طريقة الشيش برك ملكة رمضان

52 3٬296
 

طريقة الشيش برك ملكة رمضان

الشيشبرك ملكة رمضان

طريقة الشيش برك ملكة رمضان

طريقة الشيش برك ملكة رمضان , معكم صديقة زاكي الشيف الموهوبة ,

المقادير

  • ٣ كوب طحين
  • رشه ملح
  • ٢ م ك زيت نباتي
  • نصف الى كوب ماء ( حسب نوع الطحين)
  • الحشوة :
  • وقية لحمه مفرومه ناعم
  • بصله كبيره مقطعه مكعبات
  • هيل
  • فلفل اسود
  • ملح
  • بهار مشكل
  • زيت زيتون
  • اللبن :
  • كيلو لبن رايب
  • ١ م ك طحين
  • ماجي
  • كوب ماء ( يوضع بعد وضع الشيشبرك لانو رح يثقل )
  • للزينه :
  • ثوم مقلى
  • ربع كوب بقدونس مفروم ناعم
  • ربع كوب لوز محمص

الخطوات

كييييييفكم ياحلوين ….الله يمسيكم بالخير ويسعدكم …او يصبحكم….ما بعرف متى رح تظهر الوصفه ههههههههه

الشيشبرك يمكن الو عده طرق بس رح اقدملكم طريقتي

نخلط للعجينه المواد الجافه معا ثم نضيف الماء تدريجيا للحصول ع عجينه غير. لاصقه …نريحها ربع ساعه ونغطيها ….

بهالاثناء نعصج اللحمه ..بوضع الزيت والبصله معا حتى تذبل نوعا ما ….ثم اللحمه وبس تنضج نضع الملح والبهارات والفلفل والهيل

عندما تبرد نبدا بحشي الشيشبرك … بفرد العجينه بالشوبك ثم نقطعها دوائر …ونحشها ونسكرها متل القطايف ….ثم نلف الطرفين ع بعض ليصبح عنا شكل الشيشبرك

وهييييييك لنخلص الكميه كلها

نضع اللبن بالخلاط وعليه م ك طحين ونخلط جيدا…..ثم نضعها ع الغاز مع التحريك المستمر …لانو بيفرط بدون تحريك ……عندما يغلى نضع بكيت الماجي

ثم نبدأ باسقاط حبات الشيشبرك متباعدة عن بعض…لنخلص ..طبعا ممنوع تحريك الشيشبرك

بس يبلش اللبن يثقل نضيف كاسه الماء ..وممكن نحتاج اكتر .. حسب كيف بترغبوه …نحنا بنوكلو ثقيل لانو ما بنعمل جنبو ارز ..متل اغلبكم

بدو تقريبا عشر دقائق وبكون تمام التمام

يزززين بالثوم المقلى واللوز والبقدونس

ويقدم ….. بالف هنا وصحه قلبوشاتي الحلوين *****

52 تعليقات
  1. إم مصطفي 😉 :

    روووووعه يا حب ما شاء الله عليكي حبيبتي تسلمي يا رب وصحتتتين وعوافي يا رب شهتيني والله شكله بيفتح النفس رائع😍😘🌼

    1. يسعد قلبك ياعمري والله انا بنبسط بس اشوف تعليقكك ربي يجزاك الخير ويناولك الي ببالك ياروووحي⁦❤️⁩

    2. إم مصطفي 😉 :

      يا عمري تسلمي يا رب وأنا بنبسط أكتر لما أشوف وصفه إلك والله ❤😍😘😘

    3. يسعدوووو 😘😘😘

  2. ام اصيل :

    يا سلاااام عليكي الله يسلم ايديكي وعينيكي يا قلبي ويعطيكي الف عافية وصححتيين والف هنااااا على قلبكم يا رب

    1. حبيبتي ربي يسعدك ويبارك فيك الله يهنيكي بعمرك ويعافي قلبك ورووحك ياقلبي 😍

  3. أم حسنين :

    روووووعة ماشاءالله ابدعتي يا قمر…..🌷🌻😍😘

    1. كمرووورك الرائع حبيبتي يخليلي اياكي يا ام الزوووق ⁦❤️⁩

  4. الاميره$ :

    بموت فيها الاكله هاي يسلمو ايديكي

    1. تحبك العافيه ياقلب 😍😍 ربي يعافي قلبك ورووحك ياقلبي 😍

  5. ام عمر🥞❤ :

    ما ازكاها. صحتين وعافيه.

    1. لقلبك ياعمري الهنا والعافيه 😍😍

  6. لين :

    ربي يسلمهم دياااتك روووعه ما شاءالله وبتفتح النفس الله يباركلك يافمر😘💞🌷

    1. حبيبتي طمطومه واسمحيلي دلعك واحكيلك طمطومه متل كل الصبايا هون 😘😘😘😘

      تسلميلي حبيبتي يا ام الزوووق انتي😘

    2. لين :

      ههههه حبيبتي خدي راحتك ياعسل اساساً هيك الكل بناديني 🤭😘💞

  7. رشا رشا :

    اللهم بارك يسلمو اديكي يا عسل
    وصفاتك رووعه ونفسك الطيب طاغي اللهم بارك
    الف صحه وهناا يا رب يسلملي المعدل انا 😘❤

    1. حيييياااااااااتوووو لقلبي من بعدك انا يارووووحي ولك انتي الاساس والباقي شنت وكياس هههههههههههههههههههه 😂

  8. ام يقين :

    صحتين يممم ابدعتي😋😋

    1. عقلبك يارووحي تسلميلي حبيبتي⁦❤️⁩

  9. هبوشة :

    شكلو بشهي نفس طريقتي بس انا بحطو شوي بالفرن وبعدين ع اللبن وبعملو بطحين اسمر😋😋
    يسلمو ايديكي يا عسل 😘😘😘

    1. كم انتي رائعه هبوشه 😍😍😍 تسلم ايدك ياعمري اكيد بيشههههههي منك ياروووحي ⁦❤️⁩

    2. هبوشة :

      ياقلبي انتي الأروع وتسلميلي يارب
      شو انك مزوقة وعسل 😘😘😘😘

    3. حبيبه قلبي 😘😘

  10. بسام :

    الله يحميلك اولادك يا رب

    1. تسلميلي يا قمر 😍

  11. ام علاء ابو يحيى :

    ما شاء تبارك الله ر وووووعه الله يسلم هالايدين

    1. تسلميلي حبيبتي ربي يسعدك ويوفقك ياقمر😘😘

  12. om hasn :

    يووووويل قلبي يا تسووو جاية ع الوجع والله انو ببالي كتييير زااااكية هالاكلة بس المشكلة الجو حامي مو مساعدني اعملها يسلم هالايدين يا قلبي 😙😙😙😙😙😙💖💖💖💖💖

    1. ههههههههه والله انتي يلي كرشك كبيررر 😂😂😂..اه والله شوب والصور هاي قديمه عندي بس حبيت اشارك فيها للمسابقه

      تفكريش اكلت من وراكي 😂😂

      حبيبه قلبي الغاليه يسعدلي قلبك ورووحك ياقلبي 😍

  13. 💠أم جاسم💠 :

    ما شاء الله شغلك مرتب ومتقن
    والشيشبرك بتشهي من تحت ايدك
    تبارك الله مبدعة
    يعطيكي العافيه وصحة وهنا

    1. يعافيكي حبيبتي ويبارك فيك .والله رايك بهمني يا ام جاسم ربي يسعدك 😘😘

  14. ام علي🌸A🌸 :

    يسلمووو الايدين عهالاكله الطيبه….
    ياسلام شووو بحبها

    1. تحبك العافيه ياقلبي 😍😍…ويعافي قلبك وروووحك حبيبتي

  15. ريحانة🌿 :

    صحتين وهنا💗 وتسلم الأيادي المعدلة👍🌹

    1. لقلبك حبييتي 😍😍 ربي يبارك فيك 💋

  16. رولا :

    كل وصفاتك زاكين وبجننو اللهم باارك 😄😄
    👏👏👏
    يسلم ايديكي صحة وعافية حبيبتي 😍👏👏

    1. تسلميلي حبيبتي ⁦❤️⁩⁦❤️⁩ ربي يسعدك من زووقكك ياعسل 💋

  17. تسلم ايدك منظر تحفههههه بجنن وشرح مفصل ..بدي صحنوون صغير

    1. ولووووو مووو تكرم عينك ياحب ⁦❤️⁩⁦❤️⁩ يخليلي الزوووق كلووو انا 😍😍

  18. 💖نور أحمد💖 :

    ششبركاتي سعادتي😁
    يما الحب يماااااا شي بنغمش القلب
    تبارك الرحمن ابدعتي ياعمري ولذيذين كتير 😍
    بس طمنيني عالغسالة
    وينا ماعم شوفا هالأيام😂

    1. هههههههههههههههههههه 😂 يا مكيوووودة 😝😝😝😝😝

      عشان انا بقدر اعمل سيلفي والغساله خلفي وانتي ما تقدري 😂😂😂😂😂😂

      منيحه وبتسلم عليكي الله يخليلي اياها ويسعدها زي ما هي مريحيتني هههههههههههههههههههه 😂😂😂

    2. ههههههههه ربي يهنيكي ويسعدك يارب العالمين⁦❤️⁩ ويبارك فيك 💋

  19. هبة :

    يسلم ايديكي حبيبتي👌 الشيشبرك طالع غير شكل من تحت دياتك يعطيكي الف عافية 😘 شهيتيني عليه والجو عنا كتير شوب ماخرج يتاكل😢😐 بقا بعتيلي صحن الله يرضى عليكي بتكسبي ثواب فيني😛😢

    1. ههههههههه ونحنا عنا شوب ..هاي طبخه قديمه عندي ونشرتها ههههههههه 😂 ربي يسعدك ويبارك فيك 💋⁦❤️⁩⁦❤️⁩

  20. 🍒أم محمّد🍒 :

    يسلموو دياتك شكلها ولا اروع من هيك
    صحه وعافيه

    1. حبيبتي ربي يسعدك متلك حلوة يا قمر 😍

  21. am sara :

    يمييييي اعزميني عليهااا زاكييي صحه وهنا يارب يسلم اديكي يارب

    1. ههههههههه مو تكرم عينك احلا طبخه شيشبرك ياحب ولوو ..ربي يهنيكي بعمرك حبيبتي 😘

    2. am sara :

      تسلميلي بيتك عامر بوجودك ياقلبي ما بتقصري

  22. عطر💖 :

    ياي شو بحبه يسلموووو

  23. ام محمد القريوتي :

    يسلمو اديك انا متل طريقتك بس بحب اقلي الششبرك قبل ما احطه في اللبن بطلع اطيب وما بعجن في ناس بحمروه بالفرن برضو زاكي

  24. nana nado :

    سلم ديااتك.روعه هلا حالا عم طبق الوصفه 👍👍👍👍

اترك رد

لن يتم نشر عنوان بريدك الإلكتروني.