شيخ المحشي او مغشي كوسا باللبن ملكة رمضان

62 6٬358
 

شيخ المحشي او مغشي كوسا باللبن ملكة رمضان

شيخ المحشي او مغشي الكوسا باللبن ملكه رمضان

شيخ المحشي او مغشي كوسا باللبن ملكة رمضان

شيخ المحشي او مغشي كوسا باللبن ملكة رمضان , معكم صديقة زاكي الشيف الموهوبة ,

المقادير

  • 2 كيلو كوسا حجم صغير
  • كيلو لحمه مفروومه ناعم
  • راس بصل
  • لتر لبن يوغرت او لتر جميد
  • مكعبين ماجي
  • معلقه صغيره بهارات لحمه
  • ملح
  • فلفل اسود
  • رشه صغيره كركم
  • لقلي حبات الكوسا:
  • زيت
  • للحشوه والزينه اختياري:
  • صنوبر

الخطوات

بسم الله نبدا

بالبدايه بنحوس اللحمه المفروومه مع راس بصل مفروم ناعم وبنضع عليهم البهارات والملح والفلفل الاسود وبس يستوو بنتركهم عجنب يبردو

و بنغسل حبات الكوسا وبنقورهم طبقه رقيقه شوي وبنقليهم بالزيت وبنطلعهم بمصفاي يتصفى كل الزيت الموجود داخلهم وبعد هيك بنبلش نحشيهم بحشوه اللحمه الي حضرناها مسبقاا وبنتركهم عجنب وبنيجي لاهم خطوه الي هيه تحضير اللبن

بنضع اللبن او الجميد مع معلقه صغيره نشا وكوب مي بالخلاط وبنظربهم كثير منيح وبعد هيك بنديرهم بطنجره وبنحطهم على الغاز مع استمرار التحريك وبنضع مكعبات الدجاج ورشه الفلفل الاسود والقليل من الملح ورشه الكركم وبس يغلي اللبن غلوتين بنسقط حبات الكوسا المقليه والمحشيه باللبن وبنخليهم يغلو تقريبا عشر دقائق

منشان يتغلغل اللبن حبات الكوسا وتسير طريه ونحصل على الطعم الرائع من مزيج الكوسا واللبن واللحمه المفروومه

ملاحضه بتقدر و تحشو حبات الكوسا باللحمه قبل القلي وبتقليهم وبنصفيهم منيح من الزيت بعد القلي بس انا عملت الطريقه الي تعودت عليها من امي الله يطولي بعمرها ويجمعني فيها عخير يا رب لانو اللحمه بتظل اطرا واطيب

ان شاء الله بتجربوها وبتعجبكم تحياتي الكم جميعا رشا ام احمد

 

عرض التعليقات (62)