغلي وبتنزلو صينية الخبز عالرف الأوسط وبتسكرو باب الفرن وبتشغلو من فوق وتحت وشغلة كم دقيقة بصير عندكم أروع خبز طري بشكل رهيب ولذيذ كتييييير

ان حبيتو تدهنوهن بالقطر دهنوهن وان ماحبيتو فعادي جدا ومو لازمو أي شي وحبيناكم حبونا وبرمضان عزمونا،، وان عملتو حالكم مو شايفين بتكونو قفشتونا ((اللي لحنت تحطلي قلب ههههههه))

قدموه لجيرانكم وحبايبكم بمناسبة الشهر الفضيل واعتبروني من حبايبكم عادي يعني والله مابزعل ههههه

وهلأ حبيباتي أستودعكم الله وماتنسو تدعولي بالبركة وبكل شي حلو متل مابتمنالكم كل خير دايماً وجربوه حبابات اي

اي؟

ماعم اسمع علو الصوت

نمتو بعرف وأنا رايحة نام كمان

بحبكم قد الدنيا

91 تعليقاً

  1. هههههههههههههههههههه الي بتتعاطييييه قووووووي ولييييييي شوووووو قووووووووي 😂😂😂😂😂😂😂

    اول شي خبز رمضان يختلف عندكم عن خبزنا تماما ونحنا ما بجي محشي بالمرة ..يلي بيجي محشي اسمو كعك بالتمر 😆

    تاني شي الله يهديكي ههههههههه قاعده تلعبي اعوذ بالله 😊 ههههههههه

    ثالث اشي .. هههههههههههههههههههه لقيتك فجاه طالعه من باب الحارة لمن كان يبيعووو اكل الملوك يا معرووووك ههههههههه واول مرة بفهمها منك 😂😂😂😂😂

    ورابع شي ربي يعطيكي ليرضيكي ويباركلك بجوزك ..ويهبك الذريه الصالحه يارب العالمين ..ويعطيكي عقد ما انتي مرحه ونغشه وحبابه

    منيح هيك ..خلص ..هديتي 😂😂😂😂😂😂

  2. يسلم دياتك يا روح الروح حبيبة قلبي اسم الله حافظك بشههههي المنظر خرافي وانا جعت حرام عليكي افتحيلي الباب خليني اخد قطعة واشرب فنجان قهوة واروح 😂😂

  3. عن جد دماتك خفاف وظريفه وخبزاتك مثلك حلوين ربي يعطيكي الذريهةالصالحه يا نور يا نواره وترجعي ع سوريا وتعزميني على كبه

  4. تسلم ايدياتك حبيبتي نور
    انا من ليبيا وجربت الخبز التركي خبز رمضان ع طريقتك طلع يجنن ومنظروا رووووووعه شكرا كثييييير

  5. والله ماحدا. خراااافي غيرك….يعطيك العافيه..
    صح احنا بكون ساده مش محشي عنا. وطعمه مميز وطيب لانه موسمه بهالشهر الفضيل…

    وبدعيلك الله يجبر خاطرك باللي بتتمنيه عن قريب

  6. كالعادة ابدعتي حبيبتي نور…اسأل الله العلي العظيم ان يجر خاطرك عن قريب ويعطيكي ويرضيكي..وراح احطلك قلب لأن لحنت الاغنية❤😂😂😂😂😂

  7. بسم الله ما شاء الله لا قوة إلا بالله
    أسأل الله العظيم رب العرش العظيم أن يسعدك سعادة الدارين وأن يغفر ذنبك وأن يرحمك رحمة يغنيك بها عمن سواه وأن يؤتيك سؤلك ويرزقك صلاح البال والحال .. إنه قريب مجيب🌷

    وبتمنى أشوفلك كتاب خاص بوصفاتك يليق بجمالها الساحر .. اللهم بارك

  8. وووووليييييييي على ئمتي انا ولي ولي شو رح غط ع ألبي من هالمنزر اي شووووو هالمعروكاااات بياااااخدو العئل يئبشش ألبي النش ولك روووووحي وهي احلى ألب عشان اللحن لعيونك❤ ههههههههههه
    عنجد عنجد عنجد طلع زيادة حلاتو مع اصبعتك 😂😂😂😂😂

    لك يسلملي المعدل انا الف صحة وهنا يا رب ربي يجبر بخاطرك ويسعد ألبك متل ما بتسعدينا بهالكلام الحلو والوصفات الزاكية متلك 😙😙😙😙😙😙😙😙

  9. ما شاء الله عنك نور بتجنني انتي وخبزاتك الحلوين طالعين بشهوا من تحت دياتك الله يجزيك الخير على تعبك وربنا يفرحك لاني عمر ي ما قراتلك وصفه الا ابتسم واحنا بنحبك يا احلى نواره💖💖

  10. له له كل شي ولا حرادانك يانوااااره ربي يسعدك ويجبر بخاطرك وينولك كل الي ببالك ويعلي مراتبك اعلى وأعلى ياااارب لانك ماشاءالله عنك مبدعه وفنانه وشيف بمعنى الكلمه وبتستاهلي كل خييير 👌

    اسكتي بقرأ وبلحن هههه وانا بضحك وزوجي مبحلق فيي 🤭 حتى القطاعه حلوه زي صاحبيتها 😍😘

    وهلأ نيجي للوصفه بتشهي وبتفتح النفس ربي يسلمهم هالدياااات الي بتقلوا بالذهب 😘🌷💞

  11. ماشاء الله بشهيييييييي ولذيذ ،،، تسلم ايدك 👍
    ههههه وانا لحنتها كمان❤😆
    الله يحفظك، ويرزقك يارب، وينولك مرادك والجميييع اللهم آمين،،

  12. حبيبتي نور متل عادتك وصفاتك روعة وبتشهي وحتى وانتي بتكتبيلنا بطريقة الوصفة.. بتكون متقنة وشرح بالتفصيل متل اللي بيحكي لنا حكاية.. الله يعطيكي الصحة والعافية ويرزقك حبيبتي 😘😘😘

  13. ما شاء الله تبارك الرحمن روووعة فعلا شكلا وطعم خبز رمضان ما بينتسى وعفكرة انا لحنت كمان هههههه
    ربنا يبارك فيكي ويسعدك في الدنيا والآخرة ويحفظك وتضلي تتحفينا باكلاتك الرائعه مثلك يا نوارة زاكي.

  14. شو هيدا يا عيدا هههه انا لحنت والك احلى قلب ⁦❤️⁩مبدعه كالعادة ورتابه وتصوير انيق يعطيكي الف عافية ،،،،نور بدي اقلك انو جربت وصفتك شكريباره وطلعت كتير زاكيه يسلم ايديكي وكل الي داقها قالولي ازا بتحشيها شوكولاته بتتطلع تحفه شو رايك !؟

    • ههههههه حبيبة قلبي الله يديم الضحكة عليكي😙
      كتير فرحت انك جربتي الوصفة وممنونة لثقتك والله
      هنا وعوافي وبصراحة أنا ماجربتا بشوكولا بس بمكسرات طيبة
      وجربيها بشوكولا كمان اعتقد بتطلع طيبة ليش لأ😀

  15. يختي يختي ما ازكاها ياا ناس شو اعمل فيكي ئي هههههه انا لحنت وضحكت هههههه ❤
    💕💕💕💕💕
    اللهم باارك الله يحميكي يا قلبي وينولك يلي ببالك ويرزقك الذرية الصالحة ويهدي بالك احكي يا رب 😀😇
    👏👏👏👏
    وصفاتك مهضومين متلك يا عسسوولة 😘😄😄

  16. ما شاء الله عليكي حبيبتي شو أحكي أه خلص كل الكلام إلي عندي من وين أبدأ هههههه لذيذه
    خفيفه دم
    مهضوم
    مرحه
    زاااكيه
    عسووووله
    أموره
    ههههههه وكل الحلاااااا إلي بالكون أنتي ❤😙
    ربي يسعدك ويبارك فيكي ويعطيكي الصحه والعافيه وكل شئ حلو بالدنيا ويجمعني فيكي بالجنه يا عمري 🌹🌼

    • طب يعني اذا انا كل هدول انتي بينحكى فيكي شعر لكن😌
      ربي مايحرمني منك ويخليلي ياكي ويجمعني فيكي بالدنيا والجنة ان شاء الله لأنك من أطيب و أروع الناس اللي عرفتهم بحياتي
      انسانة بتجنني اللهم بارك وبتستاهلي كل خير
      ربي يحققلك كل شي بتتمنيه من خيري انيا والآخرة😄😙

  17. شكلهم رووعه ما شاء الله عنك يا عسوله يسلمو اديكي الله يباركلك وانا من ضمن يلي لحنو❤ 😂😂

    الف صحه وهنا 😘😘😍😍
    بانتظار اللحن القادم 😁😂

  18. انا مو لحنت وبس وعزمت حالي عليها عندك لانه اكيد انا من الحبايب 😁
    والحمد لله ياربي اطمنت ع الشمعات حبيباتي
    ليش اللف والدوران فعلا انتي معدله ونيال الجح ابو مرزوق فيك 😁

  19. يسلم دياتك نوراتنا منظرن بيشهي حسيتك قلبتي ابو غالب اطيببب من اكل الملوووك يامعروك ههههههههه ولسع اللحن احلا واحلا 😘😘😄

  20. يسلمو ايديكي حبيبتي شكلهم رووووعه واكيد حكياتك الأروع 😘😘😘
    والله لحنت وانا بقرأ غصبن عني 😁😁😁
    هههه حبيبتي الله يرزقك الذرية الصالحة يارب ♥️💖♥️💖♥️💖

  21. يخخخخخختتتتيييي ريتك تؤبشششششي البي ئبششششششش شووو انك بتجنني انتي ووصفاااتك وافكاارك الله يسسلم ايديكي وعينيكي ويعطيكي العافية يا رب

اترك تعليقاً

لن يتم نشر عنوان بريدك الإلكتروني.