img
الرئيسة / أطباق رئيسية / الكبسه بطريقتي ولا ألذ ملكة رمضان

الكبسه بطريقتي ولا ألذ ملكة رمضان

/
/
/
1883 مشاهدات

 

الكبسه بطريقتي ولا ألذ ملكة رمضان

الكبسه بطريقتي ولا ألذ ملكه رمضان

الكبسه بطريقتي ولا ألذ ملكة رمضان

الكبسه بطريقتي ولا ألذ ملكة رمضان , معكم صديقة زاكي الشيف الموهوبة ,

المقادير

  • دجاج أنا إستخدمت أوراك مقطعه
  • مطيبات للسلق:
  • بصل
  • حب هال
  • روز ماري
  • قرن فلفل أخضر حار
  • ملح وفلفل أسود
  • للأرز:
  • كوب أرز بسمتي
  • بصله متوسطه
  • حبه بندوره كبيره
  • معلقه كبيره سمنه أو زيت
  • بهارات الكبسه( معلقه كبيره من الخشنه والناعمه)
  • معلقه كبيره صلصه بندوره
  • معلقه صغيره فلفل أسود
  • ملح
  • نصف معلقه صغيره فلفل أحمر مجروش

الخطوات

بسم الله نبدأ

سلقت الأوراك وضفت المطيبات وتركتهم ليستو

نقعت الرز بالميه قطعت البصله لمكعبات هيها وحبه البندورة

فى طنجره حطيت معلقه السمنه وقلبت بهارات الكبسه والفلفل الأحمر فيها لتفوح رحيتهم ضفت البصله لتدبل إشويه بعدها ضفت البندوره ومعلقه الصلصه وكوبايه من المرقه ومعلقه صغيره ملح ونصف معلقه الفلفل الأسود تركتهم ليتسبكو مع بعض كم من دقيقه

صفيت الرز وقلبتهم مع بعض كويس ضفت المرقه للرز أعلا منه ب سم لما بلش يغلي وطيت النار وتركته ليستوى

إزا حسيتي الرز لسه بدو مرقه زيدي بالتدريج ليصير تمام

شلت الأوراك من المرقه حطيتهم بصينيه دهنتهم بتتبيلي الرائعه وسبق ونزلت طريقتها بوصفه المسخن الفلسطيني

يوضع الأرز في جاط و تصف الأوراك ويزين حسب الرغبه

بتمنا هالوصفه البسيطه تعجبكم وتدعولي يا قمراتي بالخير والعافيه

وصحه وعافيه بحبكم أنا ❤

51 تعليقاً

  1. ما شاء الله تبارك الله وصفاتك مميزة بالمنظر الخلاب والمكان رااااائع عنجد لو سندويشة زعتر وزيت بهالمكان بتشههههههي فما بالك بالكبسة ولااااا مش اي كبسة كبسة ام مصطفى العسل 😍😍😍😍😍😍😍😍💖💖💖💖💖💖😙😙😙😙😙😙

  2. يسلم هالديات حبيبتي أم مصطفى المنظر ولاااا اروع والمكان بجنن روووووووعة بحب انا القعدات هاي

    ازا ما فيها سئلة وين ساكنة 🤔🤔

  3. يسلمو يعطيكي العافيه
    صبايا بدي طريقه لما احمر الدجاج بعد الطبخ بيتحمر معي وشكلو بيطلع بيجنن بس بنفس الوقت ناشف وبيقسى

    • حبيبتي تسلمي يا رب بس أنتي ما تحمريه كتير وما تخليه بالفرن بعد ما تطفيه طلعيه ع طول لأنو مع الحراره بنشف بزياده هيني بعمله والحمد لله بكون كتير طري👍😍😘

  4. ياعيني ياعيني بتشهييييي وبتفتح النفس ومع قعده زي هيك ماشاءالله مم الاااااااآخر تبارك الرحمن ربي يسعدها المعدله 🥰💞🌷

  5. ايه الدمار الشامل ده
    يما عليكي يا ام مصطفى فتحتي نفسي بآخر هالليل
    منظر بشهيييييييي ماشاء الله تبارك الرحمن
    لك حتى الجزر من بين ايديكي طيب هههههه
    ربي يحميكي ويباركلك ويعطيكي الف عافية ونحنا منحبك كمان ومنحب وصفاتك الروعة😍😍😍

اترك تعليقاً

لن يتم نشر عنوان بريدك الإلكتروني.